Ubutukilo 48:22 - MUKANDA USANDU WA ZAMBI 1975

²² Chikwo nawa hinakwaha chihanda chimwe helu lia ayayenu. Nachitambwile kuli A-Amore ni katana kami ni uta wami.

Mukanda Wa Zambi 1970

²² Ngunakwehe Chihanda cha chifuchi cha chinuno, chize natambwile muze nashile jita ni Aamore, alioze akwenu chichi kwaha cho.”

Ubutukilo 48:22 Iomraidhean Croise

Ubutukilo 15:16

O ha chisemuko chamuchiwana kumakeza nawa ku kuno, mumu uhenge wa A-Amore te kanda woka.

Ubutukilo 33:19

Yalanda chihela chize asele mbalaka yenyi kuli ana ja Hamore tato ya Shekeme, ha ndando ya kulakaji lia mbongo.

Ubutukilo 34:28

Apupile mapanga jo, ni ngombe jo, ni yimbulu jo ni upite weswe awanyine mu limbo, ni upite weswe awanyine mu yambu.

1 Sango Ja Mianangana 1:14

ni A-Yepushe, ni A-Amore, ni A-Ngikashe,

1 Sango Ja Mianangana 5:2

Yunda wakumbile ayayo ni ana-akwo. Kuli iye kwatuhukile mukwa-kuyula, hindu wata wapwile wa José).

Ezekiel 47:13

Mwene Yehova kanambe ngwenyi, Jino je njiza munuhandununa najo che chifuchi ha yihinga hakachi ka kumi lia minyachi ni minyachi yiali ya Izalele. José akapwe ni yihanda yiali.

Amose 2:9

Alioze nanongesene A-Amore aze aaliangile; Chizundamo cho chapwile ngwe cha misedru, ni tachi jo ngwe tachi ja mitondo ya carvalho. Nanongesene mihuko yenyi kwilu ni miji yenyi kushi.

Yoano 4:5

Kashika yaheta ku limbo lia mu Samaria, jina lialio Saika, kwakusulangana ni munda uze ahanyine Yakomba kuli mwanenyi José.

Shimbi 21:17

Alioze até mwe mutangu, mwana wa yoze iye anamuvwila kole ha kumwaha yihanda yiali ya yeswe ali nayo, mumu iye uputukilo wa ngolo jenyi, chiyulo cha mutangu nichenyi.

Yoshua 24:32

Yifwaha ya José yize A-Izalele achijile ku Engitu afunjile mu Shekeme, mu chihela Yakomba walanjile kuli ana ja Hamore, tato ya Shekeme, ha ndando ya kulakaji lia mbongo. Chalumukine chihinga cha A-José.

Akwa Kuyula 11:23

Chocho Yehova mwe Zambi ya A-Izalele yahuma A-Amore kumeso ja atu jenyi A-Izalele. Mba yena unambe kwazuka nyi?