Ubutukilo 47:15 - MUKANDA USANDU WA ZAMBI 1975

¹⁵ Muze mbongo jeswe hajihana mu chifuchi cha Engitu ni mu chifuchi cha Kanana, A-Engitu eswe ejile kuli José ngwo, Twehenu kulia, mumu kuchi te mutufwa kumeso jenu? Mbongo jetu hijahwa.

Mukanda Wa Zambi 1970

¹⁵ Muze akwa Egiptu ni akwa Kanana mbongo jo hijahwa ja kulanda najo yakulia, akwa Egiptu yeeza ni kuhanjika ni Josefe ngwo: “Vulie mwane! Mbongo jetu hijahwa. Kuchi, tufwe lume ni zala, nyi? Twehenu yakulia?”

Ubutukilo 47:15 Iomraidhean Croise

Ubutukilo 41:36

Kulia chize muchipwa cha kutulikila miaka yize shimbiali ya kapunga muyiza mu chifuchi cha Engitu. Kuchina akwa chifuchi eswe makuwa ni kapunga.

Ubutukilo 47:16

José yamba ngwenyi, Ngwehenu yimuna jenu. Mungunulanjisa kulia ni yimuna nyi mbongo jenu hijahwa.

Ubutukilo 47:24

Mba muchipwa ha mwaka wa kucha chihanda chimuwika munuhana kuli Falau, yihanda yikwo yiwana muyipwa ya yenu, mbuto ya kulima, ni ya kulia yenu ni akwa mazuwo jenu ni ana jenu.

Miaso (Masamu) 37:3

Fuliela Yehova, ulinge yipema. Chocho mukatwama mu chifuchi; chamwenemwene makakulisa.

Izaya 33:16

Makatwama kwilu, kuma kwenyi kwa kulitunga mukukapwa mu mbonge ja yimawe. Mbolo yenyi mamwahayo, meya jenyi kechi kahona.

Mateu 6:11

Twehe kama musono mbolo yetu yize twakufupafupa.

Akwa Kuyula 8:5

Chocho yamba kuli A-Sukote ngwenyi, Ngunalembe nukahane kulia kuli atu ano anangukaula mumu hijaahwa ni tunahange Zeba ni Zalumuna mianangana ja A-Mindiane.

Akwa Kuyula 8:8

Chize kuze yakanduka ku Penwele yamba maliji wa ene kuli ayo. A-Penwele yakumbulula chizechene ngwe A-Sukote.

1 Samuel 21:3

Kashika, chika nuli nacho? Penu mbolo jitano hanji cheswacho chiliko.

1 Samuel 25:8

Hula akweze je, makulweza. Kashika akweze jami akawane vumbi kumeso je se tuneza ha tangwa lia kuwaha. Hana cheswacho uli nacho kuli wano tuvumbi twe ni kuli yami mwané David.