Ubutukilo 44:16 - MUKANDA USANDU WA ZAMBI 1975

¹⁶ Yunda yamba ngwenyi, Kuchi mutwamba kuli yenu mwata? Tuhanjike kuchi? Kuchi mutuhasa kulisambisa? Zambi hatuwa uhenge wa yetu ngamba jenu. Tuli tupinji twa yenu mwata. Ni yetu ni yoze wamuwana ni we musenge.

Mukanda Wa Zambi 1970

¹⁶ Yuda ngwenyi: “Mwanangana, kuchi mutwamba nawa? Kutushi nawa ni liji likwo. Ubi wetu Zambi hausolola. Mwanangana, hi yoze wika ko awananga ni musenge wenu mabwa ndungo yenu, alioze yetu eswe tuli ndungo jenu.”

Ubutukilo 44:16 Iomraidhean Croise

Ubutukilo 37:7

Namwene ngwe tunajichika yichita mu munda. Kumanyi, chichita chami chakatukile yichimana kachichi mba yichita ya yenu yiyikunguluka nikuhetamina hashi ku chichita chami.

Ubutukilo 37:9

Iye yalota nawa chilota chikwo, yachilweza kuli ayayo ngwenyi, Kumanyi, hinalota nawa chilota chikwo. Ni tangwa, ni kakweji, ni kumi lia matongonoshi ni lutongonoshi umuwika yahetamina hashi kuli yami.

Ubutukilo 44:17

Iye yamba ngwenyi, Chikapwe kusuku ni yami kulinga chocho. Mwe mutu twamuwana ni musenge iye mapwa kapinji kami. Alioze yenu akwo, yénu ni sambukila kuli tatenu.

Ubutukilo 44:32

Mumu yami ngamba yenu nalisele chifungo hali mwana kuli tata, ngwami, Nyi chamunehene kuli yena mba mulonga mungutwama nawo wa mutolo kuli tata.

Ubutukilo 44:9

Mweswawo hakachi ketu ngamba je mumuwana nawo, akafwe lume, mba yetu akwo eswe mutupwa tupinji kuli mwe mwata.

1 Yitanga Ya Mianangana 17:18

Pwo yamba kuli Eliya ngwenyi, Ena mutu wa Zambi, yika yiliko hakachi ka yena ni yami? Hiweza kuvumbula uhenge wami Ushihe mwanami.

Ezra 9:10

Alioze haliapwila, Zambi yetu, yika mutwamba ha chuma chino? Mumu hitwehuka shimbi je,

Ezra 9:15

Yehova, Zambi ya Izalele! Uli mukwa ululi! mumu hitwasala ngwe atu a piliwiji a kwomboka—chize twapwa kumeso je musono. Tala, tuli kumeso je ni uhie wetu, mumu niumwe mahasa kumana kumeso je mumu ha chino chuma.

Jobe 40:4

Nguli wamokomoko. Chika mungukumbulula? Mungusa kwoko ku kanwa liami.

Yishima 17:15

Yoze masambisa chingulungulu ni yoze mahisa mukwa ululi, eswe ni aali kapwa chizelwokeso kuli Yehova.

Yishima 28:17

Mweswe yoze halitwika manyinga ja mutu mweswawo machinyina mu jondo; niumwe kanda amuchinda.

Izaya 27:9

Kashika ni chuma chino makukila uhie wa Yakomba, ni chino muchipwa mihuko yingunu ha kuchiza shili yenyi; muze mapwisa mawe eswe a yilumbilo ngwe mawe a wunga a kufwenyona tuyifwenyu. Niumwe Ashera, nichimwe chilumbilo cha insensu muchikamana.

Izaya 5:3

Kashika, enu nwatwama mu Yerusaleme ni yenu malunga ja Yunda, ngunalembe, patulenu hakachi ka yami ni munda wami.

Daniel 9:7

Mwene, ululi unalite ni yena, alioze chize chinatute yetu, sonyi ku meso, chize tunamono musono, kuli malunga ja Yunda, ni kuli akwa Yerusaleme, ni kuli A-Izalele eswe, waze ali hakamwihi ni waze ali kusuku mu yifuchi yeswe kuze hiwaahumina mumu ha mafwefwe aze halinga ni yena.

Kwalula 32:23

Alioze nyi kunuchi kalinga chocho, kumanyi, nwavulumuna Yehova, nunyingike chamwenemwene, ngwami, shili yenu muyikanukumika.

Mateu 7:2

Mumu upatwilo uze munupatula nawo akwenu, kumanupatwila: ni cheseko chize munweseka nacho, kumanwesekela.

Luka 12:2

Alioze chuma cha kufukiwa chize kuchichi kafukuka chakuhi nichimwe; chipwe cha kuhengama chize kechi kachinyingika chakuhi nichimwe.

Yilinga 2:37

Achi, muze evwile chino alichokele mu mbunge, o ambile kuli Petulu ni apostolo ngwo, Mandumbu, kuchi mutulinga?

Shimbi 25:1

Kachi kulihangujola chimwe muchipwa hakachi ka malunga, maheta ha lwaza mba ngaji maapatwila, asambise mukwa ululi, ahise chingulungulu.

Yoshua 7:1

Alioze A-Izalele avulumwine ha kutwala ku yuma yajila. Mumu Akane mwana wa Kame, mwana wa Zapati, mwana wa Zera wa ku munyachi wa Yunda wanjile yimwe ya yuma yajila. Kashika utenu wa Yehova walekwokele kuli A-Izalele.

Yoshua 7:18

Yakundamisa zuwo lienyi, mutu ni mutu; mba yatongola Akane, mwana wa Kame, mwana wa Zapati, mwana wa Zera, wa ku munyachi wa Yunda.

Akwa Kuyula 1:7

Adonibezeke yamba ngwenyi, Makumi shimbiali a mianangana naatetele minwe yo ya shina ku moko ni ku molu, anjile yifwenyufwenyu kushi ha mesa yami. Chize nalingile Zambi hananguhilwisacho. Chocho amunehene ku Yerusaleme, yafwilako.