Ubutukilo 46:29 - MUKANDA USANDU WA ZAMBI 1975

²⁹ José iye yalulika temba lienyi, yaya kupatwiza tato Izalele ku Ngoshone. Yalisolola kuli tato, yalizewilaye, yalila ha kota yenyi shimbu lume.

Mukanda Wa Zambi 1970

²⁹ Josefe yanyina ha temba lienyi, yaya ni kubatwiza tato ku Goshene. Ha kulimona nenyi, Josefe yamukakaminya, yalila shimbu lisuku.

Ubutukilo 46:29 Iomraidhean Croise

Ubutukilo 33:4

Esau yazomboka nikumupatwiza, yamukwata mu moko, yalizewilaye, yamwaha mbeju, chocho alilile.

Ubutukilo 41:43

Yamwendesa mu temba lienyi liamuchiali. Atu atambikile kulutwe lienyi ngwo, Fulamanenu! Yamusa kuyula chifuchi cheswe cha Engitu.

Ubutukilo 43:30

José yakatuka kapupushi akafupe kuze malilila, mumu mbunge yenyi yevwile usona wunji hali mwanakwo. Yanjila mu chipatulo cha kupomba, yalililamo.

Ubutukilo 45:19

Hinanwaha shimbi, lingenu chino. Munuya ni matemba a mu chifuchi cha Engitu nukambachilemo anenu, ni mapwo jenu, nukanehe tatenu nukeze.

Ubutukilo 45:2

Yalila ni liji linene, ni A-Engitu evwile, ni akwa zuwo lia Falau evwile.

Ubutukilo 45:21

Ana ja Izalele yalinga chocho. José yaaha matemba nikulita ni shimbi ya Falau, ni ngaso ya kulia mu jila.

Ubutukilo 46:30

Izalele yamba kuli José ngwenyi, Mba ngufwe lume, se hinakumona ku meso shimbu uchili ni mwono.

Ubutukilo 50:9

Wayile ni matemba ni akwa tuvwalu, mbunga yinene.

Luka 15:20

Iye wakatukile, wayile kuli tato. Alioze shimbu achili kusuku chikolo, tato yamumona, yamuvwila keke, yazomboka, yamukangayika mu kondo, yamumbeja chikolo.

Yilinga 20:37

O eswe alilile chikolo, nikukangayika Paulu mu moko jo amumbejele chikolo.