Ubutukilo 47:31 - MUKANDA USANDU WA ZAMBI 1975

³¹ Yamba ngwenyi, Ulishinge. Mba iye yalishinga. Mba Izalele yalihetamisa ha muhela.

Mukanda Wa Zambi 1970

³¹ Israele ngwenyi: “Lishinge ngwe: ‘Munguchilinga.’ ” Josefe yalishinga Zambi, mba Israele yahetamina ha muhela wenyi nikuwayila Zambi.

Ubutukilo 47:31 Iomraidhean Croise

Ubutukilo 21:23

Kashika ulishinge hano ni Zambi kuli yami ngwe, kuchi kulinga ni kwonga kuli yami, chipwe kuli mwanami, chipwe kuli mujikulu wami. Alioze ukalinge nikulita ni utu uze yami nalingile kuli yena, chocho mulinga kuli yami ni ku chifuchi chino watwamamo njize.

Ubutukilo 21:24

Apalahama yakumbulula ngwenyi, Mungulishinga.

Ubutukilo 24:2

Apalahama yamba kuli ndungo yenyi, mwe mukulwana ku zuwo lienyi, yoze wayulile yuma yeswe apichile, ngwenyi, Mwane, sako kwoko lie kushi lia shina lia kulu liami.

Ubutukilo 24:26

Mwe lunga yahetamisa mutwe wenyi, yawayila Yehova,

Ubutukilo 24:3

Ndo mulishinga ni jina lia Yehova Zambi ya mwilu kanda Zambi ya hashi ngwami, Mwanami kuchi kumumbachisa pwo wa kuli A-Kanana wano natwama no.

Ubutukilo 31:53

Zambi ya Apalahama, Zambi ya Nehore, Zambi ya tato akapatwile hakachi ketu. Mba Yakomba yalishinga ni woma wa tato Izake.

Ubutukilo 47:29

Mba miaka hiyaheta ya kufwa cha Izalele. Yasanyika mwanenyi José, yamba kuli iye ngwenyi, Nyi hinawana vumbi kumeso je sako kama kwoko lie kushi lia shina lia kulu liami ulilakenye kulinga kuli yami ni utu ni umwenemwene; ngunalembe, kanda ungufunda mu Engitu.

Ubutukilo 50:25

José yashingisa ana ja Izalele ngwenyi, Pundu Zambi makanunangisa mba munukambata yifwaha yami nukayichize ku kuno.

Ubutukilo 50:5

Tata wangushingishile ngwenyi, Mungufwa, alioze ukangufunde mu fuka lize nafulile mu chifuchi cha Kanana. Kashika ngutayize kama, nguye ngukafunde tata, mba mungwiza nawa.

1 Yitanga Ya Mianangana 1:47

Chikwo nawa tuvumbi twa mwanangana kezanga mukuhalisa mwene wetu mwanangana David ngwo, Zambi yenu akafumanyise jina lia Solomone kuhiana jina lienu, ni ngunja yenyi yikahiane ngunja yenu, mba mwanangana yahetamina ha muhela.

Hebreu 11:21

Ku Ufulielo Yakomba, muze himafwa, wawahishile mweswe wa kuli ana ja José a malunga; Wawayilile nikujamina ha mulumbu wenyi.