Ubutukilo 44:5 - MUKANDA USANDU WA ZAMBI 1975

⁵ Uno ngwami musenge mwata wami akunwinamo. Chipwe kutaha kakutahilamo ngombo. Chino nwalinganga, chipi.

Mukanda Wa Zambi 1970

⁵ Kuchi mba nweya musenge wa mwene wami uze akunwina ni kunyingika nawo yize muyiza kulutwe? Nwalinga Chuma chibi chahiana!’ ”

Ubutukilo 44:5 Iomraidhean Croise

Ubutukilo 30:27

Lapane yamba ngwenyi, Nyi hinawana vumbi ku meso je, twama. Mumu hinamona ngwami, Yehova kakunguwahisa ha mukunda wa yena.

Ubutukilo 44:15

José yamba kuli ayo ngwenyi, Chuma chino nwalinga kuchi chinalumbunuka? Te kunwanyingikine mutu chize napwa yami mahasa kutaha, nyi?

Ubutukilo 44:6

Iye yaawana, yahanjika no maliji ano.

1 Yitanga Ya Mianangana 20:33

Malunga yazewula chuma chino kanawa, achinyingike chize chili mu mbunge yenyi. O ngwo, Chochene, Mbene-Hadade yayenu. Aye yamba ngwenyi, Yénu numunehe. Chocho Mbene-Hadade yatuhuka kuli iye, yamutwamisa mu temba lienyi lia jita.

1 MIANANGANA 21:6

Wapalikishile mwanenyi wa lunga mu kahia. Watahile ngombo; walingile umbanda; wayile kuli akwa mahamba ni kuli akwa wanga; walingile yipi yinji kumeso ja Yehova kumwihia atenuke.

Alevi 19:26

Kanda nukalia yifwo niyimwe hamuwika ni manyinga jayo. Kanda nukalinga yuma ya kutaha ni ya wanga.