Ubutukilo 6:17 - MUKANDA USANDU WA ZAMBI 1975

¹⁷ Mumu yami mwene munguneha sanga lia meya hashi lia kunongesa musunya weswe kushi lia malilu uze ukwete mwiku wa mwono; e eswe ali hashi kumafwa.

Mukanda Wa Zambi 1970

¹⁷ Yami mungutuma sanga lia meya hashi mu kunongesa eswe waze atwama ho ni mwono. Yuma yeswe hashi kumuyikafwa,

Ubutukilo 6:17 Iomraidhean Croise

Ubutukilo 2:7

Yehova Zambi yawumba mutu wa ku fufuta ya mavu, yahwima mu mazulu jenyi mwiku wa mwono mba mutu yapwa mukwa mwono.

Ubutukilo 6:13

Mba Zambi yamba kuli Noe ngwenyi, Kumeso jami songo lia musunya weswe hilieza, mumu hashi hazala to ni upupilo kuli ayo, kashika mungwanongesa hamuwika ni he hashi.

Ubutukilo 6:16

ukatunge njanela mu ulungu, ku cheseko cha chitenda chimuwika akamutunge kwilu. Chikolo cha ulungu ukachise mu lumbu. Mukachilinga ni chipatulo cha hashi, ni cha hakachi, ni cha helu.

Ubutukilo 6:7

Kashika Yehova yamba ngwenyi, Atu ano natangile mungwanongesa hashi; ni atu, ni tushitu, ni tututu, ni tujila a mu tetela, mumu hichangukonyekesa chize naatangile.

Ubutukilo 7:15

O eswe anjilile mu ulungu hamuwika ni Noe, aali ni aali a musunya weswe muze mwatwama mwiku wa mwono.

Ubutukilo 7:17

Sanga liapwile hashi makumi awana a matangwa chocho meya aliwezele, azundwile ulungu ukazunduke helu lia hashi.

Ubutukilo 7:4

Mumu kwasala matangwa shimbiali mba mungunokesa vula hashi, makumi awana a matangwa ni makumi awana a ufuku. Yuma yeswe ya mwono natangile mungujimuna ha kuzazuluka cha mavu.

Ubutukilo 9:9

Ni yami, usendo wami ngunakolesa ni yena ni munyachi we kulutwe.

Jobe 22:16

Yaachangumuna shimbu mwaka wo kanda uchiheta; fundamentu yo yahungumukine mu muhwiji.

Miaso (Masamu) 107:34

Chifuchi cha kwima mihuko kakuchalumuna puya ya mungwa mumu ha ungulungulu wa waze atwamamo.

Miaso (Masamu) 29:10

Ku sanga lia meya Yehova Watwamine ngwe mwanangana. Ewa, katwama ngwe mwanangana wa mutolo.

Kutuhuka 14:17

Yami mwene mungukalisa mbunge ja A-Engitu. Kumakaakaulamo mba yami mungukazuka ulemu ha kukumba Falau ni yizavu yenyi yeswe, ni matemba jenyi, ni akwa tuvwalu twenyi.

Izaya 51:12

Yami, yami mwene nakunuwumbijeka; kuchi nwapwa nukavwile woma mutu mukwa kufwa, hanji umwe mwana mutu hamupwisa ngwe mwambu?

Izaya 54:9

Mumu kuli yami chuma chino chinapu ngwe matangwa a Noe. Nalishingile ngwami, Meya ja Noe kechi keza nawa kufuka hashi. Chocho nawa hinalishinga ngwami, Chichi katenuka ni yena, chichi kakukanda nawa.

Ezekiel 34:11

Mumu Mwene Yehova kanambe ngwenyi, Yami, yami mwene mungukahenguta hali mapanga jami nikwafupa.

Ezekiel 34:20

Kashika Mwene Yehova kanambe kuli ayo ngwenyi, Yami, yami mwene mungukapatula hakachi ka mapanga a maji ni mapanga awangama.

Ezekiel 5:8

kashika Mwene Yehova kanambe ngwenyi, Ngunalimika ni yenu, yami mwene, mba mungulinga upatwilo hakachi kenu kumeso ja mavungu.

Ezekiel 6:3

Enu milundu ya Izalele, panjikenu liji lia Mwene Yehova! Mwene Yehova kanambe ku milundu ni mindundena, ku mishitu ni yikulo ngwenyi, Talenu, yami mwene mungukanukokela katana; mungukonwona manangamo jenu.

Hosea 5:14

Mumu mungupwa ngwe ndumba kuli Eframe mungupwa ngwe mwevu wa ndumba ku munyachi wa Yunda. Yami, yami mwene mungupapulula ni kukatukako. Mungumbata mba niumwe malamwina.

Alevi 26:28

mba mungulimika ni yenu ni ufwatulo. Mungunulamba yami mwene yisuho shimbiali ha milonga yenu.

Amose 9:6

yoze wakutunga yipatulo yenyi ya kwilu mu malilu nikusa kuzazuluka chenyi helu lia hashi, yoze wakusanyika meya a kalunga-lwiji nikwazukwila ha mavu—jina lienyi Yehova.

Mateu 24:39

Kanyingikine ndo sanga lia meya liejile likaahungumune eswe; chocho nawa muchikapwa kuheta cha mwe Mwana Mutu.

Luka 17:27

Alile, anwine, ambachile, ahangishile ku malo, ndo tangwa lize Noe wanjilile mu ulungu, ni sanga lia meya liejile, likonwone eswe.

A-ROMA 5:21

Hanga chizechene ngwe shili yayulile mu kufwa, chocho nawa vumbi likayule ku ululi ndo ku mwono wa mutolo mumu hali Yesu Kristu Mwene wetu.

A-ROMA 6:23

Mumu fweto ya shili kufwa; alioze chawana cha vumbi lia Zambi, mwono wa mutolo muli Kristu Yesu Mwene wetu.

Shimbi 32:39

Haliapwila talenu. Ngwami, Yami, yami mwene nguliko. Kukushi niumwe zambi hamwe ni yami. Nakushiha mba nakuhana mwono, nakulemeka mba nakuwuka. Kukushi niumwe mahasa kupulula mutu ku kwoko liami.

Hebreu 11:7

Ku Ufulielo Noe wa kufumba kuli Zambi ha kutwala ku yuma yize kanda yichimoneka, se wevwile woma wa Zambi, walulikile ulungu akalamwine akwa zuwo lienyi; chochene wahishile akwa hashi, amupwishile swana ya ululi uze wakulita ni Ufulielo.

1 Petulu 3:20

waze ha shakulu kononokeneko, muze uhomboloji wa Zambi washimbwile ha matangwa ja Noe, shimbu machilulika ulungu, amuze akepe, te atu nake, aalamwinyine ku meya.

2 Petulu 2:5

Iye kavwilile keke akwa hashi ha shakulu, aiioze wafungile hamwe ni shimbiali akwo, Noe, kanganda ka ululi, muze anehene sanga lia meya hashi hali yitanganyanyi.