Ubutukilo 47:17 - MUKANDA USANDU WA ZAMBI 1975

¹⁷ Chocho anehene yimuna jo kuli José, mba iye waahele kulia cha kusumbakenya ni tuvwalu, ni mapanga, ni ngombe, ni yimbulu. Yaalisa ni kulia cha kusumbakenya ni yimuna jo ha mwaka uze.

Mukanda Wa Zambi 1970

¹⁷ No yaaneha neha yimuna yo: tuvwalu, ni mapanga, ni pembe, ni ngombe, ni yimbulu, mba Josefe yaalanjisa yakulia. Ha mwaka uze atu yaasumbakenya yimuna yo ni yakulia kuli Josefe.

Ubutukilo 47:17 Iomraidhean Croise

Ubutukilo 47:16

José yamba ngwenyi, Ngwehenu yimuna jenu. Mungunulanjisa kulia ni yimuna nyi mbongo jenu hijahwa.

Ubutukilo 47:18

Muze mwaka uze hiwahwa, ejile kuli iye mwaka wamuchiali ngwo, Kutuchi kusweka kuli yenu mwata, ngwetu, Mbongo jetu hijahwa. Matanga eswe a yimuna hapwa a mbala a yenu mwata wetu. Nichimwe chuma chasala kumeso ja yenu mwata wetu shina mijimba yetu ni minda yetu.

1 Yitanga Ya Mianangana 10:28

Tuvwalu a Solomone waanehene ku Engitu. Akwa kulanda a mwanangana waatambwile mu matanga. Tanga ni ndando yalio, tanga ni ndando yalio.

Jobe 2:4

Satana yakumbulula Yehova ngwenyi, E, chikowa ha chikowa. Mutu mecha yeswe ali nayo ha kulamwina mwono wenyi.

Kutuhuka 9:3

kwoko lia Yehova mulikapwa hali yimuna je waze ali mu yambu, ni hali tuvwalu, ni hali yimbulu, ni hali tumelu, ni hali ngombe, ni hali mapanga. Kumukukapwa chilungo chipi.

Izaya 31:1

Lamba kuli waze akupalumuka ku Engitu kufupa yikwashi. Waze akujikijila hali tuvwalu, kakufuliela matemba-a-jita mumu ha kupwa anji, kakufuliela akwa tuvwalu ha kupwa ni tachi jinji. Alioze katalile kuli mwe Musandu wa Izalele; kahulile Yehova.

Mateu 6:24

Niumwe mahasa kulingila miata aali: mumu hanji mavwila kole umwe, mazanga mukwo; hanji makakaminya kuli umwe, malelesa mukwo. Kunwahashile kulingila Zambi ni kulingila upite hamuwika.