Ubutukilo 47:12 - MUKANDA USANDU WA ZAMBI 1975

¹² José wahokele tato, ni ayayo, ni akwa zuwo lia tato eswe. Yaaha kulia nikulita ni majiko jo.

Mukanda Wa Zambi 1970

¹² Josefe yamwaha tato yakulia hamwe ni ayayo ni akwa jiko lia tato, nikulita ni ana jo.

Ubutukilo 47:12 Iomraidhean Croise

Ubutukilo 45:10

Munukatwama mu chifuchi cha Ngoshone. Munukapwa hakamwihi ni yami, ni yenu ni ana jenu, ni ajikulu jenu, ni yimuna jenu, ni ngombe jenu ni yikwata yenu yeswe.

Ubutukilo 45:11

Kwenako mungukanuhoka, mumu kwasala miaka yitano ya kapunga, kuchina munwiza kuswalajala, ni yena, ni akwa zuwo lie ni yikwata ye yeswe.

Ubutukilo 45:7

Kashika Zambi wangutetekesele kunufungila kamwe ka munyachi hano hashi, kunulamwina amwono nukapwe mbunga yinene.

Ubutukilo 47:1

José yanjila, yalweza Falau ngwenyi, Tata, ni ayaya, ni mapanga, ni ngombe, ni upite wo weswe hanakatuka ku chifuchi cha Kanana, haliapwila hanahete ku chifuchi cha Ngoshone.

Ubutukilo 47:21

Mba e atu waatutulwile ku membo ku songo lia Engitu ndo ku songo likwo ndusu chifuchi cheswe.

Ubutukilo 47:24

Mba muchipwa ha mwaka wa kucha chihanda chimuwika munuhana kuli Falau, yihanda yikwo yiwana muyipwa ya yenu, mbuto ya kulima, ni ya kulia yenu ni akwa mazuwo jenu ni ana jenu.

Ubutukilo 50:21

Kashika kanda nwivwa woma. Mungunuhoka hamuwika ni ana jenu. Chocho yaalembejeka nikuhanjika ku mbunge jo.

Kutuhuka 20:12

Lemesa tatenu ni noko, hanga matangwa je akapwe anji mu chifuchi chize Yehova Zambi ye kanakwehe.

Izaya 22:24

Kumakazezeleka hali iye ulemu weswe wa munyachi wa tato, ana ni ajikulu, tuyikwachilo tweswe chize ku misenge ndo ku milondo yeswe.

1 Tesalonika 2:7

Alioze twendele makoke mukachi kenu, chizechene ngwe muze naye masusuminya ana jenyi mwene.

1 Timoteu 4:8

Mumu kulifumba cha mujimba chinawaha hakepe; alioze uwayilo unawaha ha yuma yeswe, se uli ni chilakenyo cha mwono uze wa haliapwila ni cha uze muwizaho.

1 Timoteu 5:4

Alioze nyi twamishi umwe mapwa ni ana, hanji ajikulu, akalilongese hatangu uwayilo ha kutwala ku mazuwo jo ene, akahilwise chimwe kuli yisemi jo. Mumu chino chinapemena chikolo kuli Zambi.

1 Timoteu 5:8

Alioze kachi umwe keshi kulisa atu jenyi mwene, ni kuhiana chikolo akwa zuwo lienyi, kachi hanalikate Ufulielo, kapiha kuhiana yoze keshi kufuliela.

Rute 4:15

Kumakapwa kuli yena mukwa kuhuzulula mwono kanda mukwa kukuhoka mu ushinakaji we, mumu yono wamusema, iye tembwa-mwané, kanakuzange, kuli yena kahiana chipwe shimbiali a ana a malunga.