Ubutukilo 45:18 - MUKANDA USANDU WA ZAMBI 1975

¹⁸ Nukasake tatenu ni akwa mazuwo jenu, nukeze kuli yami, mba mungukanwaha ye yipema ya chifuchi cha Engitu. Munukalia ya maji a mu chifuchi.

Mukanda Wa Zambi 1970

¹⁸ ha kwanda tato ni akwa majiko jo, hanga akahiluke kuno. Mungwaha chifuchi chibema kuhiana muno mu Egiptu, akalialie yakulia yibema ya mu chifuchi chetu.

Ubutukilo 45:18 Iomraidhean Croise

Ubutukilo 27:28

Zambi akwehe mume wa mwilu, Ni maji a hashi, Ni kulumbama cha chivwale ni vinyu.

Ubutukilo 45:17

Falau yamba kuli José ngwenyi, Amba kuli ayayenu ngwe, Lingenu chino. Twikenu yimbulu jenu, nuye ku chifuchi cha Kanana.

Ubutukilo 46:34

Enu munwamba ngwenu, Etu ngamba jenu tuli akwa kupita yimuna chize ku ukweze ndo haliapwila, ni yetu, ni atata. Hanga nukatwame mu chifuchi cha Ngoshone, mumu tufunga twa yimuna eswe kanapu ngwe yijiluke kuli A-Engitu.

Ubutukilo 47:6

Chifuchi cha Engitu chili kumeso je, kashika tungisa tatenu ni ayayenu mu chihanda chipema cha chifuchi. Atunge mu Ngoshone. Nyi unanyingika amwe akwa kujama hakachi ko Ukaapwise akwa kuyula ha ngombe jami.

Miaso (Masamu) 147:14

Hapwisa sambukila mu manjiza je. Hanakuzalisa ni tiliku yize yahiana kupema.

Miaso (Masamu) 81:16

Kumakaalisa ni tiliku lize liahiana kupema. Kumungukakuyukisa ni wuchi wa ku liwe.

Izaya 28:1

Lamba ku chipangula cha kulengumuka cha A-Eframe akwa kuzengewa, ni ku chitemo chumu cha upeme wo wa uhenya, chize chili ha mutwe wa chikulo cha chinuno cha waze hazeya ku vinyu!

Izaya 28:4

ni chitemo chumu cha upeme wo wa uhenya, chize chili ha mutwe wa chikulo cha chinuno muchipwa ngwe kuyu lize lia kuhia shimbu mwaka kanda uchiheta; muze mutu malimona malilia ha kulikwata mu kwoko.

Kwalula 18:12

Maji eswe apema ahiana, ni vinyu yeswe yipema yahiana, ni ya mbuto, ye mihuko yitangu mayilambula kuli Yehova, hingunakweheyo yena.

Kwalula 18:29

Nukalambule milambu yeswe ya kuzundula ya Yehova ya ku yawana yenu yeswe, ya ku yuma yayo yipema yahiana, ndo yihanda yayo yisandu.

Shimbi 32:14

Maji a yamwa ya ngombe, ni yamwa ya mapanga, ni maji a ana-mapanga ni kuji a mapanga, yendo ya ku Mbashane hamwe ni pembe, hamwe ni tiliku yipema yahiana. Wanwine vinyu—e manyinga a uva.