Ubutukilo 43:34 - MUKANDA USANDU WA ZAMBI 1975

³⁴ Yanda nawa kulia ku mesa yenyi nikuchituma kuli ayo, alioze kulia cha Mbenjamine chahianyine nicho yisuho yitano. Chocho anwine nikusehejela nenyi.

Mukanda Wa Zambi 1970

³⁴ Yakulia yize te anali, yakatwokele ku mesa ya Josefe. Yaasa yakulia yisuho yitano ha chenga cha Benjamine. Eswe yaalia, yaanwa, yaawahilila.

Ubutukilo 43:34 Iomraidhean Croise

Ubutukilo 35:24

Ana ja Rakele, José ni Mbenjamine.

Ubutukilo 45:22

Yahana kuli eswe mazalo, alioze kuli Mbenjamine yahana makulakaji atatu a mbongo ja prata, ni mazalo atano.

2 Samuel 11:8

Mba David yamba kuli Uriya ngwenyi, Palumuka ku zuwo lie usane ku molu. Uriya yakatuka ku zuwo lia mwanangana, mba kwamukawile kulia cha kuli mwanangana.

Yishima 31:6

Hana kunwa chisasu kuli waze anambe kufwa; hana vinyu kuli waze anasasaminya mu mbunge.

Longeshi 10:19

Mbolo kakuyitenga ha kuseha, ni vinyu kuyakuwahisa mwono, alioze mbongo kujakukumbulula yeswe.

Longeshi 9:7

Yako ukalie mbolo ye ni uwahililo; nwako vinyu ye ni mbunge ya chiseke, mumu Zambi hanatayiza kulu chize unalingi.

Mwaso Ubema Wahiana 5:1

Hinanjila mu jardine yami, ndumbwami kanda ndungi yami. Hinahela mira yami ni tumbuto twami twa lupembo mupema. Hinalia chiputa chami hamwe ni wuchi wami. Hinanwa vinyu yami hamwe ni yamwa yami. Lienu akwetu, nwenu nawa. Nwenu kanawa akwa zango.

Habakuke 1:6

Mumu ngunavundula A-Kaletea vungu lisasu lia kulipupula kakwenda ndusu utohe wa hashi akapunde mazuwo hi nijo ko.

Mateu 11:19

Mwe Mwana Mutu wejile nikulia, nikunwa, o mamba ngwo, Chipulutu, mukwa kuzengewa, kasendo ka akwa kufwetesa lijimu ni yivulumunyi! Alioze mana hanasambe hali ana jenyi.

Yoano 2:10

Yamba kuli iye ngwenyi, Atu eswe masa hatangu vinyu yipema ni muze atu hanwa chikolo, hohene masa yize hi yipema ko: yena hiwatunga vinyu yipema ndo haliapwila.

1 Samuel 1:5

Alioze kuli Hana wahanyine chihanda chipema mumu wamuzangile, hindu Yehova hamujika ngoji yenyi.