Ubutukilo 46:34 - MUKANDA USANDU WA ZAMBI 1975

³⁴ Enu munwamba ngwenu, Etu ngamba jenu tuli akwa kupita yimuna chize ku ukweze ndo haliapwila, ni yetu, ni atata. Hanga nukatwame mu chifuchi cha Ngoshone, mumu tufunga twa yimuna eswe kanapu ngwe yijiluke kuli A-Engitu.

Mukanda Wa Zambi 1970

³⁴ Chanutamba kwamba ngwenu: ‘Mwanangana, chize ku ukweze wetu milimo yetu kufunga yimuna, ngwe chize te akulinga akaka.’ Nyi nwamba Chenacho mba munubwa nikutwama mu Goshene.” Chino Josefe yachamba mumu akwa Egiptu te keeshi kuzanga tufunga twa yimuna.

Ubutukilo 46:34 Iomraidhean Croise

Ubutukilo 13:7

Kwapwile kulitachika hakachi ka akwa kufunga yimuna ja Apalama ni akwa kufunga yimuna ja Lote. A-Kanana ni A-Perize achili mu chifuchi.

Ubutukilo 13:8

Apalama yamba kuli Lote ngwenyi, Ngunaliumbu, kanda kupwa kulitachika hakachi ka yena ni yami, hakachi ka tufunga twe ni tufunga twami se tuli usoko.

Ubutukilo 26:20

Mba tufunga twa Ngerare yalitachika ni tufunga twa Izake ngwo, Meya ninyetu. Kashika yaluka shima lize ngwenyi, Eseke, mumu ha kulitachika nenyi.

Ubutukilo 30:35

Alioze tangwa lioliene wachijile kuji a pembe eswe a yipekayipeka ni a yihesayihesa, ni yihwo eswe a yipekayipeka ni a yihesayihesa, te eswe apwile ni yipeka yitoma, ni mapanga alá eswe. Yaahana kuli ana jenyi.

Ubutukilo 34:5

Yakomba yevwa chize halumbula mwanenyi Ndina. Ana jenyi a malunga te mu yambu ali ni ngombe, kashika Yakomba yahola nacho ndo heza.

Ubutukilo 37:12

Ayayo ayile nikulisa mapanga ja tato mu Shekeme.

Ubutukilo 37:2

Chisemuko cha Yakomba, chino; José, te kali ni kumi lia miaka ni miaka shimbiali, walishile mapanga hamwe ni ayayo. Iye wapwile kanuke hamwe ni ana ja Mbila ni ana ja Zelupa, mapwo ja tato. José wahetesele lufuma wo mupi kuli tato.

Ubutukilo 43:32

Yamunehena kulia kwa ukawenyi, no nawa kwa ukawo, ni A-Engitu aze alile nenyi, no kwa ukawo. Mumu A-Engitu keshi kulia ni A-Hepreu. Acho kulijilula kuli A-Engitu.

Ubutukilo 45:10

Munukatwama mu chifuchi cha Ngoshone. Munukapwa hakamwihi ni yami, ni yenu ni ana jenu, ni ajikulu jenu, ni yimuna jenu, ni ngombe jenu ni yikwata yenu yeswe.

Ubutukilo 45:18

Nukasake tatenu ni akwa mazuwo jenu, nukeze kuli yami, mba mungukanwaha ye yipema ya chifuchi cha Engitu. Munukalia ya maji a mu chifuchi.

Ubutukilo 46:32

Malunga o tufunga mumu kapwa akwa kupita yimuna. Hananeha mapanga, ni ngombe, ni upite wo weswe.

Ubutukilo 47:11

Mba José yatungisa tato ni ayayo. Yaaha chifuchi mu Engitu, mu chihanda chipema cha chifuchi mu Ramese nikulita ni shimbi ya Falau.

Ubutukilo 47:3

Falau yamba kuli ayo ngwenyi, Milimo yenu yika? O yamba kuli Falau ngwo, Etu ngamba jenu tuli tufunga, ni yetu ni atata.

Ubutukilo 47:4

O yamba nawa kuli Falau ngwo, Hitweza mukutwama njize mu chifuchi, mumu kelo jakuhi ja yimuna jetu se kapunga mukalu mu chifuchi cha Kanana. Kashika tunasakwila, nututayize yetu ngamba jenu tutwame mu chifuchi cha Ngoshone.

Ubutukilo 47:6

Chifuchi cha Engitu chili kumeso je, kashika tungisa tatenu ni ayayenu mu chihanda chipema cha chifuchi. Atunge mu Ngoshone. Nyi unanyingika amwe akwa kujama hakachi ko Ukaapwise akwa kuyula ha ngombe jami.

Kutuhuka 8:22

Ha tangwa lize mungukahandununa chifuchi cha Ngoshone muze mwatwama atu jami, hanga mazaji niamwe a jiji kechi kapwamo, hanga ukangunyingike ngwe, Mwe Yehova mu chifuchi.

Kutuhuka 8:26

Mose yamba ngwenyi, Kuchatele kulinga chocho, mumu yetu mututambula kuli Yehova Zambi yetu yitapo yize muyipihila A-Engitu. Nyi mututambula kumeso ja A-Engitu ya kwapihila kumanyi o kechi kutwasa mawe nyi?