Ubutukilo 47:1 - MUKANDA USANDU WA ZAMBI 1975

¹ José yanjila, yalweza Falau ngwenyi, Tata, ni ayaya, ni mapanga, ni ngombe, ni upite wo weswe hanakatuka ku chifuchi cha Kanana, haliapwila hanahete ku chifuchi cha Ngoshone.

Mukanda Wa Zambi 1970

^1-2 Mba Josefe yaya ni ayayo atano maha mwanangana, ngwenyi: “Vulie mwanangana! Tata ni ayaya haakatuka ku chifuchi cha Kanana, heeza ni yimuna yo ni yuma yo yeswe. Haatulila mu chifuchi cha Goshene.” Mba yaasolola kuli mwanangana.

Ubutukilo 47:1 Iomraidhean Croise

Ubutukilo 45:10

Munukatwama mu chifuchi cha Ngoshone. Munukapwa hakamwihi ni yami, ni yenu ni ana jenu, ni ajikulu jenu, ni yimuna jenu, ni ngombe jenu ni yikwata yenu yeswe.

Ubutukilo 45:16

Lufuma wacho yaheta mu zuwo ha Falau ngwo, Ayayo a José heza. Chapemenene kuli Falau ni atu jenyi eswe.

Ubutukilo 46:28

Yakomba yatuma Yunda kulutwe kuli José, akalweze jila ya kuya ku Ngoshone. Chocho ahetele ku chifuchi cha Ngoshone.

Ubutukilo 46:31

José yamba kuli ayayo ni kuli akwa zuwo lia tato eswe ngwenyi, Munguya ngukambulwile Falau ngwami, Ayaya, ni akwa zuwo lia tata apwile mu chifuchi cha Kanana haneza kuli yami.

Ubutukilo 46:34

Enu munwamba ngwenu, Etu ngamba jenu tuli akwa kupita yimuna chize ku ukweze ndo haliapwila, ni yetu, ni atata. Hanga nukatwame mu chifuchi cha Ngoshone, mumu tufunga twa yimuna eswe kanapu ngwe yijiluke kuli A-Engitu.

Kutuhuka 8:22

Ha tangwa lize mungukahandununa chifuchi cha Ngoshone muze mwatwama atu jami, hanga mazaji niamwe a jiji kechi kapwamo, hanga ukangunyingike ngwe, Mwe Yehova mu chifuchi.

Kutuhuka 9:26

Kumwapwile chiwe mu chifuchi cha Ngoshone wika muze mwatwamine A-Izalele.

Hebreu 2:11

Mumu eswe aali, ni yoze wakusela ku usandu, ni waze hanaasela ku usandu, kanapu eswe a kuli umuwika: ha chikuma chino keshi kwivwa sonyi kwavuluka ngwenyi, Mandumbu.