Ubutukilo 43:18 - MUKANDA USANDU WA ZAMBI 1975

¹⁸ O yevwa woma mumu haatwala mu zuwo lia José. Yamba ngwo, Hatuneha muno mumu ha mbongo jize ahilwishile mu njeke jetu jila yitangu. Kashika anatutambila mulonga hanga atukwate hamwe ni yimbulu jetu, tukapwe tupinji.

Mukanda Wa Zambi 1970

¹⁸ Ana ja Yakoba muze haamona ngwo, haatwala maha Josefe, yeevwa woma, yaanyonga ngwo: “Hatuneha kuno mumu ha mbongo jize ahilwishile mu tuku jetu ha chisuho chize chitangu. Lwangu lwetu mama! Hasala kakepe hanga atukwate kwetu, mba himutubwa kwetu ndungo, ni kumatutambula nawa yimbulu jetu.”

Ubutukilo 43:18 Iomraidhean Croise

Ubutukilo 42:21

Yaliamba umwe kuli mukwo ni mukwo ngwo, Ha kutwala kuli mwanakwetu hitwahia pundu, mumu twamwene kupinda cha mbunge yenyi muze alembelele kuli yetu, ni yetu kutwapanjikile. Kashika lamba lino hiliatuwana.

Ubutukilo 42:27

Shimbu umwe hakachi ko hajitula njeke yenyi akahane kulia kuli chimbulu chenyi ha chipombelo, yamona mbongo jenyi, kumanyi kwilu mu njeke jili.

Ubutukilo 42:28

Iye yamba kuli akwo ngwenyi, Mbongo jami hanajihilwisa, tala, mu njeke yami jili. Mba mbunge jo jalezumukine, yalitala umwe kuli mukwo ni mukwo nikuchikima ngwo, Chuma chino Zambi hatulinga, chika?

Ubutukilo 42:35

Mba muze azukwile njeke jo kumanyi funda lia mbongo ja mutu mweswe mu njeke yenyi. Muze o hamwe ni tato yamona mafunda ja mbongo, evwile woma.

Ubutukilo 43:17

Mba kaselo yalinga chize José hamutuma, yatwala malunga mu zuwo lia José.

Ubutukilo 43:19

Yakundama kuli mwe kaselo ka zuwo lia José nikuhanjika nenyi ku chikolo cha zuwo.

Ubutukilo 44:8

Mbongo jize twajiwanyine mu njeke jetu twajinehene kuli yena, chize ku chifuchi cha Kanana. Mba kuchi mutuhasa kwiya prata hanji oru ku zuwo lia mwata we?

Jobe 15:21

Nakwivwa mu matwi jenyi yuma ya mwongo; chipwe mayuka hindu chonwonyi mamuwana.

Jobe 30:14

Mu chituwa chinene kaneza; kanangulundumukina ni Chizungozungo.

Miaso (Masamu) 53:5

Apwile ni woma wunji, kuze te kukushi woma, mumu Zambi hanamwange yifwaha ya waze akuselekele. Hiunaakolesa sonyi mumu Zambi hanalitunuo.

Miaso (Masamu) 73:16

Muze nanyongene kunyingika chuma chino chapwile kukatala kumeso jami.

Izaya 7:2

Muze mukwa munyachi wa David hevwa ngwo, A-Seria halikata ni A-Eframe, mbunge yenyi ni mbunge ja atu jenyi jachikimine ngwe mitondo ya mu yambu yakutukunga ni fuji.

Daniel 6:4

Kashika akwa lutwe ni yilolo afupile chitela cha kusuma nacho Daniel ha kutwala ku wanangana. Alioze kawanyine chitela, hanji kapalia, mumu aye mukwa jika; kawanyine kulweza hanji kapalia muli iye.

Marku 6:16

Alioze Heronde muze achivwile, wambile ngwenyi, Yoano yoze namutapile, hahinduka mukachi ka afu.

A-ROMA 7:8

alioze shili, nikuwana unjililo ku shimbi, yalingile muli yami kuzo yeswe: mumu shili kuyishi shimbi kuyinafu.

Shimbi 22:14

mba mamusuma yuma ya sonyi, maneha hali iye lufuma mupi ngwenyi, Nambachile yono pwo, ha kukundama kuli iye chawanyine yinyingi ya kulumbununa ngwe iye kanda apomba ni lunga.

Shimbi 22:17

Kutala! Hamusuma yuma ya sonyi ngwenyi, Chawanyine mwané wa pwo uli ni yinyingi ngwe kanda apomba ni lunga, hindu yinyingi ya mwanami yino. Azazulule hina kumeso ja makulwana a limbo.

Akwa Kuyula 13:22

Manoa yamba kuli mukwo-pwo ngwenyi, Kumutufwa, mumu hitwamona Zambi.

Akwa Kuyula 14:4

Tato ni naye kanyingikine ngwo, Chuma chino chinakatuka kuli Yehova, mumu iye te kanafupu unjililo kuli A-Filistea. Ha mwaka uze A-Filistea te kanayulu A-Izalele.