Ubutukilo 48:14 - MUKANDA USANDU WA ZAMBI 1975

¹⁴ Izalele yazoza kwoko lienyi lia chindume, yalisa ha mutwe wa Eframe, mwe kanuke, kwoko lia chimeso ha mutwe wa Manase, nikusepekenya moko jenyi, mumu Manase mwe kapula-jimo.

Mukanda Wa Zambi 1970

¹⁴ Alioze Israele yasepekenya moko jenyi, yasa kwoko lienyi lia utata ha mutwe wa Efraime, chibwe te kali kanuke, ni kwoko lia umama ha mutwe wa mukulwana Manase.

Ubutukilo 48:14 Iomraidhean Croise

Ubutukilo 41:51

Yaluka jina mukulwana ngwenyi, Manase, mumu Zambi hananguvulamisa kuhondangana chami cheswe, ni akwa zuwo lia tata.

Ubutukilo 41:52

Jina lia mukwo wamuchiali ngwenyi, Eframe, mumu Zambi hangwaha ana mu chifuchi cha lamba liami.

Ubutukilo 46:20

Mu chifuchi cha Engitu José wasemene Manase ni Eframe kuli Asenate mwana wa Potifera sasendote wa One.

Ubutukilo 48:13

José yaanda eswe aali, Eframe ku chindume chenyi akapwe ku chimeso cha Izalele; Manase ku chimeso chenyi akapwe ku chindume cha Izalele, chocho yaakundamisa.

Ubutukilo 48:17

Muze José hamona ngwe tato masa kwoko lienyi lia chindume hali Eframe chamupihila. Kashika yakwata kwoko lia tato alichize ha mutwe wa Eframe alise ha mutwe wa Manase.

Ubutukilo 48:18

José yamba ngwenyi, Hi chocho ko tata, kapula-jimo yono, sako kwoko lie lia chindume ha mutwe wenyi.

Miaso (Masamu) 110:1

Yehova kanambe kuli Mwene wami, ngwenyi, Twama ku chindume chami ndo mungupwisa akwa kole je chitwamo cha yiliato ye.

Miaso (Masamu) 118:16

Kwoko lia chindume lia Yehova hanangama. Kwoko lia chindume lia Yehova kuliakulinga ni tachi.

Kutuhuka 15:6

Yehova, kwoko lie lia chindume kuliapwa lilemu ni tachi. Yehova, kwoko lie lia chindume hiliawonda mukwa kole.

Kwalula 2:18

Ku sali lia ku Chitokelo kukapwe mbandeira ya chilombo cha Eframe, nikulita ni yizavu yo. Elisama mwana Amihude akapwe mwata wa A-Eframe.

Kwalula 8:10

Ukatumbikile A-Levi kumeso ja Yehova. A-Izalele akasayike moko jo hali A-Levi.

Kwalula 8:18

Hingunatambula A-Levi mukusalakana tupula-majimo eswe hakachi ka A-Izalele.

Mateu 16:18

Ni yami nawa ngunambe kuli yena ngwami, Yena uli Petulu, ni ha liwe lino mungutunga chikungulwila chami, ni yajilo ya Heteze kuyichi kakumbaho.

Mateu 19:13

Mba anehene kuli iye ana akepe, hanga asayike moko jenyi hali ayo, alembe; alioze tumbaji aakanjishile.

Mateu 19:15

Wasayikile moko jenyi hali ayo, mba wakatukile kuze.

Mateu 6:5

Muze mulemba kanda upwa ngwe yilembese, mumu mafwila kulemba nikumana mu masunangonga ni ha malindalinda ja matapalo, hanga akasoloke kuli atu. Pundu ngunambe kuli yenu ngwami, Hanatambula kwononona cho.

Luka 13:13

Iye wasayikile moko jenyi hali iye: haze hene wolokele, wachichimiekene Zambi.

Luka 4:40

Muze tangwa mulichinjila, waze eswe apwile ni mieji a kuyiza ni misongo yeka ni yeka, aanehene kuli iye; neye wasayikile moko jenyi hali eswe, waawukile.

Yilinga 13:3

Hohene, muze te halitwamina kulia, yalemba, yasayika moko jo hali ayo akaye.

Yilinga 6:6

waze aasele kumeso ja apostolo: mba muze te halemba, asayikile moko jo hali ayo.

Shimbi 34:9

Yoshua, mwana wa Nune, wazalile tò ni Spiritu ya mana, mumu te Mose hasayika hali iye moko jenyi. A-Izalele yapanjika kuli iye, yalinga ngwe Yehova ambile Mose.

1 Timoteu 4:14

Kanda ukalengulula chawana chize chili muli yena, chize hanakwehe ku uprofeto, hamwe ni kusayika cha moko ja makulwana.

1 Timoteu 5:22

Kanda ukasayika moko nikawashi hali mutu niumwe, chipwe kanda ulikunda ni milonga ya mbala: ukalinange.