Ubutukilo 48:21 - MUKANDA USANDU WA ZAMBI 1975

²¹ Mba Izalele yamba kuli José ngwenyi, Tala mu kufwa nguli, alioze Zambi kumakapwa hamwe ni yena, kumakakuneha ku chifuchi cha atatenu.

Mukanda Wa Zambi 1970

²¹ Mba Israele yambila Josefe ngwenyi: “Tala, himungufwa kwami, alioze Zambi makabwa hamwe ni yena, makakuhilwisa ku chifuchi cha atatenu.

Ubutukilo 48:21 Iomraidhean Croise

Ubutukilo 12:5

Apalama yatwala hamwe nenyi mukwo-pwo Serai, ni Lote mwana wa yayo ni upite weswe haupita, ni atu eswe aze haliwezela mu Harane. Chocho yakatuka akaye ku chifuchi cha Kanana, mba ku Kanana yaheta.

Ubutukilo 15:14

Mba mungukalamba atu aze aapita. Kulutwe makatukako ni upite wunji.

Ubutukilo 15:16

O ha chisemuko chamuchiwana kumakeza nawa ku kuno, mumu uhenge wa A-Amore te kanda woka.

Ubutukilo 26:3

Twama njize mu chifuchi chino mba mungupwa hamwe ni yena, mungukuwahisa. Mumu munguhana yifuchi yino yeswe kuli yena ni munyachi we. Mungukolesa shingo lize nalishingile nalio kuli tatenu Apalahama.

Ubutukilo 28:15

Tala, yami nguli hamwe ni yena, mungukakufunga kweswako muoya, mungukakuneha nawa ku chifuchi chino, mumu chichi kakuhichika ndo hinalinga chize nakulwezanga.

Ubutukilo 37:1

Yakomba watwamine mu chifuchi cha unjize wa tato, mwe mu chifuchi cha Kanana.

Ubutukilo 46:4

Munguya hamwe ni yena ku Engitu, mba mungukakuchizako nawa. José makasa moko jenyi ha meso je.

Ubutukilo 47:29

Mba miaka hiyaheta ya kufwa cha Izalele. Yasanyika mwanenyi José, yamba kuli iye ngwenyi, Nyi hinawana vumbi kumeso je sako kama kwoko lie kushi lia shina lia kulu liami ulilakenye kulinga kuli yami ni utu ni umwenemwene; ngunalembe, kanda ungufunda mu Engitu.

Ubutukilo 50:24

Mba José yamba kuli ayayo ngwenyi, Mungufwa alioze Zambi pundu makeza kuli yenu, manuchiza ku chifuchi chino akanutwale ku chifuchi chize achilakenyene ni shingo kuli Apalahama, ni kuli Izake, ni kuli Yakomba.

Ubutukilo 50:6

Falau yamba ngwenyi, Yénu nufunde tatenu, se anushingishile.

Miaso (Masamu) 18:46

Yehova katwama ni mwono; liwe liami, afumane. Zambi ya ulamwino wami anangame.

Luka 2:29

Mwene, haliapwila ndungo ye akatuke kama ni sambukila, nikulita ni liji lie;

Yilinga 13:36

Mumu David, muze te halingila chisemuko chenyi mwene ku upale wa Zambi, wayile tulo, amufunjile hamwe ni akako, wamwene kupola:

Shimbi 30:3

Yehova Zambi yenu kumakalumuna ufunge wenu, makanuvwila keke, nikunukonga ku mavungu eswe kuze Yehova Zambi yenu wanumwanginyine.

Shimbi 31:8

Yehova, iye kanayi kumeso je, kumakapwa hamwe ni yena; kechi kakuhichika, chipwe kukwehuka, ka; kanda wivwa woma, chipwe mwongo, ka.

2 Timoteu 4:6

Mumu himungutehuka, mwaka wa kutusuka chami hiweza.

Hebreu 7:3

Keshi tato, keshi naye, keshi munyachi, keshi uputukilo wa matangwa, ni matangwa jenyi kechi kuhwa, aiioze kanamupwisa ngwe mwe Mwana Zambi), katwama sasendote ndo ku miaka ya mutolo.

Hebreu 7:8

Hano hashi atu a kutwa kakutambula yihanda ya kumi; aiioze kuze, kakuyitambula yoze kanamushindakenya ngwo, Katwama ni mwono.

Yoshua 1:5

Niumwe mahasa kulimika ni yena matangwa eswe a mwono we. Chizechene ngwe napwile ni Mose chocho mungupwa ni yena. Chichi kukuhichika hanji kukwehuka.

Yoshua 1:9

Te chakutumine nyi? Takama; hamuka; kanda wivwa woma hanji mwongo, mumu Yehova Zambi ye hwali hamwe ni yena kweswako muoya.

Yoshua 23:14

Haliapwila ngunambe kuya jila akuya akwa hashi eswe, ni yenu nunanyingika mu mbunge jenu ni mu alma jenu, e eswe lume, ngwenu, Nichimwe chuma kuchahonene cha yuma yize yeswe yipema Yehova Zambi yenu hanulakenya ha kutwala kuli yenu. Yeswe hiyamanunuka hali yenu; nichimwe chahona.

Yoshua 3:7

Yehova yamba kuli Yoshua ngwenyi, Musono munguputuka kukunangamisa kumeso ja A-Izalele eswe, akanyingike ngwo, Chizechene apwile ni Mose chocho kwali nawa ni iye.

2 Petulu 1:14

se ngunanyingika kuzula cha mbalaka yami muchikapwa kulutwe lia shimbu likepe, chizechene ngwe Mwene wetu Yesu Kristu wangulwezele.