Ubutukilo 6:6 - MUKANDA USANDU WA ZAMBI 1975

⁶ Yehova yalikonyeka chize atangile atu hano hashi. Chamunehenene chinyengo mu mbunge yenyi.

Mukanda Wa Zambi 1970

⁶ yevwa chinyengo ha chize atangile mutu ni kumusa hashi.

Ubutukilo 6:6 Iomraidhean Croise

Ubutukilo 6:7

Kashika Yehova yamba ngwenyi, Atu ano natangile mungwanongesa hashi; ni atu, ni tushitu, ni tututu, ni tujila a mu tetela, mumu hichangukonyekesa chize naatangile.

2 Samuel 24:16

Alioze muze mungelo wolwele kwoko lienyi ku Yerusaleme achonwone, Yehova walikonyekene ha chuma chino chikalu. Yamba kuli mungelo yoze te unonwona atu ngwenyi, Kunahu. Kokolola kwoko lie. Mungelo wa Yehova achili te ku chizungwilo cha Arauna wa ku Yepushe.

1 Sango Ja Mianangana 21:15

Zambi yatuma umwe mungelo ku Yerusaleme akayonwone. Mba muze himayonwona, Yehova yatala, yalikonyeka ha chuma chino chikalu, mba yamba kuli mungelo chonwonyi ngwenyi, Kunahu! Kanda uweza nawa kwoko lie. Mungelo wa Yehova te kanamana ku chizungwilo cha Ka-Yepushe Ornane.

Miaso (Masamu) 106:45

Wewulukile usendo wenyi mumu hali ayo. Walikonyekene nikulita ni kulumbama cha utu wa zango lienyi.

Miaso (Masamu) 110:4

Yehova hanalishingi, kechi kulikonyeka, ngwenyi, Uli sasendote ku miaka ya mutolo, nikulita ni ngango ya Melekizeteke.

Miaso (Masamu) 119:158

Namwene akwa mafwefwe; napihilile mumu kafungile liji lie.

Miaso (Masamu) 78:40

Yisuho yipwa haha amukatukilile mu puya, nikumuvwisa kupiha mu makango.

Miaso (Masamu) 81:13

Atu jami, kachi mangwivwa! Izalele, kachi menda mu majila jami!

Miaso (Masamu) 95:10

Makumi awana a miaka ndusu napihilile ni chisemuko chize. Nambile ngwami, Wano atu akwa kuhenga mu mbunge jo; kanyingikine majila jami.

Kutuhuka 32:14

Mba Yehova walikonyekene ha yipi yize ambile ngwenyi, Munguyilinga kuli atu jami.

Izaya 48:18

Mala! Nyi kachi nwevwile shimbi jami! Kachi uhwimino wenu wapwa ngwe lwiji, kachi ululi wenu wapwa ngwe mikanya ya kalunga-lwiji.

Izaya 63:10

Alioze o yakolema, yavwisa chinyengo Spiritu yenyi musandu; kashika iye yalumuka mukwa kole yo, iye mwene yasa no jita.

Jeremia 18:7

Nyi tangwa heswaho mungwamba ha kutwala ku munyachi hanji wanangana umwe kuutukula, hanji kuupalwola, hanji kuwonwona,

Jeremia 26:19

Te Hezekia mwanangana wa Yunda ni atu ja A-Yunda yamushiha nyi? Kevwile woma wa Yehova nikulembelela kuli Yehova, mba Yehova yalikonyeka ha kutwala ku yuma yikalu yize hahanjika hali ayo? Alioze yetu tunambe kulikokela yuma yikalu chikolo.

Ezekiel 33:11

Amba kuli ayo ngwe, Mwene Yehova kanambe ngwenyi, Ni mwono wami, chevwile kuwaha ni kufwa cha chingulungulu. Ngunazange chingulungulu ahichike ndako jenyi atwame ni mwono. Alumukenu! Alumukenu! Katukenu ku ndako jenu jipi. Kuchi te nunazange kufwa, enu akwa munyachi wa Izalele?

Hosea 11:8

Ena Eframe, kuchi munguhasa kukwecha? Ena Izalele, kuchi munguhasa kukukunjika? Kuchi munguhasa kukupwisa ngwe Andama? Kuchi mungukulinga ngwe Zepoime? Mbunge yami kuyatayile muchima; keke yami yinaliwezela chivukuminya ni vumbi.

Joele 2:13

Sonyenu mbunge jenu, hi mazalo jenu ko. Tewulukilenu kuli Yehova Zambi yenu, mumu iye mukwa vumbi, wa tò ni keke, makoke kutenuka, mukwa kulumbamisa utu wa zango, kakulikonyeka ha chuma chikalu.

Yona 3:10

Zambi yamona yitanga yo, ngwenyi, Kanakatuka ku ndako jo jipi. Mba Zambi yalikonyeka ha che chuma chikalu chize ambile kwalinga. Kachilingile.

Malaki 3:6

Mumu yami Yehova chishi kwalumuka, kashika enu ana ja Yakomba kanunongesele.

Kwalula 23:19

Zambi hi mutu ko ahanjike mahuza, ka; chipwe mwana wa mutu, alikonyeke, ka. Hamba chimwe chuma, kechi kuchilinga? Hanji hachihanjika chimwe chuma, mba kechi kuchimanununa?

A-ROMA 11:29

Mumu yawana ya vumbi ni kutambika cha Zambi keshi kulikonyekayo.

Efesu 4:30

Kanda nuvwisa chinyengo Spiritu Musandu wa Zambi, yoze muli iye hananujiki ni Chijikilo ndo tangwa lia ukule.

Shimbi 32:29

Nyi kachi mana apwile no, kachi machisa chinyingi, kachi mamona kama songo lio.

Shimbi 32:36

Mumu Yehova makasambisa atu jenyi. Makavwila keke tuvumbi twenyi muze mamona tachi jo hijahwa mba niumwe wasala, apwe ndungo, apwe mwene.

Shimbi 5:29

Kachi mapwa ni mbunge yino muli ayo, hanga anguvwile woma, afunge maliji jami eswe a shimbi matangwa eswe, hanga atwame kawape, ana jo nawa atwame kawape cha mutolo.

Hebreu 3:10

Kashika napihililile ha chisemuko chino, nambile ngwami, Kakupianguka matangwa eswe mu mbunge jo; o kanyingikine majila jami.

Hebreu 3:17

Mba hali aya wapihililile makumi awana a miaka? Hi hali waze avulumwine ko, nyi? Waze mijimba yo yalimbukile mu puya, nyi?

Tiangu (Jake) 1:17

Kuhana cheswe chipema ni yawana yeswe yingunu kuyakuhulumuka kwilu, kuli mwe Tato ya pangu, muli iye kumushi kwalumuka, chipwe Chizulie cha kutewuluka.

1 Samuel 15:11

Hinalikonyeka ha kupwisa Saulu mwanangana, mumu hanalitwamina kungukaula. Kalingile chize namutumine. Samuel yatenuka. Yateta kuli Yehova Ufuku weswe.

1 Samuel 15:29

Ni chikwo nawa, mwe Mulemu-wa-Izalele kechi kwamba mahuza hanji kulikonyeka. Mumu iye hi mutu ko akalikonyeke.

1 Samuel 15:35

Samuel kejile nawa kumona Saulu ndo ku tangwa lia kufwa chenyi. Alioze Samuel yalinyenga hali Saulu, ni Yehova yalikonyeka ha kupwisa Saulu mwanangana wa Izalele.