Ubutukilo 5:5 - MUKANDA USANDU WA ZAMBI 1975

⁵ Kashika matangwa eswe a mwono wa Alama makulakaji livwa a miaka ni makumi atatu a miaka, mba yafwa.

Mukanda Wa Zambi 1970

⁵ Mba muze habwa ni miaka 930 yafwa kwenyi.

Ubutukilo 5:5 Iomraidhean Croise

Ubutukilo 3:19

Mukalia ni matukuta a ku meso je ndo mukahiluka mu mavu se kuze kwene akuchijile. Mumu uli fufuta mba ku fufuta mukahilukila.

Ubutukilo 5:11

Kashika matangwa eswe a Enoshe apwile makulakaji livwa a miaka ni miaka yitano, mba yafwa.

Ubutukilo 5:4

Matangwa ja Alama kulutwe lia kusema Sete apwile makulakaji nake a miaka, nikusema ana a malunga ni ana a mapwo.

Ubutukilo 5:6

Sete yatwama kulakaji Ha miaka ni miaka yitano, yasema Enoshe.

Ubutukilo 5:8

Kashika matangwa eswe a Sete apwile makulakaji livwa a miaka ni kumi lia miaka ni miaka yiali, mba yafwa.

2 Samuel 14:14

Mumu chatutamba kufwa. Tuli ngwe meya aze anamwangana hashi keshi kuhasa kwaanda nawa. Chipwe Zambi keshi kuchiza mwono alioze kakululika shimbi, keshi kumbila liakulu yoze hamuhuma.

1 Sango Ja Mianangana 1:1

Alama, ni Sete, ni Enoshe;

Jobe 30:23

Pundu, ngunanyingika kumukanguneha ku kufwa; kwe kuze hasela akwa mwono eswe.

Miaso (Masamu) 89:48

Mutu muka malinduluka ni mwono keshi kumona kufwa? Iya yoze mapulula mwono wenyi ku chiyulo cha Shiole?(Litulike.)

Miaso (Masamu) 90:10

Miaka yetu yapwa makumi shimbiali a miaka, hanji mumu ha tachi muyipwa makumi nake. Hindu kulenga chayo chinapu kuhondangana ni chinyengo wika, mumu yakuhwa nikawashi ni yetu mutuhumuka.

Longeshi 12:5

mevwa woma nawa wa haze hasuku, yuma ya mwongo yili mu jila; mutondo wa amendoa unatemuna yitemo, ni pasu kapwa mulemu, chipwe kuzanga chahona, mumu mutu kanayi kuma kwenyi kwa mutolo ni akwa kulila kanende mu matapalo.

Longeshi 12:7

mba fufuta muyihiluka ku mavu chizechene yapwile, ni Chizulie muchihiluka kuli Zambi yoze wachihanyine.

Longeshi 9:5

Mumu amwono kananyingika ngwo, Mutukafwa, alioze afu kanyingikine nichimwe. Keshi nawa ni kwononona; keshi kwewuluka.

Longeshi 9:8

Mazalo je akatome matangwa eswe; kanda uhona maji ha mutwe we.

Ezekiel 18:4

Alma ja eswe nijami; alma ya tato ni alma ya mwanenyi jeswe nijami; mba alma yize muyivulumuna kumuyikafwa.

Shimbi 30:20

Mukuzanga Yehova Zambi yenu, mukuzeya ku liji lienyi, mukumulalaminya, mumu iye mwono wenu, ni kwoka cha matangwa jenu, hanga nutwame mu chifuchi Yehova walishingile kuli tulamba twenu, kuli Apalahama, ni kuli Izake, ni kuli Yakomba, akaahecho.

Hebreu 9:27

Chizechene ngwe hanachitulikila atu eswe kufwa kamuwika, mba kulutwe lia chino upatwilo,