Ubutukilo 44:8 - MUKANDA USANDU WA ZAMBI 1975

⁸ Mbongo jize twajiwanyine mu njeke jetu twajinehene kuli yena, chize ku chifuchi cha Kanana. Mba kuchi mutuhasa kwiya prata hanji oru ku zuwo lia mwata we?

Mukanda Wa Zambi 1970

⁸ Muze twahetele ku chifuchi chetu cha Kanana, mbongo jize twamwene mu tuku jetu, nunakamona chize tunakajihilwisa ku moko jenu. Mba kuchi mutuhasa kwiya yuma ya ndando yinji ya mwene wenu?

Ubutukilo 44:8 Iomraidhean Croise

Ubutukilo 42:21

Yaliamba umwe kuli mukwo ni mukwo ngwo, Ha kutwala kuli mwanakwetu hitwahia pundu, mumu twamwene kupinda cha mbunge yenyi muze alembelele kuli yetu, ni yetu kutwapanjikile. Kashika lamba lino hiliatuwana.

Ubutukilo 42:27

Shimbu umwe hakachi ko hajitula njeke yenyi akahane kulia kuli chimbulu chenyi ha chipombelo, yamona mbongo jenyi, kumanyi kwilu mu njeke jili.

Ubutukilo 42:35

Mba muze azukwile njeke jo kumanyi funda lia mbongo ja mutu mweswe mu njeke yenyi. Muze o hamwe ni tato yamona mafunda ja mbongo, evwile woma.

Ubutukilo 43:12

Numbate nawa ndando jiali hamuwika ni mbongo jize ajihilwishile mu njeke jenu, nejo nujimbate, hanji kanakajivulama.

Ubutukilo 43:18

O yevwa woma mumu haatwala mu zuwo lia José. Yamba ngwo, Hatuneha muno mumu ha mbongo jize ahilwishile mu njeke jetu jila yitangu. Kashika anatutambila mulonga hanga atukwate hamwe ni yimbulu jetu, tukapwe tupinji.

Ubutukilo 44:7

O yamukumbulula ngwo, Mwata kuchi te unambe maliji apwa haha? Chikapwe kusuku ni yetu ngamba je kulinga chuma chino.

Kutuhuka 20:15

Kanda ukeya.

Mateu 19:18

Aye yamba kuli iye ngwenyi, Maliji aka? Yesu ngwenyi, Kanda ushiha, Kanda ulinga utanji, Kanda wiya, Kanda ushindakenya mahuza.

A-ROMA 13:9

Mumu ngwo, Kanda ulinga utanji; kanda ushiha; kanda wiya; kanda ushindakenya mahuza; kanda wivwa kuzo; nyi kachi liji likwo lia shimbi liliko, linasu mu liji lino ngwo, Uzange mwenyembo we chizechene ngwe unalizange yena mwene.

Shimbi 5:19

Kanda ukeya.