Ubutukilo 50:19 - MUKANDA USANDU WA ZAMBI 1975

¹⁹ José yamba ngwenyi, Kanda nwivwa woma. Te yami nguli mu chitwamo cha Zambi?

Mukanda Wa Zambi 1970

¹⁹ Alioze Josefe yaamba ngwenyi: “Mala, kanda nwivwa woma! Yami nguli Zambi, nyi?

Ubutukilo 50:19 Iomraidhean Croise

Ubutukilo 30:2

Utenu wa Yakomba yiukasumuka hali Rakele, yamba ngwenyi, Ami munguhasa kusalakana Zambi yoze hakuchinda kusema, nyi?

Ubutukilo 45:5

Alioze haliapwila kanda nwivwa kupiha hanji utenu ha kungulanjisa mumu Zambi wangutetekesele kulutwe lia yenu ngukalamwine mwono.

Ubutukilo 50:18

O yaya nawa yafulamana kumeso jenyi ngwo, Talenu, tuli ngamba jenu.

Ubutukilo 50:20

Nyi yenu, e, nwangunyongenene chipi, alioze Zambi wangupalilecho chipema, hanga akachilinge akafunge atu anji ni mwono; chocho chapwa musono.

1 MIANANGANA 5:7

Muze mwanangana wa Izalele hatanga mukanda yasonya mazalo jenyi ngwenyi, Te nguli Zambi, wakushiha ni kupwisa ni mwono, kashika yono hatuma kuli yami ngukawuke mutu mbumba yenyi. Achi talenu chize kanafupu kuvundula ndombo ni yami.

Mateu 14:27

Alioze haze hene Yesu wahanjikile no ngwenyi, Hamukenu; yami mwene; kanda nwivwa woma.

A-ROMA 12:19

Kanda nulikalila milonga yenwene, akwetu a zango, alioze lisekulenu ha utenu: mumu chinasonewa ngwo, Kukala nichami, yami kumungufwetesa, chocho anambe Mwene.

Shimbi 32:35

Kukala nichami, ni kufweta nawa ha tangwa lize malimbuka. Mumu tangwa lio lia kuji-ni-tomo hakamwihi lili. Yuma yize muyiawana, yinakundama fuji.

Hebreu 10:30

Mumu kutunamunyingika yoze wambile ngwenyi, Kukala nichami, yami kumungukafwetesa, chocho anambe Mwene; cheka nawa ngwenyi, Mwene kumakapatwila atu jenyi.