Ubutukilo 7:4 - MUKANDA USANDU WA ZAMBI 1975

⁴ Mumu kwasala matangwa shimbiali mba mungunokesa vula hashi, makumi awana a matangwa ni makumi awana a ufuku. Yuma yeswe ya mwono natangile mungujimuna ha kuzazuluka cha mavu.

Mukanda Wa Zambi 1970

⁴ Kwasala matangwa shimbiali, mba mungunokesa vula hashi. Muyikanoka matangwa makumi awana ha kwonona eswe waze akwete mwono, waze natangile.”

Ubutukilo 7:4 Iomraidhean Croise

Ubutukilo 2:5

Ni mitondo yeswe ya mu mavu shimbu kanda yipwa hashi, ni yiputa yeswe ya mu mavu shimbu kanda yisoka, mumu Yehova Zambi kanda anokesa vula hashi, chipwe mutu keshiko yoze machipa mavu.

Ubutukilo 6:13

Mba Zambi yamba kuli Noe ngwenyi, Kumeso jami songo lia musunya weswe hilieza, mumu hashi hazala to ni upupilo kuli ayo, kashika mungwanongesa hamuwika ni he hashi.

Ubutukilo 6:17

Mumu yami mwene munguneha sanga lia meya hashi lia kunongesa musunya weswe kushi lia malilu uze ukwete mwiku wa mwono; e eswe ali hashi kumafwa.

Ubutukilo 6:3

Mba Yehova yamba ngwenyi, Spiritu yami kechi kalitachika ni atu matangwa eswe, se iye nawa musunya. Hindu matangwa jenyi kumakapwa kulakaji lia miaka ni makumi aali a miaka.

Ubutukilo 6:7

Kashika Yehova yamba ngwenyi, Atu ano natangile mungwanongesa hashi; ni atu, ni tushitu, ni tututu, ni tujila a mu tetela, mumu hichangukonyekesa chize naatangile.

Ubutukilo 7:10

Mba chapwile kulutwe lia matangwa shimbiali meya a sanga apwile hashi.

Ubutukilo 7:12

Mba vula wapwile hashi makumi awana a matangwa ni makumi awana a ufuku.

Ubutukilo 7:17

Sanga liapwile hashi makumi awana a matangwa chocho meya aliwezele, azundwile ulungu ukazunduke helu lia hashi.

Ubutukilo 7:3

A kuli tujila a mu tetela nawa, ukatambule shimbiali ni shimbiali, a kuji ni chihwo, akafunge mbuto ya mwono ha kuzazuluka cha hashi heswe.

Ubutukilo 8:10

Yashimbula matangwa akwo nawa shimbiali mba cheka nawa yatuhwisa katele mu ulungu.

Ubutukilo 8:12

Yashimbula nawa matangwa akwo shimbiali, mba yatuma nawa katele alioze kahilukilile nawa kuli iye.

Ubutukilo 8:2

Mafuji a jondo nawa yaajika hamwe ni manjanela a mwilu, mba vula wa mwilu yapatuka.

Jobe 22:16

Yaachangumuna shimbu mwaka wo kanda uchiheta; fundamentu yo yahungumukine mu muhwiji.

Jobe 28:25

Muze wasele pezu ya fuji; muze wesekele meya ni njongo;

Miaso (Masamu) 69:28

Akajimuke ku mukanda wa mwono. Kanda aasoneka hamwe ni akwa ululi.

Jeremia 28:16

Kashika Yehova kanambe ngwenyi, Mungukuchiza hano hashi. Mwaka uno wene kumuofwa mumu hiwamba yuma ya kukatukila Yehova.

Amose 4:7

Nanuminyine vula muze kwasala hindu tukweji atatu ku matangwa a kucha. Napwile nikutuma vula ha chihunda chimwe ni kukwika vula ha chihunda chikwo. Munda umwe watambwile vula; shimbu munda ukwo kuwatambwile mba womine.

Usolwelo 3:5

Yoze makumba, chocho kumamujika mazalo atoma. Chichi kajimuna nichimwe jina lienyi mu mukanda wa mwono, aiioze mungukatayiza jina lienyi kumeso ja Tata, ni kumeso ja angelo jenyi.