Ubutukilo 49:25 - MUKANDA USANDU WA ZAMBI 1975

²⁵ Kwe kuli Zambi ya tatenu yoze makakukwasa. Kuli mwe Mukwa-Ndundo-Jeswe yoze makakuwahisa ni yiwape ya mwilu, ni yiwape ya kalunga-lwiji watwama kushi. Ni yiwape ya mele, ni yiwape ya jimo.

Mukanda Wa Zambi 1970

²⁵ Mwe Zambi ya tatenu kakukukwasa. Zambi Mukwa Ndundo Jeswe kakukuwahisa ni yiwape ya vula kwilu, ni yiwape ya meya kushi lia mavu, ni yiwape ya ana ni yimuna,

Ubutukilo 49:25 Iomraidhean Croise

Ubutukilo 17:1

Muze te Apalama kali ni makumi livwa a miaka ni miaka livwa Yehova yasoloka kuli Apalama nikwamba kuli iye ngwenyi, Yami nguli Zambi Mukwa-Ndundo-Jeswe, enda kumeso jami upwe mungunu.

Ubutukilo 27:28

Zambi akwehe mume wa mwilu, Ni maji a hashi, Ni kulumbama cha chivwale ni vinyu.

Ubutukilo 28:13

Chikwo nawa Yehova kanamana helu liayo, yamba ngwenyi, Yami Yehova, Zambi ya tatenu Apalahama, Zambi ya Izake, chifuchi chino unapombo mungukwahacho, ni kuli akwa munyachi we.

Ubutukilo 28:21

ngukeze nawa ku zuwo lia tata ni sambukila mba Yehova mapwa Zambi yami.

Ubutukilo 28:3

Zambi Mukwa-Ndundo-Jeswe akakuwahise, akakwehe ana, akakwokese ukapwe chendo cha mavungu.

Ubutukilo 32:9

Mba Yakomba yalemba ngwenyi, Zambi ya kaka Apalahama; Zambi ya tata Izake; Mwene, yena wambile kuli yami ngwe, Hiluka ku chifuchi che, kuli usoko we, mba mungukakuwahisa.

Ubutukilo 35:11

Zambi yamba kuli iye ngwenyi, Yami nguli Zambi Mukwa-Ndundo-Jeswe. Useme, uliwezele; vungu ni chendo cha mavungu makasemuka kuli yena; mianangana makasemuka ku mitanda ye.

Ubutukilo 35:3

tuyenu, tukandukenu ku Mbetele. Mungutungako chilumbilo kuli mwe Zambi wangukumbulwile ha tangwa lia lamba liami, wendele ni yami jila yize nayile.

Ubutukilo 43:23

Iye yamba ngwenyi, Hwimenu mbunge, kanda nwivwa woma, Zambi yenu, Zambi ya tatenu hananwehe upite mu njeke jenu. Mbongo jenu nguli najo. Mba yaneha Simeone kuli ayo.

Ubutukilo 48:3

Yakomba yamba kuli José ngwenyi, Zambi Mukwa-Ndundo-Jeswe wasolokele kuli yami ku Luze mu chifuchi cha Kanana, yanguwahisa.

Miaso (Masamu) 84:11

Mumu Yehova Zambi iye tangwa; iye lukepwe. Yehova mahana vumbi ni ulemu. Nichimwe chuma chipema mamina waze akwenda ni ululi.

Miaso (Masamu) 85:12

Ewa, Yehova kumahana chize Chinapeme, mba chifuchi chetu muchikahana mbuto ya kulumbama.

Kutuhuka 18:4

Ni jina lia mukwo Elieza mumu ngwenyi, Zambi ya tata, iye hapwa chikwashi chami. Iye yangupuiula ku katana ka Falau.

Mateu 6:33

Alioze liangenu kufupa wanangana wenyi ni ululi wenyi mba kumanuwezela yino yuma yeswe.

Efesu 1:3

Zambi kanda Tato ya Mwene wetu Yesu Kristu afumane, yoze hanatuwahisa ni yiwape yeswe ya uspiritu mu malilu muli Kristu:

Shimbi 33:1

Mose mwe mutu wa Zambi shimbu kanda afwa wawahishile A-Izalele ni yiwape yino,

Shimbi 8:17

Kuchina munwamba mu mbunge jenu ngwenu, Ngolo jetu ni ndundo ja moko jetu yinatuzukisa upite uno.

Filipu 4:19

Chocho Zambi yami kumakanwaha yize yeswe munuhona nikulita ni upite wenyi mu uhenya muli Kristu Yesu.

1 Timoteu 4:8

Mumu kulifumba cha mujimba chinawaha hakepe; alioze uwayilo unawaha ha yuma yeswe, se uli ni chilakenyo cha mwono uze wa haliapwila ni cha uze muwizaho.