Ubutukilo 43:21 - MUKANDA USANDU WA ZAMBI 1975

²¹ Alioze ha kuheta ku chipombelo twajitwile njeke jetu, kumanyi mbongo ja mutu mweswe twajiwanyine mu njeke yenyi, mbongo jeswe nikulita ni pezu. Kashika hitwajineha mu kwoko.

Mukanda Wa Zambi 1970

²¹ Muze hitwahiluka mu jila, ha chibombelo yitukasulula tuku jetu, mba mu tuku jeswe yitumona mo mbongo. Je mbongo jeswe te jinazuku ngwe chize twajimbachile hatangu, kutweza najo nawa.

Ubutukilo 43:21 Iomraidhean Croise

Ubutukilo 43:12

Numbate nawa ndando jiali hamuwika ni mbongo jize ajihilwishile mu njeke jenu, nejo nujimbate, hanji kanakajivulama.

Ubutukilo 43:15

Chocho malunga atwalile ni we mulambu, ni ndando jiali mu moko jo, ni Mbenjamine. Yakatuka, yapalumuka ku Engitu, yamana kumeso ja José.

Ubutukilo 43:20

Ngwo, Mwata, twejile jila yitangu mukulanda kulia.

Ubutukilo 43:22

Ni mbongo jikwo nawa hitwaneha mu kwoko tukalande kulia. Kutwanyingikine yoze asele mbongo jetu mu njeke jetu.

Ubutukilo 44:8

Mbongo jize twajiwanyine mu njeke jetu twajinehene kuli yena, chize ku chifuchi cha Kanana. Mba kuchi mutuhasa kwiya prata hanji oru ku zuwo lia mwata we?

A-ROMA 12:17

Kanda nufwetesa niumwe yipi ha yipi. Fupenu yuma yilemu kumeso ja atu eswe.

A-ROMA 13:8

Kanda nukapwa ni kongo kuli niumwe, shina kulizanga umwe ni mukwo ni mukwo: mumu yoze mazanga mukwo, hanamanununa shimbi jeswe.

Hebreu 13:18

Tulembelenu; mumu tunakunuka mbunge yipema tuli nayo ha yuma yeswe, tunazange kwenda kanawa ha kutwala ku yuma yeswe.

Hebreu 13:5

Ndako jenu jikapwe kujishi kufwila cha mbongo; pwenu akwa kuyuka ni yuma yize nuli nayo; mumu iye mwene hanambe ngwenyi, Chichi kukuhichika nichimwe, chipwe chichi kakwehuka nichimwe.

1 Petulu 2:12

Pwenu ni kwenda chenu ngwe chinate hakachi ka akwa mavungu: hanga chipwe manuhanjika ngwe akwa kulinga yipi, ku yitanga yenu yipema yize akumona, akachichimieke Zambi ha tangwa lia kukala ni lia kwononona.

1 Petulu 3:16

Pwenu ni mbunge yipema: hanga ha chize manwamba chipi ngwe akwa kulinga yipi, akevwe sonyi, waze akusaula kwenda chenu chipema muli Kristu.