Ubutukilo 47:29 - MUKANDA USANDU WA ZAMBI 1975

²⁹ Mba miaka hiyaheta ya kufwa cha Izalele. Yasanyika mwanenyi José, yamba kuli iye ngwenyi, Nyi hinawana vumbi kumeso je sako kama kwoko lie kushi lia shina lia kulu liami ulilakenye kulinga kuli yami ni utu ni umwenemwene; ngunalembe, kanda ungufunda mu Engitu.

Mukanda Wa Zambi 1970

²⁹ Muze Israele hamona ngwenyi, nguli hakamwihi ni kufwa, yatambika mwanenyi Josefe, yamwamba ngwenyi: “Mwanami, sako kwoko lie mu molu jami, ulishinge ngwe, kuuchi kangufunda muno mu chifuchi cha Egiptu.

Ubutukilo 47:29 Iomraidhean Croise

Ubutukilo 24:2

Apalahama yamba kuli ndungo yenyi, mwe mukulwana ku zuwo lienyi, yoze wayulile yuma yeswe apichile, ngwenyi, Mwane, sako kwoko lie kushi lia shina lia kulu liami.

Ubutukilo 24:49

Haliapwila nyi nunazange kulinga ni utu ni umwenemwene ni mwata wami, nungwambulwile, nyi ka, nungwambulwile hanga ngukatalikise hanji ku chindume hanji ku chimeso.

Ubutukilo 27:2

Tato yamba ngwenyi, Haliapwila napwa mukulwana, Chanyingikine tangwa lia kufwa chami.

Ubutukilo 3:19

Mukalia ni matukuta a ku meso je ndo mukahiluka mu mavu se kuze kwene akuchijile. Mumu uli fufuta mba ku fufuta mukahilukila.

Ubutukilo 47:9

Yakomba yamba ngwenyi, Matangwa a miaka ya unjize wami kulakaji lia miaka ni makumi atatu a miaka. Miaka ya mwono wami yapwa yikepe, yipi tuhu. Kuyahetele ku miaka ya mwono wa atata mu matangwa a unjize wo.

Ubutukilo 48:21

Mba Izalele yamba kuli José ngwenyi, Tala mu kufwa nguli, alioze Zambi kumakapwa hamwe ni yena, kumakakuneha ku chifuchi cha atatenu.

Ubutukilo 50:12

Ana jenyi a malunga yamulinga chizechene yaatuma iye.

Ubutukilo 50:5

Tata wangushingishile ngwenyi, Mungufwa, alioze ukangufunde mu fuka lize nafulile mu chifuchi cha Kanana. Kashika ngutayize kama, nguye ngukafunde tata, mba mungwiza nawa.

2 Samuel 14:14

Mumu chatutamba kufwa. Tuli ngwe meya aze anamwangana hashi keshi kuhasa kwaanda nawa. Chipwe Zambi keshi kuchiza mwono alioze kakululika shimbi, keshi kumbila liakulu yoze hamuhuma.

2 Samuel 2:32

Yanda Asahele yamufunda mu chifuka cha tato chili ku Mbeteleme. Joabe ni malunga jenyi endele ufuku weswe, mba tangwa liaavumbukilile ku Heprone.

2 Samuel 7:12

Muze matangwa je hamanunuka hiwaya tulo, hiwaya kuli tulamba twe, kulutwe mungukakolesa mukwa munyachi we yoze wamusema, mungukakolesa wanangana wenyi.

1 Yitanga Ya Mianangana 2:1

Matangwa a kufwa cha David yakundama. Yashika mwanenyi Solomone ngwenyi,

Jobe 14:14

Nyi mutu mafwa matwama ni mwono nawa? Matangwa eswe a uvumbiko wami te mungutwaminyina, ndo mangutusula.

Jobe 30:23

Pundu, ngunanyingika kumukanguneha ku kufwa; kwe kuze hasela akwa mwono eswe.

Jobe 7:1

Milimo ya mutu hano hashi te hi yikalu ko? Matangwa jenyi kapwile ngwe matangwa ja ngamba?

Miaso (Masamu) 49:7

niumwe hakachi ko mahasa kukula mwanakwo, nichimwe, chipwe kuhana kuli Zambi upite wa kumukula nawo.

Miaso (Masamu) 49:9

Akatwame ni mwono matangwa eswe, hanga kechi kamona kupola.

Miaso (Masamu) 6:5

Mumu mu kufwa keshi kukwiwuluka. Mu Shiole iya makusakwila?

Miaso (Masamu) 89:48

Mutu muka malinduluka ni mwono keshi kumona kufwa? Iya yoze mapulula mwono wenyi ku chiyulo cha Shiole?(Litulike.)

Shimbi 31:14

Yehova yamba kuli Mose ngwenyi, Tangwa lia kufwa che linakundama. Tambika Yoshua, numane mu mbalaka ya chikungulwila, hanga ngumwehe chiyulo. Mose ni Yoshua yaya, yamana mu mbalaka ya chikungulwila.

Shimbi 31:16

Yehova yamba kuli Mose ngwenyi, Kutala! Yena kumuoya tulo ukalifutule ni tulamba twenu. Atu ano makakatuka, makalinga ukoi nikukaula tuzambi twa tundaka a chifuchi, kuze anayi kutwama. Makangwehuka, makatangula usendo wami nakolesele no.

Hebreu 11:22

Ku Ufulielo José, muze akundamine ku songo lia mwono wenyi, wavulukile kukatuka cha ana a Izalele; nikuhana shimbi ha kutwala ku yifwaha yenyi.

Hebreu 9:27

Chizechene ngwe hanachitulikila atu eswe kufwa kamuwika, mba kulutwe lia chino upatwilo,

Yoshua 2:14

Malunga ambile kuli iye ngwo, Nyi kuchi kusolola milimo yino ya yetu mututumbika mwono wetu ha mwono we, ngwetu, muze Yehova matwaha che chifuchi mutulinga ni yena ni vumbi ni umwenemwene.

Yoshua 23:14

Haliapwila ngunambe kuya jila akuya akwa hashi eswe, ni yenu nunanyingika mu mbunge jenu ni mu alma jenu, e eswe lume, ngwenu, Nichimwe chuma kuchahonene cha yuma yize yeswe yipema Yehova Zambi yenu hanulakenya ha kutwala kuli yenu. Yeswe hiyamanunuka hali yenu; nichimwe chahona.

1 Samuel 26:10

David yamba ngwenyi, Ni mwono wa Yehova, Yehova mwene mamulamba; hanji tangwa lienyi lia kufwa muliza; hanji maya ku jita mba mafwa.