Ubutukilo 6:13 - MUKANDA USANDU WA ZAMBI 1975

¹³ Mba Zambi yamba kuli Noe ngwenyi, Kumeso jami songo lia musunya weswe hilieza, mumu hashi hazala to ni upupilo kuli ayo, kashika mungwanongesa hamuwika ni he hashi.

Mukanda Wa Zambi 1970

¹³ Zambi yambila Noa ngwenyi: “Hinabatula ngwami, mungwonona atu eswe. Mungwonona eswe upu mumu hashi yibi yaho hiyoka kuhiana.

Ubutukilo 6:13 Iomraidhean Croise

Ubutukilo 49:5

Simeone ni Levi, songo ni mutu. Tutana two twapwa yitwa ya tachi.

Ubutukilo 6:14

Ulitungile ulungu wa mutondo wa mungofwe. Tunga yipatulo mu ulungu; ukaushile haze ni muchima ni usososhi.

Ubutukilo 6:4

Kwapwile yindululu hashi ha matangwa aze. Mba kulutwe nawa muze ana a malunga a Zambi anjilile kuli ana ja atu a mapwo, o aasemenene ana. Ana aze apwile akwa ndundo a shakulu; akwa lufuma.

Ubutukilo 7:21

Musunya weswe wafwile, uze wakwenda hashi, ni tujila, ni yimuna, ni tushitu, ni akwa kukalala eswe aze akukalala hashi, ni atu eswe.

Ubutukilo 7:23

Anongesene eswe a mwono ha kuzazuluka cha mavu, ni atu, ni yimuna, ni akwa kukalala, ni tujila a mwilu, waanongesene hashi, Noe wika wasalile ni waze apwile nenyi mu ulungu.

Ubutukilo 7:4

Mumu kwasala matangwa shimbiali mba mungunokesa vula hashi, makumi awana a matangwa ni makumi awana a ufuku. Yuma yeswe ya mwono natangile mungujimuna ha kuzazuluka cha mavu.

Ubutukilo 8:21

Yehova yevwa lupembo mupema; Yehova yamba mu mbunge yenyi ngwenyi, Chichi kashinga nawa mavu mumu hali atu, mumu kunyonga cha mbunge jo chapiha chize ku wanuke wo. Chichi kulamba nawa akwa mwono eswe ngwe hinalinga.

Izaya 34:1

Enu, mavungu, kundamenu nwivwe, enu minyachi, panjikenu! Hashi kakevwe, ni waze eswe akuzalisaho, ni muno-muze ni yuma yeswe yakusemukamo.

Jeremia 51:13

Ena watwama ku njiji jinji, wapita yuma yilemu; songo lie hilieza wanda wa mwono we hanaupatula.

Amose 3:7

Pundu Mwene Yehova keshi kulinga chuma shina malweza chijimbikilo chenyi kuli tuvumbi twenyi aprofeta.

Amose 8:2

Mba yamba ngwenyi, Amose, yika unamono? Yingwamba ngwami, Mutonga wa mihuko ya lwiza. Yehova yamba kuli yami ngwenyi, Songo hiliaheta kuli atu jami A-Izalele; chichi kwapalika nawa nilimwe tangwa.

Hebreu 11:7

Ku Ufulielo Noe wa kufumba kuli Zambi ha kutwala ku yuma yize kanda yichimoneka, se wevwile woma wa Zambi, walulikile ulungu akalamwine akwa zuwo lienyi; chochene wahishile akwa hashi, amupwishile swana ya ululi uze wakulita ni Ufulielo.

1 Petulu 4:7

Alioze songo lia yuma yeswe hilinakundama: pwenu ni mana kashika, keyelenu, nukalitumbikile ku kulemba.