Ubutukilo 6:3 - MUKANDA USANDU WA ZAMBI 1975

³ Mba Yehova yamba ngwenyi, Spiritu yami kechi kalitachika ni atu matangwa eswe, se iye nawa musunya. Hindu matangwa jenyi kumakapwa kulakaji lia miaka ni makumi aali a miaka.

Mukanda Wa Zambi 1970

³ Mba Mwene Zambi yamba ngwenyi: “Mwiku wami kuuchi kalitachika ni atu matangwa eswe mumu kaali lume atu. Alioze miaka yo muyikabwa lume 120.”

Ubutukilo 6:3 Iomraidhean Croise

Ubutukilo 6:2

ana a Zambi a malunga amwene ana a mapwo ja atu ngwo, Apema, kashika ambachile mapwo hakachi ka waze eswe azangile.

Nehemia 9:30

Alioze miaka yinji walihumikijine no. Waashindakenyene kuli Spiritu ye muli aprofeta. Hindu kasolo kwivwa, kashika waakunjikile mu moko ja mavungu a yifuchi.

Miaso (Masamu) 78:39

Wewulukile ngwenyi, O kapwa musunya wika; ngwe fuji yize muyipalika mba kuyichi kwiza nawa.

Miaso (Masamu) 90:10

Miaka yetu yapwa makumi shimbiali a miaka, hanji mumu ha tachi muyipwa makumi nake. Hindu kulenga chayo chinapu kuhondangana ni chinyengo wika, mumu yakuhwa nikawashi ni yetu mutuhumuka.

Izaya 5:4

Chuma chasalako chika munguhasa kulinga nawa ha munda wami wa uva? Muze nataliletalile ukeme uva kuchi te wemine uva ja mu yambu?

Izaya 57:16

Mumu chichi kalitachika miaka yeswe, chipwe kutenuka, chichi katenuka matangwa eswe. Kuli yami kwakatuka spiritu ni yami mwene natangile mwiku wa mwono.

Izaya 63:10

Alioze o yakolema, yavwisa chinyengo Spiritu yenyi musandu; kashika iye yalumuka mukwa kole yo, iye mwene yasa no jita.

Jeremia 11:11

Kashika Yehova kanambe ngwenyi, Ngunaneha chipi hali ayo kechi kahasa kuliehacho. Chipwe mateta kuli yami chichi kaapanjika.

Jeremia 11:7

Mumu natowezele tulamba twenu ni tachi muze naachijile ku chifuchi cha Engitu, nikwatoweza tangwa ha tangwa ndo musono uno ngwami, Ononokenu ku liji liami.

Kwalula 11:17

Munguhulumuka nguhanjikeko ni yena. Munguchiza kuli Spiritu yoze uli hali yena, mungunwisa hali ayo, mba kumakambata chiteli cha atu hamwe ni yena hanga kuchi kachimbata yena mwene ukawe.

Yoano 3:6

Chize chinasemuka ku musunya, musunya; ni chize chinasemuka kuli Spiritu, Spiritu.

Yilinga 7:51

Yenu nwakukala ni pami, nuli yilima ku mbunge ni ku matwi, yenu matangwa eswe nwakulinjika ni Spiritu Musandu; chizechene ngwe tulamba twenu, chocho ni yenu nawa nwakulinga.

1 Tesalonika 5:19

Kanda nujima Spiritu.