Ubutukilo 6:2 - MUKANDA USANDU WA ZAMBI 1975

² ana a Zambi a malunga amwene ana a mapwo ja atu ngwo, Apema, kashika ambachile mapwo hakachi ka waze eswe azangile.

Mukanda Wa Zambi 1970

² Muze atu ja Zambi haamona ngwo, ana mapwo kaanabeme kuhiana, yaabutuka kulimbata ni waze azangile.

Ubutukilo 6:2 Iomraidhean Croise

Ubutukilo 12:11

Mba muze te hakundama akanjile ku Engitu, yamba kuli mukwo-pwo Serai ngwenyi, Tala, ngunanyingika yena uli chileza ku meso.

Ubutukilo 24:3

Ndo mulishinga ni jina lia Yehova Zambi ya mwilu kanda Zambi ya hashi ngwami, Mwanami kuchi kumumbachisa pwo wa kuli A-Kanana wano natwama no.

Ubutukilo 26:35

Wano alumukine yipikalo ku mbunge ya Izake ni ya Rebeka.

Ubutukilo 27:46

Mba Rebeka yamba kuli Izake ngwenyi, Mwono wami wangusekela mumu hali ana ja Hete ja mapwo. Nyi Yakomba mambata pwo wa kuli ana ja Hete ngwe wano akwa chifuchi, mwono wami muungupemena kuchi?

Ubutukilo 3:6

Muze pwo yamona ngwenyi, Mutondo upema wa kulia, chikwo nawa unawaha ku meso, mutondo wa kuzanga hanga akapwe ni mana, yahelako mihuko, yalia. Yahana nawa kuli mukwo-lunga hamwe nenyi, neye yalia.

Ubutukilo 4:26

Ni Sete nawa yasema mwana wa lunga, yamuluka jina ngwenyi, Enoshe. Ha matangwa aze atu aputukile kusanyika ha jina lia Yehova.

Ubutukilo 6:1

Mba muze atu aputukile kwoka hashi nikusema ana a mapwo,

Ubutukilo 6:3

Mba Yehova yamba ngwenyi, Spiritu yami kechi kalitachika ni atu matangwa eswe, se iye nawa musunya. Hindu matangwa jenyi kumakapwa kulakaji lia miaka ni makumi aali a miaka.

2 Samuel 11:2

Ha ngoloshi David yakatuka ha muhela wenyi, yaya nikwolola molu ha fulumba lia zuwo lia mwanangana. Ku fulumba yamona pwo umwe kanasane. Mwe pwo te mupema chikolo ku meso.

Ezra 9:12

Kashika kanda nuhana anenu a mapwo kuli ana jo a malunga, kanda nutambula ana jo a mapwo hali anenu a malunga. Kanda nufupa sambukila yo chipwe kuwaha cho nilimwe tangwa, hanga nukatakame, nukalie yipema ya chifuchi nukachihichike chihinga kuli ana jenu ndo ku miaka.

Jobe 1:6

Tangwa limwe ana a Zambi yeza kusoloka kumeso ja Yehova. Satana yeza hakachi ko.

Jobe 31:1

Nakolesele shingo ni meso jami; mba kuchi munguhasa kusa meso jami hali mwana-pwo?

Kutuhuka 34:16

Kuchina mukambachisa ana jo a mapwo kuli ana je a malunga, mba ana jo a mapwo makaya akalinge ukoi ni tuzambi two mba makazangisa ana je a malunga kuya akalinge ukoi ni tuzambi two.

Izaya 63:16

Mumu yena uli Tata, chipwe Apalahama katunyingikine, chipwe Izalele katutayijile. Yena Yehova, uli Tata. Chize ku shakulu jina lie ngwo, Mukwa-Kutukula.

Malaki 2:11

Yunda halinga ni mafwefwe; halinga chuma cha kuvwisa lwaji mu Izalele ni mu Yerusaleme. Mumu Yunda hajilula tembele ya Yehova yize iye kanazange; hambata mwana wa zambi umwe wa tundaka.

Malaki 2:15

Zambi te katulingilile spiritu ya mwono nikuyiholesa? Mba yika anazange? Ana ja uwayilo kevwe. Kashika keyelenu, niumwe kandapwa ni mafwefwe kuli pwo lia ukweze wenyi.

1 Korintu 7:39

Pwo makashiwa ni shimbi ha shimbu lize lieswe mukwo-lunga mapwa ni mwono, alioze kachi mukwo-lunga mafwa kachi makatusuka akaye ulo kuli mweswe mamuzanga; alioze muli mwe Mwene wika.

2 Korintu 6:18

mungukapwa kuli yenu Tatenu, yenu munukapwa kuli yami, anami a malunga ni anami a mapwo, chocho anambe Mwene Mukwa-Ndundo-Jeswe.

Shimbi 14:1

Enu nuli ana ja Yehova Zambi yenu. Kanda nulichata, chipwe kulitewula ha mahuma jenu hali afu, ka.

2 Petulu 2:14

Kali ni meso a tò ni utanji, keshi kuhasa kulitwamina ku shili; nikusongojola atu aze kajikijile; nikupwa ni mbunge ja kulifumba ni kuzo; akwa shingo.

1 Yoano 2:16

Mumu yize yeswe yili hano hashi, usolo wa musunya, ni usolo wa meso, ni kulizata cha mwono, hi ya kuli Tata ko, aiioze ya hano hashi.