Ubutukilo 8:12 - MUKANDA USANDU WA ZAMBI 1975

¹² Yashimbula nawa matangwa akwo shimbiali, mba yatuma nawa katele alioze kahilukilile nawa kuli iye.

Mukanda Wa Zambi 1970

¹² Yashimbwila nawa matangwa akwo shimbiali, mba yatuhwisa nawa katele. Neye yaya, alioze chisuho chino kahilukile ko nawa.

Ubutukilo 8:12 Iomraidhean Croise

Ubutukilo 8:10

Yashimbula matangwa akwo nawa shimbiali mba cheka nawa yatuhwisa katele mu ulungu.

Ubutukilo 8:11

Ha chingoloshi katele yahilukila kuli iye. Kumanyi mu muvumbo wenyi lifwo lia olevwe lia wisu lia kupatula. Chocho Noe yanyingika ngwenyi, Meya hahuwa hashi.

Miaso (Masamu) 27:14

Twaminyina Yehova! Takama, mbunge ye yikajikize. Ewa, twaminyina Yehova. Samu lia David.

Izaya 25:9

Ha tangwa lize mamba ngwo, Mwe Zambi yetu yono! Twamutwaminyinyine atulamwine. Mwe Yehova yono twatwaminyinyine tuwahililenu ni kulikwiza ni ulamwino wenyi.

Izaya 26:8

Yehova, tunakutwaminyina mwe mu jila ya upatwilo we. Jina lie lia kwiwuluka kuliapwa lia kuzanga mu mbunge jetu.

Izaya 30:18

Kashika Yehova kanashimbula akanulinge vumbi; kashika kanalinangamisa ha kunuvwila keke. Mumu Yehova iye Zambi ya ululi, kawaha waze mamutwaminyina.

Izaya 8:17

Mungutwaminyina Yehova, yoze unaswekela meso jenyi munyachi wa Yakomba. Muli iye mungutalatala.

Jeremia 48:28

Katukenu ku yihunda yenu nukatwame mu luliwe, enu nwatwama ku Moape. Pwenu ngwe katele yoze wakusa chaswa chenyi mu malumbu ja ku unjililo wa chivwenge.

Habakuke 2:3

Mumu usolwelo unachitwaminyina mwaka wawo. Kuunatambuka ku songo liawo—kuushi mahuza. Chipwe mumona ngwe unashimbula shimbu hindu twaminyina. Muwiza kupwa; kuuchi kahona.