Ubutukilo 8:20 - MUKANDA USANDU WA ZAMBI 1975

²⁰ Mba Noe yatunga chilumbilo kuli Yehova. Yanda a kuli tushitu eswe akulinanga, ni a kuli tujila eswe akulinanga, yalambula milambu ya kulumba ha chilumbilo.

Mukanda Wa Zambi 1970

²⁰ Hohene Noa yatunga chilumbilo cha Mwene Zambi. Tushitu ni tujila waze atela kulambula, yanda umuwika umuwika, yoocha ha chilumbilo, yaawema bwililii.

Ubutukilo 8:20 Iomraidhean Croise

Ubutukilo 13:18

Apalama yatutulula mbalaka yenyi, yaya, yatwama ku mitondo ya Mamare, yize yatwama mu Heprone. Kwenako yatungila Yehova chilumbilo.

Ubutukilo 13:4

Kuma kuze kwa chilumbilo chize atungile hatangu. Kwenako Apalama yasanyika ha jina lia Yehova.

Ubutukilo 22:2

Yamba ngwenyi, Twala mwané, mwané wa wika unamuzange, mwe Izake, ukaye ku chifuchi cha Moria, ukamulambuleko mulambu wa kulumba ha mulundu umwe mungukulwezawo.

Ubutukilo 22:9

Chocho yaheta kuma kuze Zambi hamulweza. Apalahama yatungako chilumbilo, yatengekaho kunyi, yakasa mwanenyi Izake, yamusa ha chilumbilo ha kunyi.

Ubutukilo 26:25

Iye yatunga kuze chilumbilo, yasanyika ha jina lia Yehova; yatungako mbalaka yenyi; mba ngamba jenyi yashimako shima lia meya.

Ubutukilo 33:20

Yatungaho chilumbilo, yachiluka jina ngwenyi, Ele-Lohe-Izalele.

Ubutukilo 35:1

Zambi yamba kuli Yakomba ngwenyi, Katuka, ukanduke ku Mbetele ukatwa meko. Lingako chilumbilo kuli mwe Zambi wasolokele kuli yena muze wachinyine kumeso ja yayenu Esau.

Ubutukilo 35:7

Watungileko chilumbilo, yalukaho jina ngwenyi, Ele-mbetele, mumu kwenako Zambi walisolwele kuli iye muze wachinyine kumeso ja yayo.

Ubutukilo 4:4

Abele neye yatwala tupula-jimo a mu chendo chenyi hamuwika ni maii jo. Yehova yalemesa Abele ni mulambu wenyi.

Ubutukilo 7:2

A kuli tushitu eswe a kulinanga ukatambule shimbiali ni shimbiali, ni kuji ni chihwo chenyi. A kuli tushitu keshi kulinanga ukatambule aali ni aali, kuji ni chihwo chenyi.

Ubutukilo 7:3

A kuli tujila a mu tetela nawa, ukatambule shimbiali ni shimbiali, a kuji ni chihwo, akafunge mbuto ya mwono ha kuzazuluka cha hashi heswe.

Ubutukilo 8:19

Ni tushitu eswe, ni akwa kukalala eswe, ni tujila eswe, aze eswe akwenda hashi, nikulita ni mavungu jo yatuhuka mu ulungu.

Jobe 1:5

Muze matangwa a yiteleka hapalika, Jo watumine ni kwapemesa. Te malimeneka chimene ni kulambula milambu ya kulumba nikulita ni kwalula cha ana, mumu Jo wanyongene ngwenyi, Hanji anami havulumuna, hanji hatuka Zambi mu mbunge jo. Jo walingile chocho matangwa eswe.

Kutuhuka 10:25

Mose yamba ngwenyi, Chakutamba kutwaha mu moko jetu yitapo ni milambu ya kulumba, tukalambule yitapo kuli Yehova Zambi yetu.

Kutuhuka 29:18

Ukalumbe kuji ya panga mweswe ha chilumbilo. Chapwa mulambu wa kulumba kuli Yehova. Lupembo mupema. Mulambu wa kwocha ni kahia kuli Yehova.

Kutuhuka 29:25

Ukayichize ku moko jo hikuyilumba ha chilumbilo ya kunangika ha mulambu wa kulumba, yikapwe lupembo mupema kumeso ja Yehova. Kuwapwa mulambu wa kwocha ni kahia kuli Yehova.

Kwalula 7:21

Chimbembe wa kuji umuwika, ni kuji ya panga umuwika, ni kuji ya panga umuwika wa mwaka umuwika, akapwe mulambu wa kulumba.

A-ROMA 12:1

Kashika, ngunaliumbu kuli yenu mandumbu, ku keke ya Zambi, nutumbikile mijimba yenu chitapo cha mwono, chisandu, chakupemena chikolo kuli Zambi, uno we uvumbiko wenu wakulita ni kunyonga cha mana.

Hebreu 13:10

Chilumbilo tuli nacho, chize waze akuvumbika mbalaka keshi chiyulo cha kulilaho nichimwe.

1 Petulu 2:5

Ni yenu nawa, ngwe mawe a mwono, kananutungu kupwa zuwo lia uspiritu, kupwa asasendote asandu, mukulambula yitapo ya uspiritu, ya kupemena chikolo kuli Zambi ku tachi ja Yesu Kristu.

1 Petulu 2:9

Alioze yenu nuli akwa munyachi wa kutongola, asasendote a ku wanangana, enya chifuchi chisandu, amwe atu a kwapita Zambi mwene, hanga nukambujole che kuhiana cha yoze hananutambika nukakatuke ku milima ndo ku pangu lienyi lia kukomwesa: