Ubutukilo 6:7 - MUKANDA USANDU WA ZAMBI 1975

⁷ Kashika Yehova yamba ngwenyi, Atu ano natangile mungwanongesa hashi; ni atu, ni tushitu, ni tututu, ni tujila a mu tetela, mumu hichangukonyekesa chize naatangile.

Mukanda Wa Zambi 1970

⁷ Mba yamba ngwenyi: “Mungwonona atu eswe waze natangile, chibwe kweswako ali. Mungwonona atu ni tushitu ni tututu ni tujila eswe, mumu ngunevu chinyengo ha chize natangile yuma yeswe.”

Ubutukilo 6:7 Iomraidhean Croise

Ubutukilo 6:6

Yehova yalikonyeka chize atangile atu hano hashi. Chamunehenene chinyengo mu mbunge yenyi.

Ubutukilo 7:21

Musunya weswe wafwile, uze wakwenda hashi, ni tujila, ni yimuna, ni tushitu, ni akwa kukalala eswe aze akukalala hashi, ni atu eswe.

Ubutukilo 7:4

Mumu kwasala matangwa shimbiali mba mungunokesa vula hashi, makumi awana a matangwa ni makumi awana a ufuku. Yuma yeswe ya mwono natangile mungujimuna ha kuzazuluka cha mavu.

Ubutukilo 8:21

Yehova yevwa lupembo mupema; Yehova yamba mu mbunge yenyi ngwenyi, Chichi kashinga nawa mavu mumu hali atu, mumu kunyonga cha mbunge jo chapiha chize ku wanuke wo. Chichi kulamba nawa akwa mwono eswe ngwe hinalinga.

Miaso (Masamu) 37:20

Alioze yingulungulu kumakatoka, ni akwa kole ja Yehova kumapwa ngwe uhenya wa mwambu; kumahwa, ngwe mwishi m uwanduka.

Yishima 10:27

Woma wa Yehova wakwokesa matangwa a mutu; alioze miaka ya chingulungulu kumuyikatepuluka.

Yishima 16:4

Yuma yeswe Yehova hayitengela milimo yayo; ewa chipwe yingulungulu haasela tangwa lia yipi.

Izaya 27:11

Muze mitango yawo hiyoma, mayimakwona, mba mapwo meza nikuyisa ha jiko. Mumu wano atu keshi meso a kunyingika; kashika Tangi yo kechi kaavwila keke; yoze waawumbile kechi kaavwila vumbi.

Hosea 4:3

Kashika chifuchi chinalinyenge, ni waze eswe atwamamo kanahongo, ni tushitu a mu yambu nawa, ni tujila a mu tetela, ni chipwe yishi a mu kalunga-lwiji kanaachiza.

Amose 7:3

Mba Yehova yalikonyeka ha chuma chino. Yehova yamba ngwenyi, Kuchichi kupwa.

Amose 7:6

Mba Yehova yalikonyeka ha chuma chino. Mwene Yehova yamba ngwenyi, Chino nawa kuchichi kupwa.

Zefania 1:18

Ha tangwa lia ufwatulo wa Yehova kechi kahasa kulipulula chipwe ni prata yo, chipwe ni oru yo. Mu kahia ka ufwatulo wenyi wa ukwa hashi heswe muhaliwa, mumu makasulisa akwa hashi eswe liakulu, susumuku lume.

Zefania 1:2

Yehova kanambe ngwenyi, Mungukakomba liakulu yuma yeswe hashi.

Zefania 1:3

Mungukakomba atu ni tushitu. Mungukakomba tujila a mu tetela, ni yishi a mu kalunga-lwiji, ni yitalingiso, ni yingulungulu. Mungukasutula e atu lume hashi. Chocho kanambe Yehova.

Shimbi 28:63

Chizechene ngwe Yehova wawahililile hali yenu mukunulinga yipema, mukunwokesa, chocho Yehova makawahilila hali yenu mukunukuwisa, mukunwonwona, makanuchangumuna ku chifuchi nunayi kuzuka.

Shimbi 29:20

Yehova kechi kamukonekena, alioze hohene utenu wa Yehova ni ukwa wenyi muukafwinjila mwishi yoze lunga, shingo lieswe linasonewa mu mukanda uno mulikamushata, Yehova makajimuna jina lienyi mushi lia lilu.

1 Samuel 15:11

Hinalikonyeka ha kupwisa Saulu mwanangana, mumu hanalitwamina kungukaula. Kalingile chize namutumine. Samuel yatenuka. Yateta kuli Yehova Ufuku weswe.