Ubutukilo 47:6 - MUKANDA USANDU WA ZAMBI 1975

⁶ Chifuchi cha Engitu chili kumeso je, kashika tungisa tatenu ni ayayenu mu chihanda chipema cha chifuchi. Atunge mu Ngoshone. Nyi unanyingika amwe akwa kujama hakachi ko Ukaapwise akwa kuyula ha ngombe jami.

Ubutukilo 47:6 Iomraidhean Croise

Ubutukilo 13:10

Mba Lote yahetula meso jenyi, yatala chana cheswe cha Yordau chatuchikile kweswe kanawa ni meya shimbu te Yehova kanda anongesa Sondome ni Ngomora; ngwe chála cha Yehova, ngwe chifuchi cha Engitu ha kutalikisa ku Zoare.

Ubutukilo 13:9

Chifuchi cheswe te kuchishiko kumeso je, nyi? Ngunaliumbu, lihandunune ni yami. Nyi yena muoya ku chimeso, ami munguya ku chindume. Nyi yena muoya ku chindume ami munguya ku chimeso.

Ubutukilo 20:15

Apimeleke yamba ngwenyi, Tala, chifuchi chami cheswe chili kumeso je, twama kweswako kunakuwahila.

Ubutukilo 34:10

Munutwama hamuwika ni yetu. Chifuchi cheswe chikapwe kumeso jenu. Twamenumo, ni kulanda ni kulanjisamo, nukapitemo upite.

Ubutukilo 45:10

Munukatwama mu chifuchi cha Ngoshone. Munukapwa hakamwihi ni yami, ni yenu ni ana jenu, ni ajikulu jenu, ni yimuna jenu, ni ngombe jenu ni yikwata yenu yeswe.

Ubutukilo 46:34

Enu munwamba ngwenu, Etu ngamba jenu tuli akwa kupita yimuna chize ku ukweze ndo haliapwila, ni yetu, ni atata. Hanga nukatwame mu chifuchi cha Ngoshone, mumu tufunga twa yimuna eswe kanapu ngwe yijiluke kuli A-Engitu.

Ubutukilo 47:11

Mba José yatungisa tato ni ayayo. Yaaha chifuchi mu Engitu, mu chihanda chipema cha chifuchi mu Ramese nikulita ni shimbi ya Falau.

Ubutukilo 47:16

José yamba ngwenyi, Ngwehenu yimuna jenu. Mungunulanjisa kulia ni yimuna nyi mbongo jenu hijahwa.

Ubutukilo 47:4

O yamba nawa kuli Falau ngwo, Hitweza mukutwama njize mu chifuchi, mumu kelo jakuhi ja yimuna jetu se kapunga mukalu mu chifuchi cha Kanana. Kashika tunasakwila, nututayize yetu ngamba jenu tutwame mu chifuchi cha Ngoshone.

Ubutukilo 47:5

Mba Falau yahanjika ni José ngwenyi, Tatenu ni ayayenu haneza kuli yena.

1 Yitanga Ya Mianangana 11:28

Yono lunga Jeroboame mutu wa tachi ni hamu. Solomone yamona kuhondangana cha mukweze wacho mba yamupwisa kapita ka milimo yeswe ya zuwo lia José.

2 Sango Ja Mianangana 26:10

Yatunga tuposhi mu puya nawa, ni kufula tuyitende tunji twa meya mumu wapwile ni yimuna anji, mu yana ni mu yikulo. Wapwile nawa ni njimi ni akwa kululika miuva mu milundu ni mu minda ya mbuto, mumu wazangile chikolo kulima.

Kutuhuka 18:21

Chikwo nawa ukalitalile malunga yitakame a kuli atu, a kuvwila woma Zambi, malunga amwenemwene, a kuvwila lwaji chipululu. Ukaapwise miata jo; akapwe akwa kuyula tununu twa atu, akwa kuyula makulakaji, akwa kuyula makumi atano, akwa kuyula kumi lia atu.

Kutuhuka 18:25

Mose wasakwile malunga yitakame a kuli A-Izalele eswe. Yaapwisa miata ja atu, akwa kuyula tununu, akwa kuyula makulakaji, akwa kuyula makumi atano, akwa kuyula kumi.

Kutuhuka 9:10

O yanda uto wa ku lutengo, yamana kumeso ja Falau, Mose yautakumuna ha tetela, mba yiwalumuka mahute a kuneha yivunda, ni hali atu, ni hali tushitu.

Kutuhuka 9:21

Yoze walengulwile liji lia Yehova, yahichika mu yambu ngamba jenyi ni yimuna jenyi.

Yishima 21:1

Mbunge ya mwanangana yapwa mu kwoko lia Yehova ngwe chitwetwe cha meya, kakuyitalikisa kweswako mazanga.

Yishima 22:29

Unamono chipalakata ku milimo yenyi, nyi? Kumakamana kumeso ja mianangana; kechi kumana kumeso ja atu amokomoko.

Jeremia 40:4

Musono ngunakutusula ku malenge a ha moko je. Nyi chinakupemena kwiza ni yami ku Babilonia, tweya mba yami mungukufunga kanawa. Alioze nyi chakupihila kwiza ni yami ku Babilonia, kanda wiza. Tala, chifuchi cheswe chili kumeso je, yako kweswako kunakuwahila ni kuze kunakupemena.

Yoano 17:2

Chizechene ngwe wamuhele chiyulo helu lia atu eswe, hanga akahane mwono wa mutolo kuli waze eswe hiunamwehe.

1 Samuel 21:7

Alioze tangwa lize kwapwile umwe ngamba ya Saulu, te hamukwikako kumeso ja Yehova; jina lienyi Doege Ka-Endome. Iye mukwa lutwe hakachi ka tufunga twa Saulu.