Ubutukilo 43:30 - MUKANDA USANDU WA ZAMBI 1975

³⁰ José yakatuka kapupushi akafupe kuze malilila, mumu mbunge yenyi yevwile usona wunji hali mwanakwo. Yanjila mu chipatulo cha kupomba, yalililamo.

Mukanda Wa Zambi 1970

³⁰ Ha kumona mwanakwo Benjamine, Josefe yalibikala kuhiana. Yamba kulila lizeliene, alioze yakatuka nikawashi, yanjila mu zuwo lienyi lia kubomba ni kulilila mo.

Ubutukilo 43:30 Iomraidhean Croise

Ubutukilo 42:24

Iye yatewuluka kuli ayo, yalila. Mba yeza kuli ayo, yahanjika no, yanda Simeone hakachi ko, yamukasa kumeso jo.

Ubutukilo 45:2

Yalila ni liji linene, ni A-Engitu evwile, ni akwa zuwo lia Falau evwile.

Ubutukilo 46:29

José iye yalulika temba lienyi, yaya kupatwiza tato Izalele ku Ngoshone. Yalisolola kuli tato, yalizewilaye, yalila ha kota yenyi shimbu lume.

1 Yitanga Ya Mianangana 3:26

Henaho mwe naye ya mwana wa mwono yamba kuli mwanangana ngwenyi, Mwanangana wami! Mwehenuye mwe wa mwono, kanda munushiha. Mumu mbunge yenyi yili ni usona wunji wa mwana. Alioze mukwo ngwenyi, Amutete. Kechi kupwa chipwe wa yami chipwe wa yena.

Jeremia 31:20

Eframe iye mwanami wa lunga mulemu nyi? Iye mwanami wa zango nyi? Mumu cheswe munguhanjika cha kulimika nenyi kunakumwiwuluka hindu. Kashika mbunge yami yakumuvwila usona. Pundu, mungumuvwila keke. Chocho kanambe Yehova.

Hosea 11:8

Ena Eframe, kuchi munguhasa kukwecha? Ena Izalele, kuchi munguhasa kukukunjika? Kuchi munguhasa kukupwisa ngwe Andama? Kuchi mungukulinga ngwe Zepoime? Mbunge yami kuyatayile muchima; keke yami yinaliwezela chivukuminya ni vumbi.

Yilinga 20:19

nalingilile Mwene ni mbunge yeswe ya kulikehesa, ni masoji anji, ni yeseko yize yanguwanyine ni utwahe wa A-Yunda;

Yilinga 20:31

Kashika lenu, iwulukenu ngwe ha miaka yitatu, ufuku ni mwalwa, chalitwaminyine kukanyamisa mweswe wa kuli yenu ni masoji.

Yilinga 20:37

O eswe alilile chikolo, nikukangayika Paulu mu moko jo amumbejele chikolo.

Filipu 1:8

Mumu Zambi iye chela chami, chize nakunuvwila eswe usona mu zango lia Yesu Kristu.

Filipu 2:1

Kashika kachi kuchili kulembejeka chimwe muli Kristu, kachi kusangulwisa chimwe cha zango, kachi kuliendela chimwe cha Spiritu, kachi mbunge yimwe ya keke,

Kolosu 3:12

Kashika ngwe ana aze hanaatongola Zambi, asandu, waze kanaazange chikolo, zalenu mbunge ja keke, ni utu, ni mbunge ja kulikehesa, ni kushimbika, ni uhomboloji;

2 Timoteu 1:4

Nakwivwa usona kukumona, ha kwiwuluka masoji je, hanga ngukazale tò ni uwahililo;

1 Yoano 3:17

Alioze yoze mapwa ni yikumba ya hano hashi, mamona ndumbwenyi kanahono, makalisa mbunge yenyi kuli iye, ngwe kuchi zango lia Zambi mulitwama muli iye?