Ubutukilo 48:16 - MUKANDA USANDU WA ZAMBI 1975

¹⁶ Mwe mungelo hanangupulula ku yipi yeswe, akawahise wano akweze, Jina liami likapwe muli ayo, ni jina lia atata Apalahama ni Izake. Akoke ndo mapwa chihuji hashi.

Mukanda Wa Zambi 1970

¹⁶ Kanganda ka mwilu yoze wangupulwile mu lamba lieswe, aawahise! Avulwoke jina liami, ni majina ja atata Abrahama ni Isake! Aseme ana anji, akabwe vungu linene!”

Ubutukilo 48:16 Iomraidhean Croise

Ubutukilo 22:11

Alioze mungelo wa Yehova mwilu yamusanyika ngwenyi, Apalahama, Apalahama. Iye yamba ngwenyi, Yami uno.

Ubutukilo 22:15

Mungelo wa Yehova mwilu yasanyika Apalahama kakwo kamuchiali ngwenyi,

Ubutukilo 32:28

Iye yamba ngwenyi, Jina lie kulichi kupwa nawa Yakomba, alioze mulipwa Izalele, mumu walitachika ni Zambi, walitachika ni atu, wakumba.

Ubutukilo 46:3

Mba Zambi yamba ngwenyi, Yami nguli Zambi, mwe Zambi ya tatenu. Kanda wivwa woma wa kuya ku Engitu mumu mungukupwisako vungu linene.

Ubutukilo 48:5

Haliapwila ana je aali a malunga waasemene mu Engitu shimbu kanda nguchiheta kuli yena mu Engitu, ngwami, Eframe ni Manase ninyami chimuwika ngwe Rupene ni Simeone.

Ubutukilo 49:22

José iye mutango wa kwima mihuko, mutango wa mihuko ku fuji ha meya. Ana jenyi kakutanjila ndusu sali lia chipanga.

2 Samuel 4:9

Alioze David yakumbulula Rekabe ni yayo Bana, ana ja Rimone Ka-Mberote, ngwenyi, Ni mwono wa Yehova yoze wakulile mwono wami ku luyinda mweswe,

1 Yitanga Ya Mianangana 1:29

Mba mwanangana yalishinga ngwenyi, Ni mwono wa Yehova yoze wangukulile ku luyinda mweswe,

2 Sango Ja Mianangana 7:14

nyi atu jami waze hinaaluka jina liami malikehesa, ni kulemba, ni kufupa meso jami, ni kukatuka ku ndako jo jipi, ami mwilu mungupanjika, mungukonekena mutonga wo, munguwuka chifuchi cho.

Miaso (Masamu) 121:7

Yehova kumakakufunga ku yipi yeswe. Kumakafunga mwono we.

Miaso (Masamu) 34:2

Mbunge yami muyilisamba muli Yehova; yimbovu machivwa, mawahilila.

Miaso (Masamu) 34:22

Yehova kakukula mwono wa tuvumbi twenyi. Hakachi ka waze maswama muli iye niumwe mahia wakuhi. Samu lia David.

Miaso (Masamu) 34:7

Mungelo wa Yehova kakutunga chilombo chenyi cha kujingilika waze akumuvwila woma, kakwapulula.

Miaso (Masamu) 34:8

Panjikenu nukambe ngwenu, Yehova iye mupema; kawaha mweswe maswama muli iye.

Kutuhuka 1:7

A-Izalele asemene, okele chikolo, alumbamine, akanganyine; chifuchi yichitakana no.

Izaya 47:4

Mukwa-Kutukula—iye mwe Musandu wa Izalele, jina lienyi Yehova-wa-Tujita.

Izaya 63:9

Mu huli lio lieswe iye wamwene huli, mba mungelo wa kumeso jenyi waalamwinyine. Ni zango lienyi ni keke yenyi waakulile; waazundwile, waambachile matangwa eswe a shakulu.

Jeremia 14:9

Kuchi te unapu ngwe umwe kanakakashana, ngwe umwe mukwa ndundo yoze kahashile kulamwina? Hindu, Yehova, uli hakachi ketu, ni yetu hatuluka jina lie. Kanda utwehuka.

Jeremia 15:21

Mungukupulula ku kwoko lia chingulungulu; mungukuhula ku tachi ja mukwa uswi.

Amose 9:12

hanga akazuke masalila ja Endome, ni mavungu aze eswe hanaaluku jina liami. Chocho kanambe Yehova mukwa kulinga chuma chino.

Malaki 3:1

Ngunatumu kanganda kami akalulike jila yami kulutwe liami, mba Mwene yoze nunamufupu meza susumuku mu tembele yenyi. Yehova-wa-Tujita kanambe ngwenyi, Kanganda ka usendo yoze nunawahilila nenyi, kumanyi kaneza.

Kwalula 1:46

te wano eswe a kwalula yapwa kulakaji asambano a tununu ni tununu atatu ni kulakaji atano ni makumi atano.

Mateu 6:13

Kanda ukatutwala kama ku cheseko, alioze tupulule kama kuli mwe mupi. Mumu we wanangana, ni je tachi, ni we uhenya, yeswe niye ndo ku miaka yeswe. Amene.

Yoano 17:15

Chalembele hanga ukaachize hashi, alioze hanga ukaafunge kuli mwe mupi.

Yilinga 15:17

hanga masalila ja atu akafupe Mwene, ni akwa mavungu eswe, waze hali ayo jina liami analivuluka, chocho anambe Mwene, yoze wakulinga yino yuma yeswe.

A-ROMA 8:23

Ni hi chize wika ko, alioze chipwe yetwene nawa, yetu tuli ni mihuko yitangu ya Spiritu, chipwe yetwene twakutwa mikuma muli yetwene, nikulawoka atupwise ana, we ukule wa mijimba yetu.

1 Korintu 10:4

eswe anwine kunwa chimuwika cha uspiritu: mumu anwine ku liwe lia uspiritu lize liaakawile, ni liwe lize liapwile Kristu.

1 Korintu 10:9

Chipwe kanda tukeseka Kristu ngwe amwe a kuli ayo esekele, mba aonwene kuli tupela.

Shimbi 28:10

Mavungu eswe a hashi makamona ngwo, Hananuluku ni jina lia Yehova, mba makanuvwila woma.

Shimbi 33:17

Uhenya wenyi wapwa ngwe ngombe yenyi wa kuji mutangu kusemuka, mbinga jenyi japwa ngwe ja mbau mashinjika najo mavungu, e eswe lume, ndo ku masongo a hashi. Chocho apwa kumi lia tununu a Eframe ni tununu twa Manase.

2 Timoteu 4:18

Mwene kumakangupulula ku yitanga yeswe yipi, makangulamwina ndo ku wanangana wenyi wa mwilu: uhenya ukapwe kuli iye ndo ku miaka yeswe ya mutolo. Amene.

Titu 2:14

yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.

Hebreu 11:21

Ku Ufulielo Yakomba, muze himafwa, wawahishile mweswe wa kuli ana ja José a malunga; Wawayilile nikujamina ha mulumbu wenyi.

Yoshua 17:17

Mba Yoshua yamba kuli akwa José, te A-Eframe, ni A-Manase ngwenyi, Nuli atu anji, ni tachi jinji nuli najo, kashika kunuchi kupwa ni chihanda chimuwika.