Ubutukilo 47:4 - MUKANDA USANDU WA ZAMBI 1975

⁴ O yamba nawa kuli Falau ngwo, Hitweza mukutwama njize mu chifuchi, mumu kelo jakuhi ja yimuna jetu se kapunga mukalu mu chifuchi cha Kanana. Kashika tunasakwila, nututayize yetu ngamba jenu tutwame mu chifuchi cha Ngoshone.

Mukanda Wa Zambi 1970

⁴ Kutwejile kuno chamokomoko. Ku Kanana zala yinji yiliko ni yakulia yakuhi hakulisa yimuna yetu. Twalemba mwanangana, tutayizenu tutwame kwetu mu Goshene.”

Ubutukilo 47:4 Iomraidhean Croise

Ubutukilo 12:10

Yikupwa kapunga mu chifuchi, mba Apalama yapalumukina ku Engitu akatwameko njize mumu kapunga te mukalu mu chifuchi.

Ubutukilo 15:13

Mba yamba kuli Apalama ngwenyi, Nyingika pundu akwa munyachi we makapwa njize mu chifuchi hi nicho ko, makapwa ndungo, makaapinjisa makulakaji awana a miaka.

Ubutukilo 43:1

Alioze kapunga wapwile mukalu mu chifuchi.

Ubutukilo 45:10

Munukatwama mu chifuchi cha Ngoshone. Munukapwa hakamwihi ni yami, ni yenu ni ana jenu, ni ajikulu jenu, ni yimuna jenu, ni ngombe jenu ni yikwata yenu yeswe.

Ubutukilo 46:34

Enu munwamba ngwenu, Etu ngamba jenu tuli akwa kupita yimuna chize ku ukweze ndo haliapwila, ni yetu, ni atata. Hanga nukatwame mu chifuchi cha Ngoshone, mumu tufunga twa yimuna eswe kanapu ngwe yijiluke kuli A-Engitu.

Ubutukilo 47:5

Mba Falau yahanjika ni José ngwenyi, Tatenu ni ayayenu haneza kuli yena.

Miaso (Masamu) 105:23

Izalele nawa wejile ku Engitu; Yakomba Watwamine mu chifuchi cha Hame.

Izaya 52:4

Mumu Mwene Yehova kanambe ngwenyi, Atu jami apalumukine hatangu ku Engitu akatwameko, mba Ka-Asuria yaapinjisa ni ndando ka.

Yilinga 7:11

Achi, kwejile kapunga ha chifuchi cheswe cha Engitu ni Kanana, ni luyinda munene; ni tulamba twetu kawanyine kulia nichimwe.

Yilinga 7:6

Zambi wahanjikile Chichino ngwenyi, Munyachi we muukapwa njize mu chifuchi cha mbala, makaapwisa ndungo, makaalinga chipi, kulakaji awana a miaka.

Shimbi 26:5

Ukumbulule kumeso ja Yehova Zambi ye ngwe, Kulwami wapwile Ka-Seria, te kanambe kutoka. Yapalumukina ku Engitu, yatwamako ni atu akehe. Kwenako yapwa vungu linene, lia ndundo, lia atu anji.