Ubutukilo 5:22 - MUKANDA USANDU WA ZAMBI 1975

²² Mba kulutwe lia kusema Metusela Enoke waliendelele ni Zambi makulakaji atatu a miaka nikusema ana a malunga ni ana a mapwo.

Mukanda Wa Zambi 1970

²² Enoke te kakuliendela ni Zambi. Yatwama ni mwono miaka yikwo 300, yasema nawa ana a malunga ni a mapwo,

Ubutukilo 5:22 Iomraidhean Croise

Ubutukilo 17:1

Muze te Apalama kali ni makumi livwa a miaka ni miaka livwa Yehova yasoloka kuli Apalama nikwamba kuli iye ngwenyi, Yami nguli Zambi Mukwa-Ndundo-Jeswe, enda kumeso jami upwe mungunu.

Ubutukilo 24:40

Iye yamba kuli yami ngwenyi, Yehova, yoze kumeso jenyi nakwenda, iye kumakatuma mungelo wenyi hamwe ni yena mukuwahisa wenyi we. Kumukasakila pwo mwanami wa kuli usoko wami, ku munyachi wa tata.

Ubutukilo 48:15

Yawahisa José ngwenyi, Zambi akaawahise. Mwe Zambi atata Apalahama ni Izake endele kumeso jenyi, Mwe Zambi hanangulisa mwono wami weswe ndo musono.

Ubutukilo 5:21

Enoke yatwama makumi asambano a miaka ni miaka yitano, yasema Metusela.

Ubutukilo 5:23

Kashika matangwa eswe a Enoke apwile makulakaji atatu a miaka ni makumi asambano a miaka ni miaka yitano.

Ubutukilo 5:24

Enoke waliendelele ni Zambi, hikeshiko, mumu Zambi yamuchizako.

Ubutukilo 6:9

Yino ye yisemuko ya Noe. Noe wapwile mukwa ululi, keshi kapalia mu chisemuko chenyi. Noe waliendelele ni Zambi.

1 Yitanga Ya Mianangana 2:4

hanga Yehova akakolese liji lienyi ahanjikile ha kutwala kuli yami ngwenyi, Nyi ana je matala kanawa ku jila yo akende kumeso jami mu umwenemwene ni mbunge jo jeswe ni mwono wo weswe kukuchi kahona, ngwenyi, lunga ha ngunja ya Izalele.

1 MIANANGANA 20:3

Ngunalembe, Yehova, iwuluka kama chize hinenda kumeso je ni umwenemwene ni mbunge yingunu, nikulinga chipema kumeso je. Mba Hezekia yalila chikolo.

Miaso (Masamu) 116:9

Mungwenda kumeso ja Yehova mu chifuchi cha akwa mwono.

Miaso (Masamu) 128:1

Kawaha mweswawo wakuvwila woma Yehova nikwenda mu majila jenyi.

Miaso (Masamu) 16:8

Hingunasela Yehova kumeso jami matangwa eswe. Chichi kakokoloka mumu iye kanamana ku chindume chami.

Miaso (Masamu) 26:11

Alioze yami, mungwenda mu kutuwika chami. Ungukule kama, unguvwile kama vumbi.

Miaso (Masamu) 56:13

Mumu hiwapulula mwono wami ku kufwa. Te kwapulwile yiliato yami ku kulimbuka, nyi? Hanga ngukende kumeso ja Zambi mu pangu lia akwa mwono.

Miaso (Masamu) 86:11

Yehova, ungulongese kama jila ye. Mungwenda mu umwenemwene we. Mbunge yami yipwe yimuwika ya kuvwila woma jina lie.

Kutuhuka 16:4

Henaho Yehova yamba kuli Mose ngwenyi, Mungukanunokesela mbolo ya kukatuka kwilu. Atu makatuhuka akalinge kulia cha tangwa ha tangwa hanga yami ngukaeseke, shina o makenda mu shimbi yami, shina ka.

Mwaso Ubema Wahiana 1:4

Ungukoke mutuzomboka kunyima ye. Mwanangana hananguneha ku yipatulo yenyi. Mutulikwiza ni kuwahilila muli yena; mutuhalisa zango lie kuhiana vinyu; chinate akuzange.

Hosea 14:9

Mweswe uli ni mana akase chinyingi yino yuma. Mweswe kali ni meso yikamulumbunuke; mumu majila ja Yehova kanapeme kashika akwa ululi kakwendelamo; alioze yitanguke malimbukilamo.

Alevi 26:12

Mungwenda hakachi kenu. Mungupwa Zambi yenu, ni yenu munupwa atu jami.

Amose 3:3

Atu aali kakuliendela nyi kalitesele?

Mika 4:5

Mumu mavungu kakwenda vungu lieswe mu jina lia zambi yalio, alioze yetu mutwenda mu jina lia Yehova Zambi yetu ku miaka yeswe ya mutolo.

Mika 6:8

Ena lunga, hanakulweze chize Chinapeme. Yehova yika anafupu kuli yena shina kupatula ni ululi, ni kuzanga vumbi, ni kuliendela ni Zambi ye ni kulikehesa?

Malaki 2:6

Shimbi liamwenemwene liapwile mu kanwa lienyi; chipi nichimwe kachiwanyine ha mivumbo yenyi. Waliendelele ni yami ni sambukila ni ululi; watembwile anji ku uhenge.

Luka 1:6

O, eswe aali, apwile akwa ululi kumeso ja Zambi, kanende mu maliji eswe a shimbi ni upatwilo wa ululi wa Mwene, keshi kapalia.

Yilinga 9:31

Chocho chikungulwila mu Yundeya mweswe ni Ngalileya ni Samaria ahwimine, alikolezele; endele mu woma wa Mwene ni mu kulembejeka cha Spiritu Musandu, mba okele.

A-ROMA 8:1

Kashika uhiso wakuhi niumwe haliapwila kuli waze ali muli Kristu Yesu.

1 Korintu 7:17

Chino wika, chizechene ngwe Mwene hanane kuli mutu ni mutu, nikulita ngwe hanamutambika Zambi, chocho akende, chocho nakusela mu yikungulwila yeswe.

2 Korintu 6:16

Kutayiza chika yikwete tembele ya Zambi ni mahamba? Mumu yetu tuli tembele ya Zambi ya mwono; nikulita ngwe Zambi wambile ngwenyi, Mungukatwama muli ayo, mungukenda hakachi ko, mungukapwa Zambi yo, o kumakapwa atu jami.

Efesu 5:15

Talenu kanawa kashika ngwe chize nunende, hi ngwe waze keshi mana ko, alioze ngwe akwa mana;

Shimbi 13:4

Nukakaule Yehova Zambi yenu, numuvwile woma, nufunge maliji jenyi a shimbi, nuzeyele liji lienyi, numuvumbike, numulalaminye.

Shimbi 28:9

Yehova makanukolesa, nukapwe atu asandu kuli iye mwene, ngwe alishingile kuli yenu, kachi munufunga maliji a shimbi a Yehova Zambi yenu, ni kwenda mu majila jenyi.

Shimbi 5:33

Nwende mu jila yeswe Yehova Zambi yenu hanwamba, hanga nupwe ni mwono, nutwame kawape, hanga nwokese matangwa jenu mu chifuchi munuzuka.

Kolosu 1:10

hanga nukende ngwe chinatela Mwene ku upemeno weswe, nukeme mihuko ha yitanga yeswe yipema, nukatatuke ni yinyingi yeswe ya Zambi:

Kolosu 4:5

Endenu ni mana kuli waze ali haze, nikukuta mwaka.

1 Tesalonika 2:12

hanga nukende ngwe chinatela Zambi, mukwa kunutambika ku wanangana wenyi mwene ni uhenya.

1 Tesalonika 4:1

Ha yize yinasala, mandumbu, tunaliumbu, nikunushinjila muli Mwene Yesu, chizechene ngwe nwatambwile kuli yetu, ngwe chize Chanutamba kwenda ni kupemena kuli Zambi, chizechene ngwe nwakwenda, hanga nukalumbamemo nawa ni nawa.

1 Yoano 1:7

Alioze kachi mutwenda mu pangu ngwe iye uli mu pangu, kachi mutulikunda umwe ni mukwo ni mukwo, ni manyinga a Yesu Mwanenyi kakutupemesa ku shili yeswe.