Ubutukilo 47:23 - MUKANDA USANDU WA ZAMBI 1975

²³ Henaho José yamba kuli e atu ngwenyi, Talenu hinanulanda musono, ni yenu ni minda yenu nukapwe a mbala a Falau. Wenu mbuto nukayilime mu minda.

Mukanda Wa Zambi 1970

²³ Josefe yambila atu ngwenyi: “Nwamona, haliabwila hinanulanda ni ye minda yenu, hinwabwa a mbala a mwanangana. Tambulenu mbuto ya kutumba.

Ubutukilo 47:23 Iomraidhean Croise

Ubutukilo 41:27

Ngombe shimbiali api, awangama, ni nona shimbiali jamokomoko, jakonyata ni fuji ya ku Chivumbuko, ayo yinalumbunuka miaka shimbiali ya kapunga.

Ubutukilo 45:6

Mumu miaka yino yiali hikwapwa kapunga ku chifuchi ahoze kwasala miaka yitano kukuchi kupwa chipwe kuchipa chipwe kucha.

Ubutukilo 47:22

Chifuchi cha asasendote wika kachilanjile, mumu asasendote te kali ni chihanda cho cha kuli Falau. O alile chihanda chize Falau waahele kashika kalanjishile minda yo.

Ubutukilo 47:24

Mba muchipwa ha mwaka wa kucha chihanda chimuwika munuhana kuli Falau, yihanda yikwo yiwana muyipwa ya yenu, mbuto ya kulima, ni ya kulia yenu ni akwa mazuwo jenu ni ana jenu.

Miaso (Masamu) 112:5

Chapwa chipema kuli yoze malinga ni vumbi nikuhana kuli akwo; kumakamuhakwila chikuma chenyi ha usopelo.

Miaso (Masamu) 41:1

Kawaha yoze wakunyonga yiswale. Yehova kumakamupulula ha tangwa lipi.

Yishima 11:26

Atu matuka mukwa kumina mbuto; alioze malunjika yiwape ha mutwe wa yoze kakuyilanjisa.

Yishima 12:11

Mukwa kulima minda yenyi makapwa ni kulia chinji; yoze makaula atu amokomoko keshi mbunge.

Yishima 13:23

Kulia chinji chili mu ulimi wa chiswale; alioze kuchili chize kakuchonwona mumu ha uhenge.

Longeshi 11:6

Kuwa mbuto ye ha chimene, ni ha chingoloshi kanda ulitwamina, mumu kwanyingikine yize muyiwaha, shina yize nyi shina yino, hanji jeswe ni jiali mujipema chimuwika.

Izaya 55:10

Chizechene ngwe vula ni neve yakukatuka mwilu, kuyayileko nawa alioze yakutuchika hashi hanga hasokese ni kwima, kuhana mbuto kuli mukwa kukuwa ni mbolo kuli mukwa kulia,

Mateu 24:45

Iya kevwe ndungo wamwenemwene, wa kukanyama, yoze mwene wenyi hamwaha chiyulo cha akwa zuwo lienyi, mukuhana kuli ayo kulia ha mwaka wacho?

2 Korintu 9:10

Achi, yoze wakumwesa mbuto chikuwa, ni mbolo ha kulia, kumakanumwesa mbuto yenu ya kukuwa, makayokesa, makatatwisa mihuko ya ululi wenu.