Ubutukilo 44:21 - MUKANDA USANDU WA ZAMBI 1975

²¹ Enu nwambile ngwenu, Numunehe kuli yami hanga ngumutale kama.

Mukanda Wa Zambi 1970

²¹ Mwanangana, yenu nwambile ngwenu: ‘Nukeza nenyi kuno hanga ngukamumone.’

Ubutukilo 44:21 Iomraidhean Croise

Ubutukilo 42:15

Alioze mungunusela chinyingi ha chuma chino. Ni mwono wa Falau, kunuchi kakatuka kuno ndo mwanakwenu meza nawa ku kuno.

Ubutukilo 42:20

Mba mununeha mwanakwenu kuli yami ngukanyingike ngwami, Maliji jenu amwenemwene, mba kunuchi kufwa. O yalinga chocho.

Ubutukilo 43:29

Iye yahetula meso jenyi, yamona mwanakwo Mbenjamine, mwe mwana wa naye, mba yamba ngwenyi, Yono mwanakwenu kasulasongo nwamwambulwile kuli yami, nyi? Kuli iye yamba ngwenyi, Mwanami, Zambi akulinge vumbi.

Ubutukilo 44:22

Etu twambile kuli yenu mwata ngwetu, Mukweze kahashile kuhichika tato mumu nyi mamuhichika tato kumafwa.

Jeremia 24:6

Mungusa meso jami hali ayo ngukaalinge yipema. Mungwahilwisa nawa ku chifuchi chino, mungwatungisa, chichi kwapuzula nawa; mungwatumba chichi kwatukula.

Jeremia 40:4

Musono ngunakutusula ku malenge a ha moko je. Nyi chinakupemena kwiza ni yami ku Babilonia, tweya mba yami mungukufunga kanawa. Alioze nyi chakupihila kwiza ni yami ku Babilonia, kanda wiza. Tala, chifuchi cheswe chili kumeso je, yako kweswako kunakuwahila ni kuze kunakupemena.

Amose 9:4

Chipwe maya ufunge kuli akwa kole jo, kwenako mungukatuma katana mba makaashiha. Mungwahulikila meso jami kwalinga chipi hi chipema ko.