Ubutukilo 47:13 - MUKANDA USANDU WA ZAMBI 1975

¹³ Kukwapwile kulia mu chifuchi cheswe, mumu kapunga wapwile mukalu. Chocho chifuchi cha Engitu ni chifuchi cha Kanana yalezumukine mumu ha kapunga.

Mukanda Wa Zambi 1970

¹³ Zala yiibwa yinji, yaahona yakulia mu chifuchi cheswe. Chenacho akwa Egiptu ni akwa Kanana alekumukine ni zala.

Ubutukilo 47:13 Iomraidhean Croise

Ubutukilo 41:36

Kulia chize muchipwa cha kutulikila miaka yize shimbiali ya kapunga muyiza mu chifuchi cha Engitu. Kuchina akwa chifuchi eswe makuwa ni kapunga.

1 Yitanga Ya Mianangana 18:5

Ahabe yamba kuli Obadia ngwenyi, Palika ndusu mashima a meya eswe mu chifuchi, ni ku yitwetwe yeswe, hanji mutuwana jimwe kelo ja kulamwina najo tuvwalu ni mula. Nyi ka eswe matutoka.

Jeremia 9:12

Mutu wa mana yoze yuma yino muyimulumbunuka, iya? Yoze hevwa chuma chino ku kanwa lia Yehova akahase kuchilumbununa, iya? Kuchi te chifuchi hachenyeka, hachipihisa ngwe puya, kashika niumwe mapalikilako?

Lungungu 4:9

Waze afwile ni katana muhapwa, waze afwile ni zala lamba amwene. O apokiekele, a kutuwa mumu ha kuhona mihuko ya ku mavu.

Yilinga 7:11

Achi, kwejile kapunga ha chifuchi cheswe cha Engitu ni Kanana, ni luyinda munene; ni tulamba twetu kawanyine kulia nichimwe.