Ubutukilo 46:32 - MUKANDA USANDU WA ZAMBI 1975

³² Malunga o tufunga mumu kapwa akwa kupita yimuna. Hananeha mapanga, ni ngombe, ni upite wo weswe.

Mukanda Wa Zambi 1970

³² Malunga, milimo yo kufunga yimuna. Heeza ni yimuna yo ni yuma yo yeswe.’

Ubutukilo 46:32 Iomraidhean Croise

Ubutukilo 31:18

yambata yimuna jenyi eswe, ni yikumba yenyi yeswe yize apita, ni ngombe eswe haazuka aze hapita mu Panda-narame, akaye kuli tato Izake mu chifuchi cha Kanana.

Ubutukilo 37:2

Chisemuko cha Yakomba, chino; José, te kali ni kumi lia miaka ni miaka shimbiali, walishile mapanga hamwe ni ayayo. Iye wapwile kanuke hamwe ni ana ja Mbila ni ana ja Zelupa, mapwo ja tato. José wahetesele lufuma wo mupi kuli tato.

Ubutukilo 4:2

Kulutwe yasema nawa mwanakwo Abele. Abele mukwa kufunga mapanga, alioze Kene mukwa kulima.

Ubutukilo 45:10

Munukatwama mu chifuchi cha Ngoshone. Munukapwa hakamwihi ni yami, ni yenu ni ana jenu, ni ajikulu jenu, ni yimuna jenu, ni ngombe jenu ni yikwata yenu yeswe.

Ubutukilo 46:31

José yamba kuli ayayo ni kuli akwa zuwo lia tato eswe ngwenyi, Munguya ngukambulwile Falau ngwami, Ayaya, ni akwa zuwo lia tata apwile mu chifuchi cha Kanana haneza kuli yami.

Ubutukilo 46:33

Kashika muze Falau manusanyika manuhula ngwenyi, Milimo yenu yika?

Ubutukilo 46:34

Enu munwamba ngwenu, Etu ngamba jenu tuli akwa kupita yimuna chize ku ukweze ndo haliapwila, ni yetu, ni atata. Hanga nukatwame mu chifuchi cha Ngoshone, mumu tufunga twa yimuna eswe kanapu ngwe yijiluke kuli A-Engitu.

Ubutukilo 47:3

Falau yamba kuli ayo ngwenyi, Milimo yenu yika? O yamba kuli Falau ngwo, Etu ngamba jenu tuli tufunga, ni yetu ni atata.

Ubutukilo 9:20

Noe waputukile kupwa njimi. Yalima munda wa uva.

1 Yitanga Ya Mianangana 9:27

Hirame yatuma mu mato atu jenyi, akwa mato ananyingika kalunga-lwiji hamwe ni atu ja Solomone.

Kutuhuka 3:1

Mose wafungile mapanga ja tatoweno Yetoru, mwe sasendote wa A-Mindiane. Yatwala mapanga mu sali lia puya. Yaheta ku Horepe, mulundu wa Zambi.

Izaya 40:11

Kumakalisa chendo chenyi ngwe kafunga, kumakakunga ana-mapanga mu moko jenyi, kumakaambata mu kondo, waze anamwisa ana kumakaasongwela ni vumbi.

Zakaria 13:5

alioze makamba ngwenyi, Hi nguli profeta ko; nguli njimi, mumu e mavu hapwa upite wami chize ku ukweze wami.

1 Samuel 16:11

Samuel yamba kuli Yese ngwenyi, Ana je eswe, waene nyi? Iye yamba ngwenyi, Kwasala mwe kasulasongo, kanafungu mapanga. Samuel yamba kuli Yese ngwenyi, Tuma amusake, mumu kutuchi kutwama ndo heza.

1 Samuel 17:15

David te matwama ni Saulu mba maya mukulisa mapanga a tato ku Mbeteleme akahiluke nawa.