Ubutukilo 8:21 - MUKANDA USANDU WA ZAMBI 1975

²¹ Yehova yevwa lupembo mupema; Yehova yamba mu mbunge yenyi ngwenyi, Chichi kashinga nawa mavu mumu hali atu, mumu kunyonga cha mbunge jo chapiha chize ku wanuke wo. Chichi kulamba nawa akwa mwono eswe ngwe hinalinga.

Mukanda Wa Zambi 1970

²¹ Muze Mwene Zambi hevwa lupembo mubema wa mulambu uze, yamba ngwenyi: “Hikwahwa, chichi kushinga nawa hashi hakutwala ku yize akulinga atu. Ngunanyingika ngwami, kuma atu chize ku wanuke wo, manyonga jo kaali lume abi. Eswe waze natangile, akwete mwono, chichi kwonona nawa ngwe chize hinalinga.

Ubutukilo 8:21 Iomraidhean Croise

Ubutukilo 3:17

Kuli Alama yamba ngwenyi, Mumu yena hiwatayiza liji lia mukwenupwo hiwalia ku mutondo uze nakukanjishile ngwami, Kanda uliako, mavu kanashingiwa ha mukunda wa yena. Mukaliako ni kuhondangana wika matangwa eswe a mwono we.

Ubutukilo 4:12

Chize ku tangwa lia musono muze mulima ha mavu kechi kukwaha tachi jo. Kumukapwa mukwa kuchina kanda chendanganyi hano hashi.

Ubutukilo 5:29

Yamuluka jina ngwenyi, Noe, mumu ngwenyi, Yono kumakatuwahisa ha milimo yetu ni kukilikita cha moko jetu mumu ha mavu aze Zambi washingile.

Ubutukilo 6:13

Mba Zambi yamba kuli Noe ngwenyi, Kumeso jami songo lia musunya weswe hilieza, mumu hashi hazala to ni upupilo kuli ayo, kashika mungwanongesa hamuwika ni he hashi.

Ubutukilo 6:17

Mumu yami mwene munguneha sanga lia meya hashi lia kunongesa musunya weswe kushi lia malilu uze ukwete mwiku wa mwono; e eswe ali hashi kumafwa.

Ubutukilo 6:5

Chocho Yehova yamona ungulungulu wa atu hashi, ngwenyi, Wahiana. Chikwo ngwenyi, Kutaka cheswe cha manyonga ja mu mbunge jo, chipi wika matangwa eswe.

Ubutukilo 6:7

Kashika Yehova yamba ngwenyi, Atu ano natangile mungwanongesa hashi; ni atu, ni tushitu, ni tututu, ni tujila a mu tetela, mumu hichangukonyekesa chize naatangile.

Jobe 14:4

Iya mahasa kuchiza chuma chipema muchima lia chuma chipi? Niumwe.

Miaso (Masamu) 51:5

Pundu angusemene mu uhenge. Mama wangusesekele mu shili.

Miaso (Masamu) 58:3

Yingulungulu kahungula Zambi chize ku jimo. Machiasema o mahungumuka nikuhanjika mahuza.

Miaso (Masamu) 58:4

Utende wo wapwa ngwe utende wa kapela. Kalifwa ni fwiji yoze kafwa-matwi, hajika matwi jenyi.

Kutuhuka 29:18

Ukalumbe kuji ya panga mweswe ha chilumbilo. Chapwa mulambu wa kulumba kuli Yehova. Lupembo mupema. Mulambu wa kwocha ni kahia kuli Yehova.

Kutuhuka 29:25

Ukayichize ku moko jo hikuyilumba ha chilumbilo ya kunangika ha mulambu wa kulumba, yikapwe lupembo mupema kumeso ja Yehova. Kuwapwa mulambu wa kwocha ni kahia kuli Yehova.

Yishima 20:9

Iya mahasa kwamba ngwenyi, Hinapemesa mbunge yami; ngunatomo ku shili yami?

Longeshi 7:20

Pundu kuheshi mutu niumwe hano hashi yoze kakulinga chipema ni kuvulumuna ka.

Izaya 47:12

Jikijila mu wanga we, ni umbanda we wunji uze watala nawo chize ku ukweze we. Hanji muhasa kukumba; hanji muhasa kuvwisa mwongo akwenu.

Izaya 47:15

Kuli yena chocho anapu waze wahondangana no, hasepa ni yena chize ku ukweze we. O kakulihiza mutu mweswe mu jila yenyi, alioze yoze makulamwina wakuhi.

Izaya 48:8

Kunwachivwile, kunwachinyingikine nilimwe tangwa, chize ku shakulu kajikwile matwi jenu. Mumu nanyingikine ngwami, Munulinga ni mafwefwe anji. Chize ku kusemuka chenu nuli akwa kukolema.

Izaya 53:6

Etu eswe hitunatoko ngwe mapanga. Hitunahambuluka mutu mu jila yenyi, mutu mu jila yenyi; alioze Yehova hanamutwika iye uhenge wa yetu eswe.

Izaya 65:6

Nyingikenu, chinasonewa kumeso jami ngwami, Chichi kahola, mungukafwetesa, mungukafwetesa mwe mu makondo jo

Jeremia 17:9

Mbunge kuyakwonga kuhiana yuma yeswe, ni kupiha chikolo. Iya mayinyingika?

Jeremia 18:12

Ahoze o anambe ngwo, Acho chamokomoko. Mutukaula chize hitwapala, ni mutu mweswe malinga nikulita ni pami ja mbunge yenyi yipi.

Jeremia 8:6

Hinatelako matwi, hinapanjika, alioze kahanjikile kanawa. Niumwe kanalikonyeka ha ungulungulu wenyi ngwenyi, Yika nalinga? Mweswe kanatalikisa mu jila yenyi mwene ngwe kavwalu yoze kanalimbilila mu jita.

Ezekiel 20:41

Mungukanutambula ngwe lupembo mupema muze mungukanuchiza hakachi ka mavungu ni kunukonga ku yifuchi kuze nwamwanganyinyine. Mungukasolola usandu wami hakachi kenu kumeso ja akwa mavungu.

Alevi 1:13

Alioze yingambiangambia ni molu, akayikose ni meya. Mba sasendote mayilambula ye yeswe, akayilumbe ha chilumbilo. Ukapwe mulambu wa kulumba, mulambu wa kahia, wa lupembo mupema kuli Yehova.

Alevi 1:17

Akamupule ku mapulwa jenyi alioze kanda amuhandununa. Sasendote akamulumbe ha chilumbilo, ha kunyi jize jili ha kahia. Ukapwe mulambu wa kulumba, mulambu wa kahia, wa lupembo mupema kuli Yehova.

Alevi 1:9

Alioze yingambiangambia yenyi ni molu jenyi akayikose ni meya. Mba sasendote malumba ye yeswe ha chilumbilo, mulambu wa kulumba, mulambu wa kahia wa lupembo mupema kuli Yehova.

Alevi 26:31

Mungupwisa yihunda yenu yahululu. Mungupwisa mazuwo jenu asandu ngwe puya, mba chichi kuhumbika milambu yenu ya lupembo mupema.

Alevi 4:31

Maji jawo eswe akaachizeho ngwe akuchiza maji eswe a yitapo ya milambu ya sambukila. Mwe sasendote akaalumbe ha chilumbilo akapwe lupembo mupema kuli Yehova, mba sasendote akamufukile shili yenyi hanga amukonekeneyo.

Alevi 8:28

Mba Mose yayichiza ha moko jo, yayilumba ha chilumbilo hamuwika ni mulambu wa kulumba yikapwe mulambu wa kutumbikila ku usasendote, lupembo mupema, mulambu wa kahia kuli Yehova.

Kwalula 15:3

nyi munukazanga kulambula kuli Yehova mulambu wa kahia, hanji mulambu wa kulumba, hanji chitapo, mukumanununa chilakenyo chimwe, hanji mulambu wa mbunge, hanji ha matangwa a yiwanyino yenu ya kutongola mukulambula kuli Yehova wa lupembo mupema, wa ku ngombe, hanji wa ku mapanga:

Mateu 15:19

Mumu mu mbunge mwakutuhuka manyonga api, ni ungalwe, ni utanji, ni upangala, ni wiji, ni Shindakenyo ya mahuza, ni kushililika.

Yoano 3:6

Chize chinasemuka ku musunya, musunya; ni chize chinasemuka kuli Spiritu, Spiritu.

A-ROMA 1:21

Mumu chipwe anyingikine Zambi, kamuchichimiekene ngwe Zambi, chipwe kasakwilile; alioze asekele mu manyonga jo, ni mbunge jo ja kuhulama jatayile.

A-ROMA 3:23

Mumu eswe hanavulumuna, kanahono uhenya wa Zambi.

2 Korintu 2:15

Mumu tuli lupembo mupema wa Kristu kuli Zambi muli waze anaalamwina, ni muli waze anatoko;

Efesu 5:2

Endenu mu zango, chizechene ngwe Kristu watuzangile; walikunjikile mwene hali yetu, mulambu ni chitapo kuli Zambi akapwe wa lupembo mupema.

Filipu 4:18

Alioze yuma yeswe nguli nayo; nguli nayo ya kulumbama: ngunazala tò, se natambwile kuli Epafwonditu yuma yize nwatumine, lupembo mupema, chitapo cha kupemena chikolo kuli Zambi.

1 Yoano 5:19

Tunanyingika yetu tuli a kuli Zambi, ni hashi heswe lukombo kuhakupomba mu chiyulo cha mwe chingulungulu.

1 Samuel 26:19

Kashika mwene wami mwanangana panjikenu ku maliji a yami kavumbi kenu. Nyi Yehova hananuvundula kulimika ni yami atambule mulambu. Alioze nyi malunga hachilinga akashingiwe kumeso ja Yehova mumu hananguhumu musono hanga ngukahone chihanda cha chihinga cha Yehova ngwo, Yako ukavumbike mazambi eka.