Ubutukilo 49:1 - MUKANDA USANDU WA ZAMBI 1975

¹ Mba Yakomba yasanyika anenyi a malunga ngwenyi, Kungulukenu hamuwika ngunwambulwile chize muchinuwana ku matangwa a ku songo.

Mukanda Wa Zambi 1970

¹ Yakoba yatambika ana jenyi a malunga ngwenyi: “Yenu eswe kungulukenu kuno, hanga ngunulweze yize muyikanuwana kulutwe.

Ubutukilo 49:1 Iomraidhean Croise

Miaso (Masamu) 105:15

ngwenyi, Kanda nusunga waze naawayishile ni maji. Aprofeta jami kanda nwalinga nichimwe chipi.

Miaso (Masamu) 25:14

Usepa wa Yehova uli kuli waze akumuvwila woma; maalweza usendo wenyi.

Izaya 2:2

Muchiza kupwa ha matangwa a kusula mulundu wa zuwo lia Yehova maukolesa ukahiane milundu yeswe ha kusuha. Maunangamisa helu lia mindundena yeswe, mba mavungu eswe matalikisako.

Izaya 22:14

Yehova-wa-Tujita hanalisolola mu matwi jami ngwenyi, Pundu kechi kanukonekena uhenge uno ndo munufwa. Chocho kanambe Mwene Yehova-wa-Tujita.

Izaya 39:6

Matangwa aneza muze yize yeswe yili mu zuwo lie, ni yize yeswe tulamba twe aswekele ndo musono, mayimbata ku Babilonia. Nichimwe muchisala, chocho kanambe Yehova.

Izaya 48:14

Enu eswe, kungulukenu nwivwe! Iya hakachi ko hanambulula yino yuma? Yehova kanamuzange, kumakamanununa hali A-Babilonia chize hanafunjika; kwoko lienyi mulikalimika ni A-Kaletea.

Izaya 53:1

Iya hanafuliela lusango wetu? Kuli iya hanasolola kwoko lia Yehova?

Jeremia 23:20

Utenu wa Yehova kuuchi kahiluka kunyima ndo halinga ni kumanununa yize hapala mu manyonga jenyi. Ha matangwa a kusula muchinulumbunuka zwalala.

Daniel 10:1

Ha mwaka wamuchitatu wa Siru mwanangana wa Persia, limwe liji alihanyine kuli Daniel yoze uli ni jina likwo Belteshazare. Liji lize liamwenemwene; ye jita yisuku. Aye yasa chinyingi lie liji; usolwelo wamulumbunuka.

Daniel 10:14

Haliapwila hineza ngukulumbunwine yize muyikawana atu je ha matangwa a kusula. Mumu usolwelo watwala ku matangwa aze meza kwiza.

Daniel 2:47

Mwanangana yamba kuli Daniel ngwenyi, Pundu, Zambi ye mwe Zambi ya mazambi, ni Mwene wa mianangana; kapwa nawa mukwa kujimbula yijimbikilo se yena hiwahasa kujimbula chijimbikilo chino.

Amose 3:7

Pundu Mwene Yehova keshi kulinga chuma shina malweza chijimbikilo chenyi kuli tuvumbi twenyi aprofeta.

Mika 4:1

Muchikapwa ha matangwa a kusula mulundu wa zuwo lia Yehova makaukolesa ngwe mulundu uze Wahiana kusuha. Makalinangamisa helu lia mindundena mba mavungu mazombokelamo.

Kwalula 24:14

Kumanyi, haliapwila munguya kuli atu jami: mungukulweza chize wano atu makalinga kuli atu je ha matangwa a kusula.

Luka 2:26

Iye hamulwezacho kuli Spiritu Musandu ngwe kechi kufwa ndo mamona mwe Kristu wa Mwene.

Yilinga 2:17

Kumuchikapwa ha matangwa a kusula, chocho anambe Zambi ngwenyi, Kumungukazukula Spiritu yami hali atu eswe; ni anenu a malunga ni anenu a mapwo kumakaprofeteza, ni akweze jenu kumakamona usolwelo, ni makulwana jenu kumakalota yilota:

Shimbi 31:12

Ukungulule atu, ni malunga, ni mapwo, ni ana akepe, ni njize ali mu yihunda yenu, hanga akevwe, akalilongese, akavwile woma Yehova Zambi yenu, akakanyame kulinga maliji eswe a shimbi yino,

Shimbi 4:30

Ha luyinda ni yuma yino yeswe muyinuwana ha matangwa a kusula, mba munukahiluka kuli Yehova Zambi yenu ni kupanjika ku liji lienyi,

1 Timoteu 4:1

Alioze Spiritu kanambe pundu ngwenyi, Ha miaka ya kusuta, amwe makakatuka ku Ufulielo, nikupanjika kuli maspiritu a kupiangula, ni longeso lia andemoniu,

2 Timoteu 3:1

Alioze nyingika chino, ha matangwa a kusula kumuku kapwa miaka yikalu.

Hebreu 1:2

ha kusula songo lia matangwa ano, hanahanjika kuli yetu muli Mwanenyi, yoze hanamupwisa swana ya yuma yeswe, ku tachi jenyi nawa watangile miaka.

Hebreu 13:1

Kufwila cha mandumbu chikalinduluke.

Usolwelo 4:1

Kulutwe lia yino yuma namwene, kumanyi, pito lia kwazulula mwilu, ni liji litangu lize nevwile ngwe chitavwi linahanjika ni yami ngwo, Zezuka, wize kuno, mungukulweza yuma yize chatamba kupwa kulutwe lia yino yuma.