Ubutukilo 46:2 - MUKANDA USANDU WA ZAMBI 1975

² Zambi yahanjika ni Izalele ni usolwelo wa ufuku ngwenyi, Yakomba, Yakomba. Iye yamba ngwenyi, Yami uno.

Mukanda Wa Zambi 1970

² Ha ufuku Zambi yambila Israele mu chilota ngwenyi: “Yakoba, Yakoba!” Neye ngwenyi: “Ewa, mwane.”

Ubutukilo 46:2 Iomraidhean Croise

Ubutukilo 15:1

Kulutwe lia yino yuma liji lia Yehova yiliza kuli Apalama mu usolwelo ngwo, Apalama, kanda wivwa woma, yami nguli lukepwe we, kanda nguli kwononona che chahiana.

Ubutukilo 15:13

Mba yamba kuli Apalama ngwenyi, Nyingika pundu akwa munyachi we makapwa njize mu chifuchi hi nicho ko, makapwa ndungo, makaapinjisa makulakaji awana a miaka.

Ubutukilo 20:3

Alioze Zambi yeza kuli Apimeleke mu chilota ha ufuku ngwenyi, Tala, uli mufu lume mumu hali pwo yoze watambulanga, mumu iye pwo lia mbala.

Ubutukilo 22:1

Kulutwe lia yino yuma Zambi yeseka Apalahama. Yamba kuli iye ngwenyi, Apalahama. Iye yakumbulula ngwenyi, Yami uno.

Ubutukilo 22:11

Alioze mungelo wa Yehova mwilu yamusanyika ngwenyi, Apalahama, Apalahama. Iye yamba ngwenyi, Yami uno.

Ubutukilo 31:11

Mba mungelo wa Zambi yamba kuli yami mu chilota chami ngwenyi, Yakomba. Ami namba ngwami, Yami uno.

2 Sango Ja Mianangana 26:5

Yalisela kufupa Zambi ha matangwa a Zekaria mukwa chinyingi ha usolwelo wa Zambi. Mba shimbu iye wafupile Yehova, Zambi wamuwahishile.

Jobe 4:13

Mu manyonga a usolwelo wa ufuku muze tulo anji akwiza hali atu,

Daniel 2:19

Henaho chijimbikilo achijimbwile kuli Daniel mu usolwelo ha ufuku. Kashika Daniel yahalisa Zambi ya mwilu.

Zakaria 1:8

Namona ha ufuku kumanyi umwe lunga kanende hali kavwalu muchila. Kanamana hakachi ka mitondo ya miluta mu mungulunga; kunyima yenyi te kunamana tuvwalu achila, ni a yipeka, ni atoma.

Kwalula 12:6

Ngwenyi, Panjikenu maliji jami. Kachi profeta hwali hakachi kenu, yami Yehova kumungulisolola kuli iye mu usolwelo, kumunguhanjika nenyi mu chilota.

Kwalula 24:4

Maliji a yoze wakwivwa maliji a Zambi, Iye anamono usolwelo wa Mukwa-Ndundo-Jeswe, Kanalimbuka, kanalaula meso.

Yilinga 10:13

Liji liejile kuli iye ngwo, Katuka, Petulu; shiha, ulie.

Yilinga 10:3

Ha ola yamuchilivwa ya mwalwa wamwene zwalala mu usolwelo, mungelo wa Zambi, kananjila kuli iye, nikwamba kuli iye ngwenyi, Koneliu.

Yilinga 16:9

Usolwelo wasolokele kuli Paulu ha ufuku: kwapwile lunga wa ku Masendoniya, kanamana, nikuliumba kuli iye ngwenyi, Zauka, wize muno mu Masendoniya, ukatukwase.

Yilinga 9:10

Achi, kwapwile umwe kambaji mu Ndamaseku, jina lienyi Ananiya; Mwene wambile kuli iye mu usolwelo ngwenyi, Ananiya. Iye wambile ngwenyi, Mwene, yami uno.

Yilinga 9:4

Iye walimbukile hashi, wevwile liji lia kwamba kuli iye ngwo, Saulu, Saulu, kuchi te wakunguhungumiona?

Akwa Kuyula 7:2

Yehova yamba kuli Ngideone ngwenyi, Atu ano uli no hoka naye. Chichi kuhasa kuhana A-Mindiane mu moko jo kuchina A-Izalele malisamba nikulimika ni yami ngwo, Moko ja yetwene hatupulula.

Akwa Kuyula 7:9

Ufuku uze wene Yehova yamba kuli iye ngwenyi, Katuka ukapupe chilombo mumu hinachikunjika mu moko jenu.

1 Samuel 3:10

Yehova yeza, yamana, yasanyika ngwe majila akwo ngwenyi, Samuel, Samuel. Mba Samuel yamba ngwenyi, Amba mumu kavumbi ke kanapanjika.

1 Samuel 3:4

Yehova yasanyika Samuel. Iye yakumbulula ngwenyi, Yami uno.