Ubutukilo 50:5 - MUKANDA USANDU WA ZAMBI 1975

⁵ Tata wangushingishile ngwenyi, Mungufwa, alioze ukangufunde mu fuka lize nafulile mu chifuchi cha Kanana. Kashika ngutayize kama, nguye ngukafunde tata, mba mungwiza nawa.

Mukanda Wa Zambi 1970

⁵ muze te tata himamba kufwa namulakenyene ngwami: ‘Nyi wafwa, mungukakufunda mu fuka lize wafulile yena mwene mu chifuchi cha Kanana. Kashika ngwehe jila nguye ngukafunde tata, mba mungukahiluka.’ ”

Ubutukilo 50:5 Iomraidhean Croise

Ubutukilo 3:19

Mukalia ni matukuta a ku meso je ndo mukahiluka mu mavu se kuze kwene akuchijile. Mumu uli fufuta mba ku fufuta mukahilukila.

Ubutukilo 48:21

Mba Izalele yamba kuli José ngwenyi, Tala mu kufwa nguli, alioze Zambi kumakapwa hamwe ni yena, kumakakuneha ku chifuchi cha atatenu.

Ubutukilo 50:24

Mba José yamba kuli ayayo ngwenyi, Mungufwa alioze Zambi pundu makeza kuli yenu, manuchiza ku chifuchi chino akanutwale ku chifuchi chize achilakenyene ni shingo kuli Apalahama, ni kuli Izake, ni kuli Yakomba.

Ubutukilo 50:4

Muze matangwa a kumulila hahwa, José yamba kuli akwa zuwo lia Falau ngwenyi. Nyi nwanguvwila vumbi kumeso jenu, hanjikenu mu matwi ja Falau ngwenu, José yamba ngwenyi,

Ubutukilo 50:6

Falau yamba ngwenyi, Yénu nufunde tatenu, se anushingishile.

2 Sango Ja Mianangana 16:14

Yamufunda mu fuka lienyi lize hatotesa hali iye mwene mu chihunda cha David. Yamusa ha muhela wa tò ni tumbuto twa lupembo mupema ni yitumbo yeka ni yeka ya kululika nikulita ni yinyingi ya mukwa yitumbo. Yalinga kahia kanji ka kumulemesa.

Jobe 30:23

Pundu, ngunanyingika kumukanguneha ku kufwa; kwe kuze hasela akwa mwono eswe.

Miaso (Masamu) 79:3

Hanamwange manyinga jo ngwe meya ha kujingilika Yerusaleme, ni mukwa kwafunda wakuhi.

Longeshi 12:5

mevwa woma nawa wa haze hasuku, yuma ya mwongo yili mu jila; mutondo wa amendoa unatemuna yitemo, ni pasu kapwa mulemu, chipwe kuzanga chahona, mumu mutu kanayi kuma kwenyi kwa mutolo ni akwa kulila kanende mu matapalo.

Longeshi 12:7

mba fufuta muyihiluka ku mavu chizechene yapwile, ni Chizulie muchihiluka kuli Zambi yoze wachihanyine.

Longeshi 6:3

Chipwe mutu masema kulakaji lia ana, akatwame miaka yinji, matangwa a miaka yenyi oke hindu mbunge yenyi kuyayukile ni yipema ni kamufunjile kanawa, ami namona ngwe mwana wa kuselumuna Shinaho.

Izaya 22:16

Yika unalingi kuno? Uli neya kuno hiwalitotela kuno fuka? Hiwalitotela fuka ha mulundu, nikwola zuwo lie mu luliwe?

Mateu 27:60

Wausele mu fuka lienyi liaha, lize atotele mu liwe: neye walangumwine liwe linene ku chikolo cha fuka, mba wakatukile.

Shimbi 4:22

Alioze changutamba kufwa mu chifuchi chino, kanda nguzauka Yordau. Hindu enu munukazauka, nuzuke chifuchi chize chipema.

1 Samuel 14:43

Saulu yamba kuli Jonatas ngwenyi, Ngulweze chize walinga. Jonatas yamulweza ngwenyi, Pundu nalianga kamwe kawuchi ha songo lia mulumbu napwanga nawo mu kwoko, kashika changutamba kufwa.