Ubutukilo 7:7 - MUKANDA USANDU WA ZAMBI 1975

⁷ Chocho Noe yanjila mu ulungu, ni anenyi, ni mukwo-pwo, ni mapwo ja anenyi, mumu ha sanga lia meya.

Mukanda Wa Zambi 1970

⁷ Chenacho Noa anjilile mu ulungu, ni pwo lienyi, ni ana jenyi a malunga ni mapwo jo, ha kuchina sanga lia meya.

Ubutukilo 7:7 Iomraidhean Croise

Ubutukilo 6:18

Alioze mungukolesa usendo wami ni yena. Kumukanjila mu ulungu, ni yena, ni ana je a malunga, ni mukwenu-pwo, ni mapwo ja ana je hamuwika ni yena.

Ubutukilo 7:1

Mba Yehova yamba kuli Noe ngwenyi, Njila mu ulungu ni yena ni akwa zuwo lie eswe, mumu nakumona yena mukwa ululi kumeso jami mu chisemuko chino.

Yishima 22:3

Chikanyame malangikiza ye yipi maswama, alioze yizuzuke masenya kulutwe mba maalamba.

Mateu 24:38

Mumu chizechene ngwe ha matangwa kuze kanda, shimbu te sanga lia meya kanda liza, apwile nikulialia, nikunwanwa, nikumbata, nikuhangisa malo, ndo tangwa lize Noe wanjilile mu ulungu.

Luka 17:27

Alile, anwine, ambachile, ahangishile ku malo, ndo tangwa lize Noe wanjilile mu ulungu, ni sanga lia meya liejile, likonwone eswe.

Hebreu 11:7

Ku Ufulielo Noe wa kufumba kuli Zambi ha kutwala ku yuma yize kanda yichimoneka, se wevwile woma wa Zambi, walulikile ulungu akalamwine akwa zuwo lienyi; chochene wahishile akwa hashi, amupwishile swana ya ululi uze wakulita ni Ufulielo.

Hebreu 6:18

Hanga ku yuma yiali kuyishi kuhasa kwalumuka, mu yino Zambi kechi kuhasa kuhanjika mahuza, tukapwe ni kulembejeka cha ngolo, yetu hitunachinyina kukwata ku kutalatala chize chili kulutwe lietu.

1 Petulu 3:20

waze ha shakulu kononokeneko, muze uhomboloji wa Zambi washimbwile ha matangwa ja Noe, shimbu machilulika ulungu, amuze akepe, te atu nake, aalamwinyine ku meya.

2 Petulu 2:5

Iye kavwilile keke akwa hashi ha shakulu, aiioze wafungile hamwe ni shimbiali akwo, Noe, kanganda ka ululi, muze anehene sanga lia meya hashi hali yitanganyanyi.