Ubutukilo 47:27 - MUKANDA USANDU WA ZAMBI 1975

²⁷ Mba A-Izalele atwamine mu Engitu mu chifuchi cha Ngoshone. Apichilemo upite wunji, asemene chikolo, okelele kuhiana.

Mukanda Wa Zambi 1970

²⁷ Aisraele yaatwama mu chifuchi cha Goshene mu Egiptu, yaabita kuhiana ni yaasema ana anji.

Ubutukilo 47:27 Iomraidhean Croise

Ubutukilo 13:16

Chikwo nawa mungwokesa munyachi we ngwe fufuta ya hashi. Nyi mutu mahasa kwalula fufuta ya hashi mba chocho mahasa kwalula munyachi we.

Ubutukilo 17:6

Mungukakupwisa semi kuhiana. Kuli yena mungutanga mavungu, chipwe mianangana kumakatuhuka muli yena.

Ubutukilo 26:4

Mungukokesa munyachi we ngwe matongonoshi a mwilu. Ku munyachi we mungukahana yifuchi yino yeswe, mba mu munyachi we mavungu eswe a hashi makawaha.

Ubutukilo 28:14

Akwa munyachi we kumakapwa ngwe fufuta ya hashi, kumukalitanda ku Chitokelo, ni ku Chivumbuko, lumbu ni lumbu, mavungu eswe a hashi eswe kumakaawahisa kuli yena ni ku munyachi we.

Ubutukilo 34:10

Munutwama hamuwika ni yetu. Chifuchi cheswe chikapwe kumeso jenu. Twamenumo, ni kulanda ni kulanjisamo, nukapitemo upite.

Ubutukilo 35:11

Zambi yamba kuli iye ngwenyi, Yami nguli Zambi Mukwa-Ndundo-Jeswe. Useme, uliwezele; vungu ni chendo cha mavungu makasemuka kuli yena; mianangana makasemuka ku mitanda ye.

Ubutukilo 46:3

Mba Zambi yamba ngwenyi, Yami nguli Zambi, mwe Zambi ya tatenu. Kanda wivwa woma wa kuya ku Engitu mumu mungukupwisako vungu linene.

Ubutukilo 47:11

Mba José yatungisa tato ni ayayo. Yaaha chifuchi mu Engitu, mu chihanda chipema cha chifuchi mu Ramese nikulita ni shimbi ya Falau.

Ubutukilo 8:7

Yatuma chikwakwalo, yaya nikwendangana ndo meya homa hashi.

Ubutukilo 8:9

Alioze katele kawanyine haze mapwila ni chiliato chenyi mba yahilukila kuli iye ku ulungu mumu meya te hwali hashi heswe. Mba yazoza kwoko lienyi, yamukwata, yamunjisa kuli iye mu ulungu.

Nehemia 9:23

Wokesele ana jo nawa ngwe matongonoshi a mwilu; waanjishile mu chifuchi chize wambile kuli atato ngwe, Mununjila ni kuchitambula.

Miaso (Masamu) 105:24

Wokesele chikolo atu jenyi; waatakamishine kuhiana waze alimikine no.

Miaso (Masamu) 107:38

Kakwawahisa nawa akaliokese chikolo. Chipwe yimuna jo kechi kwatayiza katepuluka.

Kutuhuka 1:12

Alioze chize cheswe alikolezele kwapinjisa, ahianyine kwoka. Yalitanda ku chifuchi cheswe. A-Engitu evwilile kupiha chinji A-Izalele.

Kutuhuka 1:7

A-Izalele asemene, okele chikolo, alumbamine, akanganyine; chifuchi yichitakana no.

Zakaria 10:8

Mungukaasanyika nikwakonga mumu hinaakula, mba kumoka ngwe ha shakulu.

Yilinga 7:17

Alioze shimbu mwaka wa chilakenyo muuchikundama, chize alakenyene Zambi kuli Apalahama, atu asemanganyine, okele mu Engitu.

Shimbi 10:22

Tulamba twenu yapalumukina ku Engitu, makumi shimbiali a atu, haliapwila Yehova Zambi yenu hananupwisa mbunga ngwe matongonoshi a mwilu.

Shimbi 26:5

Ukumbulule kumeso ja Yehova Zambi ye ngwe, Kulwami wapwile Ka-Seria, te kanambe kutoka. Yapalumukina ku Engitu, yatwamako ni atu akehe. Kwenako yapwa vungu linene, lia ndundo, lia atu anji.