Ubutukilo 48:15 - MUKANDA USANDU WA ZAMBI 1975

¹⁵ Yawahisa José ngwenyi, Zambi akaawahise. Mwe Zambi atata Apalahama ni Izake endele kumeso jenyi, Mwe Zambi hanangulisa mwono wami weswe ndo musono.

Mukanda Wa Zambi 1970

¹⁵ Mwabwamuze Israele yawahisa Josefe ngwenyi: “Zambi yoze atata jami Abrahama ni Isake alingile, awahise ana malunga wano! Zambi yoze wangufungile ndoo ni musono, aawahise!

Ubutukilo 48:15 Iomraidhean Croise

Ubutukilo 17:1

Muze te Apalama kali ni makumi livwa a miaka ni miaka livwa Yehova yasoloka kuli Apalama nikwamba kuli iye ngwenyi, Yami nguli Zambi Mukwa-Ndundo-Jeswe, enda kumeso jami upwe mungunu.

Ubutukilo 24:20

Yatambuka, yapukumwina mutondo wenyi mu chingolongolo, yazomboka nawa ku shima, yatahila tumelu twenyi eswe.

Ubutukilo 24:40

Iye yamba kuli yami ngwenyi, Yehova, yoze kumeso jenyi nakwenda, iye kumakatuma mungelo wenyi hamwe ni yena mukuwahisa wenyi we. Kumukasakila pwo mwanami wa kuli usoko wami, ku munyachi wa tata.

Ubutukilo 27:27

Yakundama, yamwaha mbeju. Tato yamwivwa vumba lia mazalo jenyi, yamuwahisa ngwenyi, Ivwenu, vumba lia mwanami Liapwa ngwe vumba lia musenge uze hanauwahisa kuli Yehova.

Ubutukilo 27:4

Ukangutelekele kulia chiyema chize nakuzanga, ukachinehe kuli yami ngukalie, hanga mbunge yami yikakuwahise shimbu kanda ngufwa.

Ubutukilo 28:20

Mba Yakomba yalakenya chilakenyo ngwenyi, Nyi Zambi mangufunga jila yeswe munguya akangwehe ya kulia, ni mazalo a kuzala,

Ubutukilo 28:22

Ni liwe lino hinalimika likapwe liwe lia kumika mulipwa zuwo lia Zambi. Ya yize yeswe mungwaha munguhilwisa chihanda chimuwika cha hakachi ka yihanda kumi.

Ubutukilo 28:3

Zambi Mukwa-Ndundo-Jeswe akakuwahise, akakwehe ana, akakwokese ukapwe chendo cha mavungu.

Ubutukilo 35:3

tuyenu, tukandukenu ku Mbetele. Mungutungako chilumbilo kuli mwe Zambi wangukumbulwile ha tangwa lia lamba liami, wendele ni yami jila yize nayile.

Ubutukilo 48:16

Mwe mungelo hanangupulula ku yipi yeswe, akawahise wano akweze, Jina liami likapwe muli ayo, ni jina lia atata Apalahama ni Izake. Akoke ndo mapwa chihuji hashi.

Ubutukilo 49:22

José iye mutango wa kwima mihuko, mutango wa mihuko ku fuji ha meya. Ana jenyi kakutanjila ndusu sali lia chipanga.

Ubutukilo 49:24

Hindu uta wenyi watwama ni tachi. Moko jenyi aatakamishine ku moko ja Mukwa-Ndundo wa Yakomba. (Kwenako mukukatuka mwe kafunga, lie liwe lia Izalele;)

Ubutukilo 49:28

Wano e mavungu kumi ni aali a Izalele. Chino tato wambile kuli ayo nikwawahisa. Eswe umwe ha umwe haawahisa nikulita ni kuwahisa chenyi.

Ubutukilo 6:9

Yino ye yisemuko ya Noe. Noe wapwile mukwa ululi, keshi kapalia mu chisemuko chenyi. Noe waliendelele ni Zambi.

1 Yitanga Ya Mianangana 3:6

Solomone yamba ngwenyi, Hiwalinga vumbi linji kuli tata David kavumbi ke nikulita ni kwenda chenyi mu umwenemwene, ni ululi, ni kululama cha mbunge kumeso je. Mba wamufungilile vumbi lino linji ngwami, Wamuhele mwana akatwame ha ngunja yenyi chize chapwa musono.

1 Sango Ja Mianangana 5:1

Ana ja Rupene mwana mutangu wa Izalele (iye te mutangu alioze se achishile muhela wa tato ahanyine wata wenyi kuli ana ja José, mwana Izalele. Kechi kujichika miya nikulita ni wata.

Miaso (Masamu) 16:8

Hingunasela Yehova kumeso jami matangwa eswe. Chichi kakokoloka mumu iye kanamana ku chindume chami.

Miaso (Masamu) 23:1

Yehova iye kafunga kami, chichi kuhona nichimwe.

Miaso (Masamu) 37:3

Fuliela Yehova, ulinge yipema. Chocho mukatwama mu chifuchi; chamwenemwene makakulisa.

Kutuhuka 3:16

Yako ukakungulule hamuwika makulwana a A-Izalele. Amba kuli ayo ngwe, Yehova, Zambi ya tulamba twenu, Zambi ya Apalahama, ni ya Izake, ni ya Yakomba, hanasoloka kuli yami ngwenyi, Pundu hinanutala, hinamona chize ananulingi mu Engitu.

Kutuhuka 4:5

Hanga akafuliele ngwo, Yehova, Zambi ya tulamba twetu, Zambi ya Apalahama, Zambi ya Izake, Zambi ya Yakomba hanasoloka kuli yena.

Longeshi 5:12

Tulo twa mukwa kuhondangana kuwaho chipwe malia yikepe hanji yinji, alioze pichi kahashile kuya tulo mumu ha kukuta.

Longeshi 5:18

Chize namona kupema ni kuwaha ngwami, Mutu akalie, akanwe, akawahe ni yipema ya kuhondangana chenyi cheswe chize anahondangana nacho kushi lia tangwa matangwa eswe a mwono uze Zambi hamwaha. Chihanda chenyi chenacho.

Longeshi 6:7

Milimo yeswe ya mutu kuyapwa ya kusa mu kanwa lienyi; hindu kakuchile.

Izaya 30:21

Muze munukondoloka hanji ku chindume, hanji ku chimeso, matwi jenu nawa mevwa liji kunyima yenu lia kwamba ngwo, Ye jila, yino; endelemo.

Izaya 33:16

Makatwama kwilu, kuma kwenyi kwa kulitunga mukukapwa mu mbonge ja yimawe. Mbolo yenyi mamwahayo, meya jenyi kechi kahona.

Jeremia 8:2

Mayimwanga kumeso ja tangwa ni kakweji ni mbunga yeswe ya mwilu, aze azangile nikwalingila, nikwakaula, nikwafupa, nikwawayila. Kechi kayikungulula chipwe kuyifunda. Kumuyikapwa ngwe wilo ha mavu.

Luka 1:6

O, eswe aali, apwile akwa ululi kumeso ja Zambi, kanende mu maliji eswe a shimbi ni upatwilo wa ululi wa Mwene, keshi kapalia.

1 Korintu 10:31

Chipwe kashika munulia, hanji mununwa, hanji cheswacho munulinga, lingenu yuma yeswe ha uhenya wa Zambi.

2 Korintu 1:12

Mumu kulisamba chetu chino ngwetu, Shindakenyo ya mbunge jetu, ngwe ni usandu ni kutuwika cha mbunge kumeso ja Zambi, hi ni mana ja musunya ko alioze ni vumbi lia Zambi, hitunende hano hashi, ni kuhiana kuli yenu.

Shimbi 33:1

Mose mwe mutu wa Zambi shimbu kanda afwa wawahishile A-Izalele ni yiwape yino,

Kolosu 2:6

Kashika chizechene ngwe nwatambwile Kristu Yesu mwe Mwene, chocho endenu muli iye;

1 Tesalonika 2:12

hanga nukende ngwe chinatela Zambi, mukwa kunutambika ku wanangana wenyi mwene ni uhenya.

Hebreu 11:21

Ku Ufulielo Yakomba, muze himafwa, wawahishile mweswe wa kuli ana ja José a malunga; Wawayilile nikujamina ha mulumbu wenyi.