Ubutukilo 43:29 - MUKANDA USANDU WA ZAMBI 1975

²⁹ Iye yahetula meso jenyi, yamona mwanakwo Mbenjamine, mwe mwana wa naye, mba yamba ngwenyi, Yono mwanakwenu kasulasongo nwamwambulwile kuli yami, nyi? Kuli iye yamba ngwenyi, Mwanami, Zambi akulinge vumbi.

Mukanda Wa Zambi 1970

²⁹ Muze Josefe hamona Benjamine, mwe mwanakwo, mwana wa naye, yaahula ngwenyi: “Yono mwe mwanakwenu yoze nwangulwezele, nyi weka? Mwanami, Zambi akufunge.”

Ubutukilo 43:29 Iomraidhean Croise

Ubutukilo 35:24

Ana ja Rakele, José ni Mbenjamine.

Ubutukilo 42:11

Tuli eswe ana ja lunga umuwika. Tuli malunga amwenemwene, etu ngamba jenu hi tuli ngendeshi ko.

Ubutukilo 42:13

O ngwo, Etu ngamba jenu tuli kumi lia malunga ni malunga aali eswe ana ja lunga umuwika mu chifuchi cha Kanana. Mwe kanuke kwali ni musono hamwe ni tata. Umuwika keshiko.

Ubutukilo 44:21

Enu nwambile ngwenu, Numunehe kuli yami hanga ngumutale kama.

Ubutukilo 45:8

Kashika hi yenu ko nwangutumine kuno, Zambi. Mba iye hangupwisa ngwe chisemi kuli Falau, mwenya zuwo lienyi heswe kanda mukwa kuyula chifuchi cheswe cha Engitu.

2 Sango Ja Mianangana 29:11

Ana jami, kanda nulengulula chuma chino, mumu Yehova hananutongola nukamane kumeso jenyi ni kumuvumbika, nukapwe tuvumbi twenyi, ni kwocha insensu.

Miaso (Masamu) 111:4

Hanewulula atu yitanga yenyi ya kukomwesa. Yehova mukwa vumbi kanda mukwa keke.

Miaso (Masamu) 112:4

Kuli mukwa kululama kwakuvumbuka pangu hakachi ka milima. Iye mukwa vumbi ni keke ni ululi.

Miaso (Masamu) 67:1

Zambi atuvwile vumbi, atuwahise, apangwise meso jenyi hali yetu.(Litulike.)

Izaya 30:19

Ewa, enu atu a mu Zaione, nwatwama mu Yerusaleme; kunuchi kulila nawa. Kumakapwa ni vumbi kuli yenu ha kwivwa muteto wenu. Muze mevwa manukumbulula.

Izaya 33:2

Yehova, utulinge vumbi; tunakutwaminyina. Upwe kwoko kuli yetu tangwa ha tangwa ha chimenemene, upwe ulamwino wetu ha tangwa lia lamba.

Malaki 1:9

Esekenu kwita vumbi lia Zambi hanga alinge ni vumbi kuli yetu! Yehova-wa-Tujita kanambe ngwenyi, Nyi mutu mambata mu kwoko lienyi mulambu ngwe yino, te mapwa ni vumbi kuli umwe?

Kwalula 6:25

Yehova akanutemwine meso jenyi, aka-nuvwile vumbi.

Mateu 9:2

Kumanyi, anehene kuli iye mukwa kalepa, kanapombo ha muhela: Yesu ha kumona Ufulielo wo, wambile kuli mukwa kalepa ngwenyi, Mwanami, hamuka; kakukonekena milonga ye.

Mateu 9:22

Alioze Yesu ha kutewuluka, yamumona, wambile ngwenyi, Hamuka, mwanami, Ufulielo we hiwakupwisa mungunu. Mba mwe pwo wapwile mungunu chize ku ola yize.

Marku 10:24

Tumbaji akomokene ha maliji jenyi. Alioze Yesu yakumbulula cheka nawa ngwenyi, Ana jami, chikalu Chichize hali waze akukolela ha upite, kunjila mu wanangana wa Zambi!

1 Timoteu 1:2

Kuli Timoteu, mwanami pundu mu Ufulielo: Vumbi, ni keke, ni sambukila ya kuli Zambi Tata yetu, ni Kristu Yesu Mwene wetu.

Hebreu 13:1

Kufwila cha mandumbu chikalinduluke.

Yoshua 7:19

Henaho Yoshua yamba kuli Akane ngwenyi, Mwanami lemesa Yehova Zambi ya Izalele, ukashikise kuli iye. Ngwambulwile chize walinga. Kanda unguswekelacho.