Ubutukilo 43:8 - MUKANDA USANDU WA ZAMBI 1975

⁸ Yunda yamba kuli tato Izalele ngwenyi, Tuma mwe mukweze ni yami, mba mutuka tuka, mutuya, hanga tukamone mwono, kanda tufwa ni yetu ni yena ni ana jetu.

Mukanda Wa Zambi 1970

⁸ Yuda yambila tato ngwenyi: “Tata, ngwehe kanuke nguye nenyi, nyi tunazange kubwa ni mwono, yetu, ni yena ni ana jetu.

Ubutukilo 43:8 Iomraidhean Croise

Ubutukilo 42:2

Yamba ngwenyi, Hinevwa ngwo, Mbuto ku Engitu kuyili. Yénu nukatulanjileko yimwe tukapwe ni mwono. Kanda tufwa.

Ubutukilo 42:38

Iye yamba ngwenyi, Mwanami kunuchi kuya nenyi, mumu yayo hanafu, iye wika wangusala. Nyi chimwe chuma chipi muchimuwana mu jila munuya, kambu jami jitoma ni chinyengo munujikoka ku Shiole.

Ubutukilo 44:20

Etu yitukumbulula kuli yenu mwata ngwetu, Tata tuli nenyi, kashinakaji, ni mwe kasulasongo wa ukulwana wenyi, iye kanuke. Yayo hafwa, iye wika wasala wa naye, kashika tato kamuzanga chinji.

Ubutukilo 44:26

Twambile ngwetu,. Kutwahashile kuya. Nyi mwanakwetu maya mba ni yetu mutuya. Mumu kutuchi kuhasa kumona meso ja mwe lunga ndo ni mwanakwetu mutuya nenyi.

Ubutukilo 45:19

Hinanwaha shimbi, lingenu chino. Munuya ni matemba a mu chifuchi cha Engitu nukambachilemo anenu, ni mapwo jenu, nukanehe tatenu nukeze.

Ubutukilo 50:21

Kashika kanda nwivwa woma. Mungunuhoka hamuwika ni ana jenu. Chocho yaalembejeka nikuhanjika ku mbunge jo.

Ubutukilo 50:8

Ni akwa zuwo lia José, ni ayayo, ni akwa zuwo lia tato. Ahichikile ana jo wika mu chifuchi cha Ngoshone, hamwe ni yimuna jo.

1 MIANANGANA 7:13

Umwe kavumbi kenyi yamukumbulula ngwenyi, Ngunalembe, amwe atambule tuvwalu atano waze anasala mu chihunda (kumapwa ngwe mbunga yeswe ya A-Izalele waze asala, hanji mapwa ngwe mbunga ya A-Izalele waze hanafu) tutumenu tuchitale.

1 MIANANGANA 7:4

Nyi mutwamba ngwetu, Tunjilenu mu chihunda—kapunga uli mu chihunda; mutufwilamo. Nyi mututwama kuno chizechene, mutufwa nawa. Kashika tuyenu tukalimbilile kuli tujita twa A-Seria. Nyi matulamwina ni mwono, mutumona mwono; nyi matushiha, mutufwa tuhu.

Ezra 8:21

Mba ku Lwiji Ahava nasele shimbu lia kulitwamina kulia tukalilelese kumeso ja Zambi yetu tukafupe kuli iye atwehe jila yinalulama, hali yetu, ni ana jetu, ni upite wetu weswe.

Miaso (Masamu) 118:17

Chichi kufwa. Mungutwama ni mwono. Mungwambujola yitanga ya Yehova.

Kutuhuka 20:12

Lemesa tatenu ni noko, hanga matangwa je akapwe anji mu chifuchi chize Yehova Zambi ye kanakwehe.

Kwalula 14:31

Alioze ana jenu, hali ayo yenu nwambile ngwenu, O kumapwa funge, mungukaahetesamo, mba o kumakanyingika che chifuchi hinwalitunacho yenu.

Shimbi 33:6

Rupene atwame ni mwono; kanda afwa. Chipwe malunga jenyi kanda atepuluka.