Ubutukilo 44:18 - MUKANDA USANDU WA ZAMBI 1975

¹⁸ Aho Yunda yakundama kuli iye, yamba ngwenyi, Mwata wami, ngutayize kama kuhanjika liji limuwika mu matwi ja yenu mwata, yami nguli ngamba yenu. Utenu wenu kanda usasaminya hali yami ngamba yenu, mumu yenu chimuwika wapwa ni Falau.

Mukanda Wa Zambi 1970

¹⁸ Yuda yakundama kuli Josefe, yamba ngwenyi: “Vulie mwanangana! Nyi nunatayiza, nguli ni maliji akuhanjika ni yenu. Kanda nutenuka mwanangana, yenu nuli ngwe mwe mwanangana.

Ubutukilo 44:18 Iomraidhean Croise

Ubutukilo 18:30

Iye yamba nawa ngwenyi, Mala! Mwene kanda utenuka ni yami, mba munguhanjika. Hanji mawanamo makumi atatu. Ngwenyi, Nyi munguwana makumi atatu, chichi kuchilinga.

Ubutukilo 18:32

Ngwenyi, Mala! Mwene kanda utenuka, nguhanjike kamuwika nawa kunahu. Hanji mawanamo kumi. Iye ngwenyi, Chipwe ha kumi chichi kuchilinga.

Ubutukilo 37:6

Yamba kuli ayo ngwenyi, Ivwenu kama chilota chino nalotanga.

Ubutukilo 37:7

Namwene ngwe tunajichika yichita mu munda. Kumanyi, chichita chami chakatukile yichimana kachichi mba yichita ya yenu yiyikunguluka nikuhetamina hashi ku chichita chami.

Ubutukilo 37:8

Ayayo yamba kuli iye ngwo, Te yena mukatuyula, nyi? Te mukatuzeyesa, nyi? Mba amuvwilile kole kuhiana nawa, mumu ha yilota yenyi ni maliji jenyi.

Ubutukilo 41:40

Kashika yena muyula zuwo liami. Atu jami eswe malinga nikulita ni liji lie. Mu ngunja wika mungukuhiana.

Ubutukilo 41:44

Falau yamba kuli José ngwenyi, Yami Falau, alioze niumwe mazundula kwoko lienyi hanji kulu lienyi mu chifuchi cheswe cha Engitu ndo yena muchitayiza.

Ubutukilo 44:17

Iye yamba ngwenyi, Chikapwe kusuku ni yami kulinga chocho. Mwe mutu twamuwana ni musenge iye mapwa kapinji kami. Alioze yenu akwo, yénu ni sambukila kuli tatenu.

2 Samuel 14:12

Pwo yamba ngwenyi, Tayizenu kama kavumbi kenu kuhanjika limwe liji kuli yenu mwene wami mwanangana. Iye ngwenyi, Hanjika.

Estere 1:12

Alioze mwazovu Vashti kasolo kutá ku liji lia mwanangana ku kanwa lia tuvumbi. Kashika mwanangana yatenuka chikolo; utenu wenyi wasasaminyine mu mbunge yenyi.

Jobe 33:31

Panjika kanawa, mwata Jo, ungwivwe. Hola mba munguhanjika.

Miaso (Masamu) 79:5

Yehova, ndo mwiji muka? Mukatenuka ku miaka ya mutolo, nyi? Ukwa we muuyila ngwe kahia, nyi?

Kutuhuka 32:22

Arone yamba ngwenyi, Mwata, utenu we kanda usasaminya kama. Yena kuwanyingika e atu. Kanazange yipi.

Yishima 19:12

Ufwatulo wa mwanangana wapwa ngwe kuhiohia cha ndumba; alioze vumbi lienyi liapwa ngwe mume ha mwambu.

Daniel 3:15

Nyi numutá, muze munwivwa liji Iia chitavwi, ni lundembo, ni kalialia, ni chisaji cha kusa, ni ngaita, ni milali yeswe ya yisaji, nukafulamane nukawayile kaponya yono hinalinga, chipema. Alioze nyi kunusolo kuwayila, manunyasa haliapwila mu lutengo wa kahia ka kulengenya, mba mwe zambi yoze mahasa kunulamwina ku moko jami iya?

Daniel 5:19

mba ha unene uze hamwaha akwa mavungu eswe, ni minyachi yeswe, ni malimi eswe achikimine ni woma kumeso jenyi. Mweswe yazanga kushiha, yamushiha; mweswe yazanga kufunga ni mwono, yamufunga ni mwono. Mweswe yazanga kunangamisa, yamunangamisa; mweswe yazanga kununguna, yamununguna.

Yoano 5:22

Mumu chipwe mwe Tata keshi kupatwila niumwe, alioze hanahana upatwilo weswe kuli mwe Mwana;

Yilinga 2:29

Mandumbu, ngutayizenu kama, nguhanjike kuli yenu ha kutwala kuli kalamba David, ngwami, Hanafu hanamufundu nawa, ni fuka lienyi hamwe ni yetu lili ndo musono.