Ubutukilo 46:26 - MUKANDA USANDU WA ZAMBI 1975

²⁶ Atu eswe Yakomba wejile no ku Engitu, te waze asemukine kuli iye mwene—hi mapwo ja anenyi ko—e eswe hamuwika apwa makumi asambano a atu ni atu asambano.

Mukanda Wa Zambi 1970

²⁶ Ana ja Yakoba waze ayile ku Egiptu, kwoka cho eswe makumi asambano ni asambano, kuchiza ko mapwo jo.

Ubutukilo 46:26 Iomraidhean Croise

Ubutukilo 34:30

Yakomba yamba kuli Simeone ni Levi ngwenyi, Lamba nwangunehena. Nwangupwisa ngwe vumba lipi hakachi ka akwa chifuchi, A-Kanana ni A-Perize. Se yami chishi ni atu anji malikungulula hamuwika akalikwate ni yami akangulambe. Kumungunonga, ni yami ni akwa zuwo liami.

Ubutukilo 35:11

Zambi yamba kuli iye ngwenyi, Yami nguli Zambi Mukwa-Ndundo-Jeswe. Useme, uliwezele; vungu ni chendo cha mavungu makasemuka kuli yena; mianangana makasemuka ku mitanda ye.

Kutuhuka 1:1

A-Izalele ayile ku Engitu hamwe ni Yakomba, lunga ni lunga ni akwa jiko lienyi, majina jo wano;

Kutuhuka 1:5

Atu eswe aze asemukine kuli Yakomba apwile makumi shimbiali a atu; José te hapwa kulu mu Engitu.

Yilinga 7:14

José watumine akatambike tato Yakomba akeze kuli iye, ni usoko wenyi eswe, makumi shimbiali a atu ni atu atano.

Shimbi 10:22

Tulamba twenu yapalumukina ku Engitu, makumi shimbiali a atu, haliapwila Yehova Zambi yenu hananupwisa mbunga ngwe matongonoshi a mwilu.

Akwa Kuyula 8:30

Ngideone te kali ni makumi shimbiali a ana a malunga a kusema iye mwene mumu wapwile ni mapwo anji.